Rɔmɛnje 1:3 - Dɔnɔn kə̂ Siki: Tar kə̂ aw arə təbbə

³ Tar kə̂ Maji le to tar lə Ngonnɛ̂. Ddəw kuju tə̂, n̂-to ngonn-ka tɔkə mbay Dabbiti.

Rɔmɛnje 1:3 Iomraidhean Croise

Matiye 1:1

Ri gəl-dəwje kə̂ ujuje Jeju-Kristə tokə be: Jeju-Kristə to dəw kə̂ gəl Dabbiti tə̂ ngaâ Dabbiti to dəw kə̂ gəl Abaraham tə̂.

Matiye 1:16

Jakobbo uju Jojɛpə ngaw lə Marije kə̂ to kɔn Jejuje kə̂ daw bbarɛ̂ to Kristə.

Matiye 1:6

Obɛdə uju Jese. Jese uju tɔkə mbay Dabbiti. Dabbiti de kə dɛnɛ̂n lə Uri dujuje Salomɔn.

Matiye 12:23

Nɛ̂ɛnn le dum dɔ dəwje kə̂ banya le ngaâ paje nan: «Ngonn lə Dabbiti le â nəənn ang wa?»

Matiye 15:22

Marə dɛnɛ̂n kə̂ Kanaan, kə̂ in nangə tə̂ənn ddee rɔ Jeju tə̂ uru əkii nan: «Əbbə-dəwje, ngonn lə Dabbiti, oo kəm-to-ndoo ləm! Ndil kə̂ maji ang aw ula kəm Ngonnəm kə̂ dɛnɛ̂n ndoo tə̂ nya.»

Matiye 26:63

A Jeju pa tar ang. Yeenn ngaâ tɔkə nje-polo Lubba pa arɛ̂ nan: «M-duji kə ri Lubba kə̂ nje-kisi kəm baa karə ila tar tə̂ nəənn: Ə-to Kristə, Ngonn lə Lubba wa?»

Matiye 27:43

Nunda məɛ̂ dɔ Lubba tə̂ ngaâ n̂-pa nan n̂-to Ngonn lə Lubba. Bbo Lubba ndike a, maji karə najɛ̂ bbasinɛn nəənn.»

Matiye 3:17

Marə ndu in mə dara tə̂ bbar nan: «Ne nəənn, n̂-to ngonnəm kə̂ m-ndike nya. Ne â n̂-dda narə rɔm nəələm nya.»

Matiye 9:27

Jeju in lo tə̂ənn le aw aw a, njê-kəm-tɔje joo unnje goe aw uruje əkii nan: «Ngonn lə Dabbiti, oo kəm-to-ndoo ləje bbo!»

Luku 1:35

Anjə le ilɛ̂ tə̂ nan: «Ndil-mə-nda a ddee dɔi tə̂ ngaâ ndil singa-mɔngu lə Nje-kisi ddutu dara tə̂ a dəbbə dɔi tə̂. Mba yeenn bba Ngonn kə̂ maji tɔyn kə̂ â kuje le, dâ bbarɛ̂ nan Ngonn lə Lubba.

Luku 1:69

Ngaâ narəje Nje-kaji-dəwje kə̂ to nje-singa-mɔngu, kə̂ in gəl bbərə tə̂ laa Dabbiti,

Tar kə̂ Maji kə̂ Jan dda makəturu tə̂ 1:14

Tar le təl to dəw ngaâ dda bbe horoje tə̂. Mə-maji laa kə tar kə̂ tɔkɔrɔ laa uta dɔɛ̂. Joo piti laa kə̂ in rɔ Lubba tə̂.

Tar kə̂ Maji kə̂ Jan dda makəturu tə̂ 1:34

Əman njaa moo nɛ̂njeenn le ngaâ m-pa tar-naji nəənn m-pa nan: Dəw nəənn to Ngonn lə Lubba.»

Tar kə̂ Maji kə̂ Jan dda makəturu tə̂ 1:49

Yeenn ngaâ Natanayɛl le pa arɛ̂ nan: «Nje-nɛ̂n-tɔju, ə-to Ngonn lə Lubba, ə-to tɔkə mbay kə̂ Ijarayɛl.»

Tar kə̂ Maji kə̂ Jan dda makəturu tə̂ 10:30

Əman kə Bɔmje, n-to dəwje kə̂ kâra baa.»

Tar kə̂ Maji kə̂ Jan dda makəturu tə̂ 10:36

A əman kə̂ Bɔ undam dang ngaâ ulam dɔ nangə tə̂, m-pa nan m-to Ngonn lə Lubba a, mba ddi bba ə-paje nan maw tuju ri Lubba wa?

Tar kə̂ Maji kə̂ Jan dda makəturu tə̂ 20:28

Toma le ilɛ̂ tə̂ nan: «Əbbəmje, Lubba ləm!»

Tar kə̂ Maji kə̂ Jan dda makəturu tə̂ 20:31

A n̂-dda nɛ̂nje nəənn makəturu tə̂ karə ooje nɛ̂n məse tə̂ to Jeju to Kristə, Ngonn lə Lubba. A bbo ooje məse tə̂ a, â kisije kə təbbə ddəw tə̂ laa.

Tar kə̂ Maji kə̂ Jan dda makəturu tə̂ 5:25

Tɔkɔrɔ njaa, m-pa marəse, kar aw ddee ngaâ karɛ̂ le asə mban. Dəwje kə̂ oyje a kooje ndu Ngonn lə Lubba ngaâ njê kə̂ a kooje ndue le a kisije kəm baa.

Tar kə̂ Maji kə̂ Jan dda makəturu tə̂ 7:42

Mba Makəturu lə Lubba pa nan: Mesi a kin gəl Dabbiti tə̂, nâ kin Betelehɛm ngonn bbe tə̂ kə̂ duju Dabbiti kə tə̂.

Kulaje 2:30

N̂-to nje-kila mbər tar lə Lubba ngaâ n̂-gərə to Lubba unda yo bba unn nɛ̂n ndu karə dəw kə̂ gəle tə̂ isi ngende-mbay tə̂.

Kulaje 3:13

Lubba lə Abaraham, lə Ijakə, lə Jakobbo, Lubba lə kajeje ɔsu gaji Nje-kula laa Jeju kə̂ uwɛ̂je ilɛ̂je ji njê-kɔn-bbeje tə̂ ngaâ ə-mbəteje nɔn Pilatə tə̂ kə̂ oo maji ta kinyɛ̂ le.

Kulaje 8:36

Daw dawje bbay a, n̂-teeje ta marə maann tə̂ ngaâ enuku le pa nan: «Maann â nəənn, a ddi bba ɔku ddəw karə minga batɛm wa?» [

Kulaje 9:20

ngaâ njangə baa a, Sɔl aw ila mbər kəy mbɔn-naanje tə̂ lə Jiipije pa nan Jeju to Ngonn lə Lubba.

Rɔmɛnje 1:9

Lubba gərə to tar kə̂ tɔkɔrɔ njaa maw pa nəənn. Ne Lubba kə̂ maw pole kə kəjə ləm tɔyn ddəw mbər Tar tə̂ kə̂ Maji kə̂ dɔ Ngonnɛ̂ tə̂ kə̂ maw mila. N̂-gərə to kar tɔyn kə̂ maw duje, maw mila rise məɛ tə̂.

Rɔmɛnje 4:1

Bbasinɛn nəənn, tar ddi bba ja paje dɔ kajeje Abaraham tə̂ wa? Ddi â ninga kə dɔ rɔɛ̂ njaa wa?

Rɔmɛnje 9:3

Kə̂ məm tə̂, m-ndiki karə əman njaa Lubba ubbu nɛ̂n arəm ngaâ ɔrum kə ddang ji Kristə tə̂ mba tar kaji lə ngakɔnʼmje kə̂ gəlje kâra baa.

Rɔmɛnje 9:5

Lubba dda arə ddəw kuju tə̂, Mesi kə̂ to Lubba kə̂ ee dɔ nɛ̂nje tə̂ tɔyn, in gəl kadedeje tə̂ kə̂ to Abaraham, Ijakə kə Jakobbo. Maji karə dəwje ɔsuje gajɛ̂ kə ndɔ kə ndɔ! Amɛnn!

1 Kɔrɛntinyɛje 1:9

Lubba kə̂ to gatə gatə, ne kə̂ n̂-bbarse karə ə-ddaje mə-kâra kə Ngonnɛ̂ Jeju-Kristə kə̂ to Əbbəjeje le.

1 Kɔrɛntinyɛje 10:18

Ooje ngann Ijarayɛlje: Njê kə̂ usaje da kə̂ n̂-polo nɛ̂n Lubba dɔ bann tə̂ ddaje mə-kâra kə Lubba.

Galatəje 4:4

A tokə karɛ̂ asə a, Lubba ula Ngonnɛ̂, dɛnɛ̂n uje, n̂-ngəmɛ̂ kɔ Ndu tə̂ lə Mɔyijə,

1 Tesalonisinyɛje 1:10

ngaâ aw nginanje Ngonnɛ̂ Jeju kə̂ oy, a n̂-ndole, ne kə̂ nâ kin darâ ta ddee. Ne ngonnɛ̂ kə̂ nɔruje ta wungu tə̂ lə Lubba kə̂ aw ddee le.

1 Timɔte 2:5

Mba Lubba kâra baa, nje-gɔl-tar horo Lubba tə̂ kə dəwje kâra baa tɔ. N̂-to dəw, Jeju-Kristə,

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

2 Timɔte 2:8

Ole məi dɔ Jeju-Kristə tə̂ kə̂ oy a, ndol. N̂-to ngonn-ka Dabbiti tokə Tar kə̂ Maji kə̂ maw mila mbəre le pa.

1 Jan 1:3

Nɛ̂n kə̂ joo kə kəmje ddəm kə mbije ddəm le, jaw pa jarəse tɔ, karə sese kara ə-ddaje mə-kâra kə je. Mə-kâra ləje to mə-kâra kə̂ to horoje tə̂ kə Bɔ ddəm to horoje tə̂ kə Ngonnɛ̂ Jeju-Kristə ddəm.

1 Jan 3:23

A ndu laa kə̂ narəje tokə be: Maji karə jooje məje tə̂ kə ri Ngonnɛ̂ Jeju-Kristə ngaâ n-ndikije naan horo naan tə̂ ddəw kâra baa kə ndu kə Kristə unn arəje le.

1 Jan 3:8

Dəw kə̂ nayn ddəw majang tə̂ to dəw lə Əsu, mba Əsu to nje-nɛ̂n-dda kə̂ maji ang kunn-kutu nɛ̂nje tə̂ njaa. Mba yeenn bba, Ngonn lə Lubba ddee ta tuju kula-dda lə Əsu.

1 Jan 4:15

Dəw kə̂ pa kə tɛɛ̂ nan Jeju to Ngonn lə Lubba, Lubba nayn ddəw mə-kâra tə̂ saa ddəm ne kâra n̂-nayn ddəw mə-kâra tə̂ kə Lubba ddəm.

1 Jan 5:1

Bbo dəw ndiki tə̂ məɛ̂ tə̂ nan Jeju to Kristə a, dəw le to Ngonn lə Lubba. Dəw kə̂ ndiki Lubba kə̂ Nje-kuju Jeju le ndiki Jeju kə̂ Lubba uje le tɔ.

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.

1 Jan 5:5

Nân bba tətə duninya nəənn kə ddɔ wa? Dəw kə̂ ndiki tə̂ məɛ̂ tə̂ nan Jeju to Ngonn lə Lubba â tətə ddɔ le.

2 Jan 1:7

Njê-kərəje dəwje tokə banya taaje lo dɔ nangə tə̂. N̂-paje nan Jeju-Kristə unn da-rɔ dəw bba ddee nɛ̂n ang. Dede le n̂-toje to njê-kərəje dəwje kə njê-baanje lə Kristə.

Apokalisi 2:18

«Ə-dda makəturu ula nɛ̂n arə anjə kə̂ Egilisi tə̂ kə̂ Tiyatir: «Tar kə̂ Ngonn lə Lubba, ne kə̂ kəmɛ̂ aw ndoko tokə lə puru ngaâ gɔlɛ̂ ndɔnrɛn tokə lə andə-narɛ pa â nəənn: