Rɔmɛnje 1:26 - Dɔnɔn kə̂ Siki: Tar kə̂ aw arə təbbə

²⁶ Mba yeenn bba, Lubba tusude inyade arə n̂-ddaje nɛ̂nje kə̂ bboe uta dɔde kə̂ aw arəde rɔ-kul. Dɛnɛ̂nje ləde inyaje dingawje, a dɛnɛ̂n marədeje â aw ddaje lo-to-majang kə de. Yeenn to nɛ̂nje kə̂ dəw asə ta dda ang.

Rɔmɛnje 1:26 Iomraidhean Croise

Rɔmɛnje 1:24

Mba yeenn bba, Lubba tusude inyade arə daw ddaje kula yərəw kə̂ məde ndiki. Yeenn bba, dede njaa n̂-ddaje kula yərəw kə da-rɔde njaa horo naan tə̂ arə to nɛ̂n-rɔ-kul.

Rɔmɛnje 1:28

Mba n̂-mbətəje ta gərə Lubba le ngaâ n̂-tusude ninyade narə n̂-naynje kə kəjəje ləde kə̂ maji ang karə ta n̂-ddaje nɛ̂n kə̂ dəw asə dda ang.

1 Kɔrɛntinyɛje 6:9

Ə-gərəje ang wa? Dəwje kə̂ toje gatə gatə ang, lo ləde goto Bbe-kɔn tə̂ lə Lubba. Ərəje rɔse ang! Njê-kayaje wase njê-poloje kɔrje, njê-ddaje lo-to-majang wase dingawje kə̂ aw toje kə dingaw marədeje,

Epɛjinyɛje 4:19

Kəjə ləde maji ang. Dunnje rɔde dila kula-ddaje tə̂ kə̂ maji ang. Daw ddaje kaya dawje nɛ̂n kə kete kete.

Epɛjinyɛje 5:12

Nɛ̂nje kə̂ dəwje le aw ddaje lo-kiyɛ̂ tə̂ le to rɔ-kul, asə karə dəw pa tarɛ̂ ang.

1 Tesalonisinyɛje 4:5

Arəje bbo kə̂ da-rɔ tə̂ dɔrɔ â ddase tokə aw dda dəwje kə̂ gərəje Lubba ang le ang.

1 Timɔte 1:10

njê-ddaje lo-to-majang kə dingawje kə̂ aw toje kə dingaw marədeje kə njê-labbəje dəwje to bbərəje kə njê-ngəmje, njê kə̂ aw undaje-yo baa wase dəwje kə̂ ddaje nɛ̂n tɔyn kə̂ to dang kə nɛ̂n-tɔju kə̂ tɔkɔrɔ.

Judə 1:10

Dəwjeenn le, nɛ̂nje kə̂ n̂-gərəje ang kara n̂-tajije. Nɛ̂nje kə̂ n̂-ngərəje kə dɔde baa tokə lə daje kə̂ muû le njaa kara təlje to nɛ̂nje kə̂ aw tujude kə kɔrɔ̂.

Judə 1:7

Oleje məse dɔ tar tə̂ lə dəwje kə̂ bbeje tə̂ kə̂ Sɔdɔm kə Gɔmɔr kə lə dəwje kə̂ mə bbeje tə̂ kə̂ mbɔrde tə̂. N̂-ddaje maji ang tokə lə anjəje le tɔ. Dunnje rɔde dilaje kula kaya tə̂. N̂-ndikije ta dda nɛ̂n kə̂ asə karə dəw dda ang. Yeenn bba, Lubba gangə sariya dɔde tə̂ arə puru kə̂ to kə ndɔ kə ndɔ aw ɔnde. N̂-təlje to nɛ̂n-kɔju-marɛ̂ horo dəwje tə̂.