Rɔmɛnje 1:7 - Dɔnɔn kə̂ Siki: Tar kə̂ aw arə təbbə

⁷ M-dda makəturu nəənn marə sese kə̂ eeje Rɔm, sese tɔyn kə̂ Lubba ndikise ngaâ bbarse arə ə-ddeeje to dəwje laa. Maji karə Bɔjeje Lubba kə Əbbə-dəwje Jeju-Kristə, n̂-ddaje kə se mə-maji ngaâ darəje məse wul lɔm.

Rɔmɛnje 1:7 Iomraidhean Croise

Matiye 5:16

Ddəw kâra baa, arəje ndoko ləse to kəm dəwje tə̂ tɔyn. Yeenn bba dâ koo kula-ddase kə̂ maji ngaâ dâ kɔsu nɛ̂n gaji Bɔsese kə̂ isi darâ.»

Tar kə̂ Maji kə̂ Jan dda makəturu tə̂ 20:17

Jeju pa arɛ̂ nan: «Ɔrum kə jii ang, mba m-nayn maw rɔ Bɔy tə̂ ang bbay. A aw pa arə ngakɔnʼmje ə-pa nan maw maw kə rɔ Bɔy tə̂ kə rɔ Bɔmje tə̂ kə̂ to Bɔsese ddəm rɔ Lubba tə̂ ləm kə̂ to Lubba ləse ddəm.»

Kulaje 15:23

Tar kə̂ n̂-ddaje makəturu tə̂ darəde le tokə be: «Jee njê-kaw-kulaje, dəwje kə̂ dɔ Egilisi tə̂ kə ngakɔnse, n-dda lapiya ngakɔnjeje kə̂ toje to Jiipije ang kə̂ eeje Antiyos nangə tə̂ kə̂ Siri kə Silisi.

Kulaje 9:13

Ananiyas le ila tə̂ nan: «Əbbəmje, dəwje nya paje tar nɛ̂nje kə̂ maji ang tɔyn kə̂ dəw nəənn dda kə dəwje ləi Jerujalɛm.

Rɔmɛnje 1:6

Sese kara eeje horo dəwje tə̂ənn tɔ. Sese kə̂ Lubba bbarse arə ə-ddeeje to dəwje lə Jeju-Kristə le.

Rɔmɛnje 5:1

Yeenn a, n-ddeeje gatə gatə kəm Lubba tə̂ mban mba məje kə̂ junn jarə Əbbəjeje Jeju-Kristə arə məje wul lɔm kə Lubba ddəw tə̂ laa ngaa.

Rɔmɛnje 5:5

Məje kə̂ jundaje dɔ Lubba tə̂ le a dda karə rɔje wul ang, mba Lubba arə Ndil-mə-nda kə̂ narəje le ula ndiki laa məje tə̂ tokə bo.

Rɔmɛnje 8:28

N-gərəje to nɛ̂nje tɔyn aw mbɔnje naan ta dda maji kə dəwje kə̂ ndikije Lubba, dede kə̂ Lubba bbarde ddəw nɛ̂n tə̂ kə̂ n̂-gɔl tokə kete.

Rɔmɛnje 8:39

singa-mɔnguje kə̂ darâ ang ddəm singa-mɔnguje kə̂ nangə̂ ang ddəm marə nɛ̂n kə̂ Lubba dda to dda ang ddəm. Marə nɛ̂n kâra kə̂ a tinje kə ndiki lə Lubba goto. N̂-tɔjuje ndiki laa le ddəw tə̂ lə Əbbəjeje Jeju-Kristə.

Rɔmɛnje 9:25

Ye a Lubba pa tarɛ̂ makəturu tə̂ lə Oje nan: «Dəwje kə̂ toje to dəwje ləm ang, mâ bbarde to dəwje ləm. Gəl-dəwje kə̂ ləw m-ndikide ang, mâ bbarde to gəl-dəwje kə̂ m-ndikide.

1 Kɔrɛntinyɛje 1:24

A dede kə̂ n̂-toje to Jiipije wase Gɛrɛkəje kə̂ Lubba bbarde kə ddaka, dooje Kristə to singa-mɔngu lə Lubba ddəm kəm-karɛ lə Lubba ddəm.

1 Kɔrɛntinyɛje 16:23

Maji karə mə-maji lə Əbbə-dəwje Jeju nayn kə se.

Galatəje 6:18

Ngakɔnʼmje, maji karə mə-maji lə Əbbəjeje Jeju-Kristə nayn kə se. Amɛnn.

Epɛjinyɛje 1:2

Maji karə Bɔjeje Lubba kə Əbbəjeje Jeju-Kristə n̂-ddaje kə se mə-maji ddəm darə məse wul lɔm ddəm.

Epɛjinyɛje 6:23

Maji karə Lubba kə̂ Bɔ kə Əbbəjeje Jeju-Kristə ddaje arə njê-mə-kunnje isije kə mə-wul-lɔm, karə n̂-ndikije naan ngaâ darəde mə-kunn.

Pilipinyɛje 1:2

Maji karə Bɔjeje Lubba kə Əbbə-dəwje Jeju-Kristə n̂-ddaje kə se mə-maji ngaâ darə məse wul lɔm.

Pilipinyɛje 4:13

Masə ta dda nɛ̂n tɔyn ddəw tə̂ lə Kristə kə̂ aw arəm singa.

Pilipinyɛje 4:20

Maji karə n-pitije Lubba kə̂ to Bɔjeje nyɔm kə ləw. Amɛnn.

Pilipinyɛje 4:23

Maji karə mə-maji lə Əbbə-dəwje Jeju-Kristə nayn kə se tɔyn!

Kolosinyɛje 1:2

n-dda makəturu nəənn jarə ngakɔnje kə̂ toje to dəwje lə Lubba, kə̂ ooje məde tə̂ kə Kristə ngaâ ddaje saa mə-kâra, kə̂ isije tɔkə bbe tə̂ kə̂ Kolosə. Maji karə Bɔjeje Lubba dda kə se mə-maji ddəm arə məse wul lɔm ddəm.

Kolosinyɛje 3:12

Lubba â mbərəse arə ə-ddeeje to dəwje laa kə̂ n̂-ndikise nya. Yeenn bba, maji karə ooje ndoo lə dəwje, ə-ddaje maji kə dəwje, ə-ddaje rɔse ngaji, ə-wulje pee ngaâ ə-tɔje wurse.

Kolosinyɛje 3:15

Maji karə mə-wul-lɔm lə Kristə â ɔn dɔ kəjəje kə̂ məse tə̂. Mba Lubba bbarse karə ingaje mə-wul-lɔm le bba karə ə-ddeeje to da-rɔ kə̂ kâra baa. Maji karə ə-gərəje go maji kə̂ n̂-dda kə se.

1 Tesalonisinyɛje 1:1

Əman Pɔl kə Silas kə Timɔte, n-dda makəturu nəənn jarə njê-mə-kunnje kə̂ Egilisi tə̂ kə̂ Tesalonikə, kə̂ toje to dəwje lə Lubba kə̂ Bɔ ddəm lə Əbbə-dəwje Jeju-Kristə ddəm. Maji karə Lubba arə məse wul lɔm ngaâ n̂-dda kə se mə-maji.

1 Tesalonisinyɛje 1:3

Kəm Lubba tə̂ kə̂ to Bɔjeje, jaw jole məje dɔ kulaje tə̂ kə̂ aw ddaje ddəw mə-kunn tə̂ ləse kə dɔ ndiki tə̂ ləse kə̂ aw dda kula. Jole məje dɔ məse tə̂ kə̂ aw undaje dɔ Əbbəjeje Jeju-Kristə tə̂ arəje ngəng le tɔ.

1 Tesalonisinyɛje 1:4

See ngakɔnje kə̂ Lubba ndikise nya, n-gərə to ne Lubba njaa n̂-mbərəse,

1 Tesalonisinyɛje 4:7

Mba Lubba bbarje karə n-sangəje rɔje mbɛɛ̂ bbo karə jula rɔje mə nɛ̂n-yərəw tə̂ ang.

1 Tesalonisinyɛje 5:28

Maji karə mə-maji lə Əbbəjeje Jeju-Kristə nayn kə se.

2 Tesalonisinyɛje 1:2

Maji karə Lubba kə̂ Bɔ kə Əbbə-dəwje Jeju-Kristə n̂-ddaje kə se mə-maji ngaâ darə məse wul lɔm.

2 Tesalonisinyɛje 3:16

Maji karə Əbbə-dəwje kə̂ to nje-mə-wul-lɔm arə məse wul lɔm kə ndɔ tɔyn, mə nɛ̂nje tə̂ tɔyn. Maji karə Əbbə-dəwje nayn kə se tɔyn!

2 Tesalonisinyɛje 3:18

Maji karə mə-maji lə Əbbəjeje Jeju-Kristə nayn kə se tɔyn!

1 Timɔte 1:2

M-dda makəturu nəənn mula nɛ̂n mari, əi Timɔte kə̂ ə-to ngonnəm kə̂ tɔkɔrɔ, ddəw mə-kunn tə̂. Maji karə Lubba kə̂ Bɔ kə Jeju-Kristə kə̂ to Əbbəjeje n̂-ddaje səi mə-maji, dooje kəm-to-ndoo ləi ngaâ darəje məi wul lɔm.

1 Timɔte 6:2

Bbərəje kə̂ əbbədede toje to njê-mə-kunnje, maji karə n̂-dabbəjede ang, a maji karə n̂-ddaje kula darəde kə majɛ̂ uta bbay, mba əbbədede le toje to njê-mə-kunnje kə̂ Lubba ndikide nya. Nɛ̂ɛnn â maji karə ə-tɔju dəwje ngaâ unn ndu mbɛɛ̂.

2 Timɔte 1:2

M-dda makəturu nəənn mula nɛ̂n mari, əi ngonnəm Timɔte kə̂ m-ndikii nya. Maji karə Lubba kə̂ Bɔ, de kə Jeju-Kristə kə̂ to Əbbəjeje n̂-ddaje səi mə-maji, dooje kəm-to-ndoo ləi ngaâ darəje məi wul lɔm.

2 Timɔte 4:22

Maji karə Əbbə-dəwje ngəmi! Maji karə mə-maji lə Əbbə-dəwje nayn kə se!

Titə 1:4

Mula kə makəturu nəənn mari, əi Titə le kə̂ ə-to ngonnəm kə̂ tɔkɔrɔ ddəw mə-kunn tə̂ kə̂ mbɔnje naan tə̂. Maji karə Lubba kə̂ Bɔ kə Nje-kajije Jeju-Kristə, n̂-ddaje səi mə-maji ngaâ darəje məi wul lɔm.

Pilemɔn 1:25

Maji karə mə-maji lə Əbbə-dəwje Jeju-Kristə nayn kə se.

Pilemɔn 1:3

Maji karə Bɔjeje Lubba, ne kə Əbbə-dəwje Jeju-Kristə, n̂-ddaje kə se mə-maji ddəm darəje məse wul lɔm ddəm.

Jakə 1:1

Əman, Jakə kə̂ m-to bbərə-kula lə Lubba ddəm Əbbə-dəwje Jeju-Kristə ddəm m-dda lapiya dəwje kə̂ toje to Jiipije kə̂ gəl-kujude dɔku gire joo kə̂ sarɛnje naan mə bbeje tə̂ dang dang.

1 Piyɛr 1:15

Lubba kə̂ bbarse le maji tɔyn. Yeenn a, sese njaa kara, maji karə ə-majije tɔyn mə pa-nja tə̂ ləse tɔyn tɔ.

1 Jan 3:1

Ooje, Bɔy ndikije nya. Ddəw ndiki tə̂ le bba daw bbar nɛ̂n je to ngannje lə Lubba. N-to ngannje lə Lubba le njaa. Yeenn bba, dəwje kə̂ duninya tə̂ nəənn gərəjeje ang, mba dəwje le gərəje Lubba ang.

2 Jan 1:3

Lubba kə̂ Bɔ kə Jeju-Kristə Ngonn lə Bɔy Lubba, ddəw tar tə̂ kə̂ tɔkɔrɔ kə ddəw ndiki tə̂, dâ ddaje mə-maji kə je, dâ kooje kəm-to-ndoo ləje ngaâ dâ karəje məje wul lɔm.

Apokalisi 2:1

«Ə-dda makəturu ula nɛ̂n arə anjə kə̂ Egilisi tə̂ kə̂ Epɛjə ə-pa nan: «Tar kə̂ dəw kə̂ uwa əndɛtɛrɛndɛnje siri jia tə̂ kə̂ kɔl ngaâ aw nja horo nɛ̂n-kunda lambeje tə̂ siri kə̂ n̂-dda kə andə-narɛ pa â nəənn:

Apokalisi 2:12

«Ə-dda makəturu ula nɛ̂n arə anjə kə̂ Egilisi tə̂ kə̂ Pɛrgam ə-pa nan: «Tar kə̂ dəw kə̂ uwa tɔkə kiya kə̂ tɛɛ̂ joo ngaâ atə pa â nəənn:

Apokalisi 2:18

«Ə-dda makəturu ula nɛ̂n arə anjə kə̂ Egilisi tə̂ kə̂ Tiyatir: «Tar kə̂ Ngonn lə Lubba, ne kə̂ kəmɛ̂ aw ndoko tokə lə puru ngaâ gɔlɛ̂ ndɔnrɛn tokə lə andə-narɛ pa â nəənn:

Apokalisi 2:29

«Dəw kə̂ mbia to a, maji karə oo tar kə̂ Ndil-mə-nda pa arə Egilisije.»

Apokalisi 2:8

«Ə-dda makəturu ula nɛ̂n arə anjə kə̂ Egilisi tə̂ kə̂ Ismirnə: «Tar kə̂ dəw kə̂ to dɔngɔr dəw ddəm dɔbɔyn dəw ddəm nɛ̂n kə̂ noy ngaâ n̂-təl nisi kəm baa n̂-pa â nəənn:

Apokalisi 22:21

Maji karə mə-maji lə Əbbə-dəwje Jeju nayn kə se tɔyn.

Apokalisi 3:14

«Ə-dda makəturu ula nɛ̂n arə anjə kə̂ ee Egilisi tə̂ kə̂ Lawodise ə-pa nan: «Tar kə̂ Dəw kə̂ ria nan Amɛnn, ne kə̂ n̂-to nje-tar-naji kə̂ gatə gatə ddəm kə̂ tɔkɔrɔ ddəm ne kə̂ nee kunn-kutu nɛ̂nje tə̂ kə̂ Lubba dda n̂-pa â nəənn:

Apokalisi 3:22

«Dəw kə̂ mbia to a, maji karə noo tar kə̂ Ndil-mə-nda pa arə Egilisije.»

Apokalisi 3:7

Ə-dda makəturu ula nɛ̂n arə anjə kə̂ Egilisi tə̂ kə̂ Piladɛlpi ə-pa nan: Tar lə Dəw kə̂ maji tɔyn, ne kə̂ n̂-to Tɔkɔrɔ, ne kə̂ ngaw kele lə Dabbiti to jia tə̂, ne kə̂ n̂-təəyn ta-ddəw a, dəw kâra asə ta kutu ang, ne kə̂ nutu ta-ddəw a, dəw kâra asə ta təəyn ang.