Rɔmɛnje 1:5 - Dɔnɔn kə̂ Siki: Tar kə̂ aw arə təbbə

⁵ Ddəw tə̂ lə Jeju le, Lubba dda səm mə-maji karə m-ddee to nje-kaw-kula, ta dda karə kəsə gəl-dəwje tɔyn ooje məde tə̂ saa ngaâ ta dooje tɛɛ̂ mba ri Kristə.

Rɔmɛnje 1:5 Iomraidhean Croise

Tar kə̂ Maji kə̂ Jan dda makəturu tə̂ 1:16

Nɛ̂nje kə̂ maji dduse arə jeje tɔyn njaa n̂-bbar tar kə̂ maji dɔje tə̂ kə dɔ naan tə̂, dɔ naan tə̂.

Kulaje 1:25

karə n̂-dda kula lə njê-kaw-kulaje turu Judas tə̂ kə̂ tusu kula le inya a, aw lo tə̂ laa kə̂ asɛ̂ le.»

Kulaje 15:14

Bbasinɛn bbay nəənn Simɔn ole məje dɔ gusu tə̂ kə̂ Lubba gɔl kunn-kutu nɛ̂n tə̂ njaa ta mbərə marə dəwje horo gəl-dəwje tə̂ kə̂ gərəje Lubba ang karə n̂-ddeeje to dəwje laa.

Kulaje 6:7

Tar lə Lubba nja kə kete kete ngaâ kɔr njê-njaje go Jeju tə̂ aw kə kete kete mə bbe tə̂ kə̂ Jerujalɛm. Njê-poloje Lubba tokə banya unnje məde arə Jeju.

Kulaje 9:15

A Əbbə-dəwje pa nan: «Aw, mba dəw le to dəw kə̂ mundɛ̂ dang karə n̂-dda narə dəwje kə̂ toje to Jiipije ang kə tɔkə mbayje ləde kə ngann Ijarayɛlje gərəje rim.

Rɔmɛnje 12:3

Lubba dda səm mə-maji nya. Mba yeenn bba, m-ndəjəse kâra kâra tɔyn karə ooje rɔse bo uta dɔɛ̂ ang. A, maji karə dəw oo rɔɛ̂ ngaji baa asə kəm mə-kunn kə̂ Lubba arə dəw kâra kâra.

Rɔmɛnje 16:26

Nɛ̂n kə̂ to lo-kiyɛ̂ tə̂ le bbasinɛn tee lo-karɛ tə̂ ddəw makəturuje tə̂ lə njê-kilaje mbər tar lə Lubba. Lubba kə̂ nje-kisi kə ndɔ kə ndɔ unn ndu tokə baann karə gəl-dəwje tɔyn ooje məde tə̂ saa ngaâ ooje tɛɛ̂.

Rɔmɛnje 3:29

Bbo baann ang a, Lubba a to Lubba lə Jiipije kə karəde baa wa? N̂-to Lubba lə kəsə dəwje tɔ,

1 Kɔrɛntinyɛje 15:10

A ddəw mə-maji tə̂ lə Lubba â m-ddee tokə be nəənn. Mə-maji laa kə̂ n̂-dda səm le to baa njaa baann ang. M-dda kula nya muta kəsə njê-kaw-kulaje tɔyn. Əman njaa m-dda kula le dɔ singam tə̂ ang, mə-maji lə Lubba le â dda kula ddəw tə̂ ləm.

1 Kɔrɛntinyɛje 9:2

Bbo marə dəwje oomje to nje-kaw-kula ang kara, kə̂ kəmse tə̂, m-to nje-kaw-kula ləse, mba ə-toje to əndaji kula ləm kə̂ m-dda nɔn gɔl Əbbə-dəwje tə̂.

Epɛjinyɛje 1:12

Yeenn a, maji karə jeje kə̂ n-toje to dɔngɔr dəwje kə̂ unda məde dɔ Kristə tə̂ jɔsuje gajɛ̂.

Epɛjinyɛje 1:6

Yeenn a, maji karə jɔsuje gaji Lubba mba mə-maji kə̂ n̂-dda kə je kə nangə̂ baa, ddəw tə̂ lə Ngonnɛ̂ kə̂ n̂-ndike nya.

Ebərəje 5:9

Ddəw nɛ̂nje tə̂ənn le, Kristə ddee to dəw kə̂ asə tɔyn ta karə dəwje tɔyn kə̂ ddaje nɛ̂n kə turu ndue kaji kə̂ to kə ndɔ kə ndɔ.