Rɔmɛnje 1:8 - Dɔnɔn kə̂ Siki: Tar kə̂ aw arə təbbə

⁸ Dɔngɔr nɛ̂n, marə wooyo Lubba ləm ddəw tə̂ lə Jeju-Kristə mbase tɔyn, mba dəwje kə̂ dɔ nangə tə̂ tɔyn aw paje tar mə-kunn ləse.

Rɔmɛnje 1:8 Iomraidhean Croise

Matiye 24:14

Dâ kila mbər Tar kə̂ Maji kə̂ dɔ Bbe-kɔn tə̂ kə̂ darâ duninya tə̂ tɔyn karə gəl-dəwje tɔyn ooje. Goe tə̂ ngaa bba, a to dɔbɔyn nɛ̂n.»

Luku 2:1

Bbalɛ̂ tə̂ənn, tɔkə mbay Ogustə unn ndu karə dəwje tɔyn undaje ride makəturu tə̂ mba gərə nɛ̂n kɔr dəwje kə̂ isije nangə tə̂ lə Rɔmɛnje.

Kulaje 11:28

Ndil unda tar ta marɛ̂ tə̂ kâra kə̂ ria nan Agabus. Nin taar ngaâ n̂-pa nan: «Marə ndɔ a, tɔkə bbo a koso dɔ nangə tə̂ tɔyn.» A tɔkɔrɔ njaa bbo le oso dɔ ndɔ tə̂ kə̂ Kolodə to nɛ̂n to tɔkə mbay.

Kulaje 28:22

A jaw duji karə əi njaa ɔru gəl nɛ̂n kə̂ aw əjə arəje, mba n-gərə to loje tə̂ tɔyn, dəwje aw mbətəje kuwa-dɔ-naan kə̂ ee məɛ tə̂ nəənn to mbətə dɔrɔ.»

Rɔmɛnje 10:18

Yeenn a, m-duju ta koo: Jiipije le ooje tar kə̂ dila mbəre le ang wa? Dooje tar le njaa. Makəturu lə Lubba pa nan: «Dəwje ooje ndu njê-kilaje mbər le dɔ nangə tə̂ tɔyn, dəwje kə̂ eeje kɔyn nangə tə̂ kara ooje tar le tɔ.»

Rɔmɛnje 16:19

Tɔkɔrɔ njaa, dəwje tɔyn gərəje to aw ooje ta Əbbə-dəwje kə majɛ̂. Yeenn bba, rɔm nəələm nya mbase. A m-ndiki karə kəm-karɛ ddususe bba karə ə-ddaje nɛ̂n kə̂ maji, karə ə-ngəmje rɔse, karə aynje nɛ̂n kə̂ maji ang.

Rɔmɛnje 6:17

A wooyo arə Lubba, mba sese kə̂ ləw ə-toje to bbərəje lə majang le bbasinɛn ə-ddaje kula kə mə-kâra ddəw nɛ̂n-tɔju tə̂ kə̂ maji kə̂ n̂-tɔjuse.

1 Kɔrɛntinyɛje 1:4

Kə ndɔ tɔyn maw marə wooyo Lubba ləm ɔju dɔse mba mə-maji kə̂ n̂-dda kə se ddəw tə̂ lə Jeju-Kristə.

2 Kɔrɛntinyɛje 2:14

Jarəje wooyo Lubba, kə̂ dda arə ddəw tə̂ lə Kristə jee horo dəwje tə̂ kə̂ aw ɔsuje nja kə go kulɛ̂ go Kristə tə̂ kə̂ tətə ddɔ le. Ddəw tə̂ ləje, narə dəwje gərəje Kristə loje tə̂ tɔyn, tokə yambo kə̂ banyɛ̂ taa lo tɔyn.

Epɛjinyɛje 1:15

Mba yeenn bba, əman njaa kara, unn kute ndɔ tə̂ kə̂ moo nan ooje məse tə̂ kə Əbbə-dəwje Jeju ddəm aw ndikije njê-mə-kunnje tɔyn ddəm le

Epɛjinyɛje 1:16

kar kə̂ maw nduju Lubba a, maw marɛ̂ wooyo mbase ngaâ maw milase mə duju tə̂ kə̂ maw duje le kə ndɔ tɔyn.

Epɛjinyɛje 3:21

Maji karə Egilisi pite, ddəw tə̂ lə Jeju-Kristə kə kar tɔyn kə ndɔ kə ndɔ. Amɛnn.

Epɛjinyɛje 5:20

Maji karə arəje wooyo Lubba kə̂ Bɔ kə kar tɔyn mba nɛ̂nje tɔyn kə ri Əbbəjeje Jeju-Kristə.

Pilipinyɛje 1:11

Jeju-Kristə a dda karə kulaje kə̂ gatə gatə dɔrɔ â ə-ddaje. Â kɔsuje gaji Lubba ngaâ â piteje ddəw nɛ̂nje tə̂ənn le.

Pilipinyɛje 1:3

Kar tɔyn njaa bbo maw məjə tar ləse a, maw marə wooyo Lubba ləm.

Kolosinyɛje 1:3

Kar kə̂ jaw nduju Lubba kə̂ to Bɔ Əbbəjeje Jeju-Kristə a, jaw jarɛ̂ wooyo mbase ngaâ jaw jilase duju tə̂ ləje kə ndɔ tɔyn.

1 Tesalonisinyɛje 1:2

Jaw jarə wooyo Lubba kə ndɔ tɔyn mbase ngaâ kar kə̂ jaw duju Lubba a, jaw duje mbase tɔ.

1 Tesalonisinyɛje 2:13

Jaw jarə wooyo Lubba kə ndɔ tɔyn mba kar kə̂ jila mbər tar lə Lubba jarəse le, ooje ngaâ ə-taaje to tar lə Lubba njaa, bbo to tar lə dəwje ang. Tar le aw dda kula məse tə̂, see njê-mə-kunnje.

2 Tesalonisinyɛje 1:3

Ngakɔnje, to tar ləje ta karə wooyo Lubba kə kar tɔyn mbase. To nɛ̂n kə to kə dɔgɔlɛ̂ njaa. Mba mə-kunn ləse aw bo kə kete kete ngaâ aw ndikije naan kə kete kete.

2 Timɔte 1:3

Marə wooyo nya Lubba kə̂ maw pole kə kəjə kə̂ maji tɔyn go kamjedede tə̂. Kar tɔyn kə̂ maw duju Lubba, maw pa saa tar mbai til kə kar.

Pilemɔn 1:4

Kar kə̂ maw duju Lubba a, maw mila rii tə̂ ngaâ maw marɛ̂ wooyo mbai kə ndɔ tɔyn.

Ebərəje 13:15

Ddəw tə̂ lə Jeju, maji karə n-walje Lubba tokə nɛ̂n-polo kə̂ jaw jarɛ̂je ddəw paje tə̂ kə ddəw tarje tə̂ kə̂ taje tə̂ kə̂ tɔjuje to Lubba to Əbbə-dəwje.

1 Piyɛr 2:5

Sese njaa kara, ə-toje tokə lə ərje kə̂ naynje kəm baa tɔ, yeenn a, maji karə unnje rɔse kə̂ to ər le ə-ddaje nɛ̂n kəy lə Ndil-mə-nda. Baann bba a ddeeje to njê-poloje Lubba kə̂ dundade dang mba kula laa, ta kunn nɛ̂n-polo ddəw Ndil tə̂ karɛ̂, nɛ̂n-polo kə̂ maji kəmɛ̂ tə̂ ddəw tə̂ lə Jeju-Kristə.

1 Piyɛr 4:11

Dəw kə̂ gusu pa tar to rɔɛ̂ tə̂ a, maji karə tar lə Lubba â n̂-pa. Dəw kə̂ gusu dda kula karə dəwje to rɔɛ̂ tə̂ a, maji karə n̂-dda kula le kə singa kə̂ Lubba arɛ̂. Yeenn bba karə Lubba inga piti mə nɛ̂nje tə̂ tɔyn ddəw tə̂ lə Jeju-Kristə. Lubba kə̂ piti kə singa-mɔngu to laa kə ndɔ kə ndɔ. Amɛnn!