Rɔmɛnje 1:21 - Dɔnɔn kə̂ Siki: Tar kə̂ aw arə təbbə

²¹ Mba n̂-gərəje Lubba kə majɛ̂ njaa. A n̂-walɛ̂je ang ngaâ darɛ̂je wooyo to Lubba ang. Kəjə ləde təl to kə dɔgɔlɛ̂ ang, n̂-gərəje nɛ̂n ang ngaâ n̂-naynje lo ndul tə̂.

Rɔmɛnje 1:21 Iomraidhean Croise

Tar kə̂ Maji kə̂ Jan dda makəturu tə̂ 3:19

«Sariya le tokə be: Lo-karɛ ddee dɔ nangə tə̂, a dəwje mbətəje lo-karɛ le, a lo ndul â n̂-ndikije, mba kula-ddade maji ang.

Kulaje 26:18

Mulai rɔde tə̂ karə ə-təəyn kəmde ta ɔrude lo ndul tə̂ ə-tee kə de lo-karɛ tə̂. Karə ɔrude ji Satan tə̂ kə̂ ɔn dɔde ə-ddee kə de rɔ Lubba tə̂. Yeenn bba Lubba a kɔru tar majang ləde dɔde tə̂ ngaâ dâ kingaje lo horo dəwje tə̂ kə̂ ooje məde tə̂ səm kə̂ majije tɔyn.› »

Rɔmɛnje 1:19

N̂-gərəje nɛ̂nje tɔyn kə̂ dəw asə gərə dɔ Lubba tə̂, mba Lubba njaa tɔjude kə majɛ̂.

Rɔmɛnje 1:28

Mba n̂-mbətəje ta gərə Lubba le ngaâ n̂-tusude ninyade narə n̂-naynje kə kəjəje ləde kə̂ maji ang karə ta n̂-ddaje nɛ̂n kə̂ dəw asə dda ang.

Rɔmɛnje 11:10

Maji karə dooje lo kə majɛ̂ ang, maji karə kəmde tɔ. Maji karə ndɔ tɔyn njaa arə dulaje dunnde kə nangə̂ to kula dɔrɔ.»

Rɔmɛnje 15:9

Kristə ddee tɔ bba karə dəwje kə̂ toje to Jiipije ang kara ɔsuje gaji Lubba mba maji laa. Ddəw kâra baa tokə Makəturu lə Lubba pa nan: «Mba yeenn bba, mâ kɔsu gajii horo gəl-dəwje tə̂, ngaa mâ kɔsu pa wal nɛ̂n rii.»

2 Timɔte 3:2

Dəwje a toje to njê-nɛ̂n-ndikije, dâ ndikije narɛ nya, dâ boroje ngaâ dâ kooje rɔde bo, dâ tajije Lubba, dâ ddaje dɔ-ngəng kə njê-kujujede, dâ gərəje maji kə̂ n̂-dda kə de ang, dâ bbəəlje nɛ̂n lə Lubba ang.

1 Piyɛr 1:18

Nɛ̂n-ddaje lə kaseseje kə̂ to nɛ̂nje kə̂ baa â unnje goe. A ə-gərəje kə majɛ̂ to, Lubba uka dɔse bba tee nɛ̂n kə̂ se mə nɛ̂nje tə̂ənn le kə ddang. Andə wase narɛ kə̂ toje to nɛ̂nje kə̂ aw tuju â nuka nɛ̂n dɔse le ang.

1 Piyɛr 2:9

A sese, ə-toje to dəwje kə̂ Lubba mbərəse, ə-toje to njê-poloje lə tɔkə mbay. Ə-toje to gəl-dəwje kə̂ majije tɔyn, dəwje kə̂ Lubba uka dɔse ta karə ilaje mbər nɛ̂nje kə̂ maji nya kə̂ n̂-dda, ne kə̂ n̂-bbarse narə inje lo ndul tə̂ ə-teeje lo-karɛ tə̂ kə̂ dum dɔ dəwje le.

Apokalisi 14:7

Anjə le pa tar kə singa nan: «Ə-bbəəlje Lubba, ɔsuje gajɛ̂! Mba kar kə̂ nâ gangə nɛ̂n sariya dɔ dəwje tə̂ asə ngaa. Ə-poloje nje-dda dara kə nangə kə ba-katə kə ddutu dɔ maannje.»

Apokalisi 15:4

Əbbə-dəwje, nân bba a bbəəl rii ang ngaâ a kɔsu gaji rii ang wa? Mba əi kâra baa â ə-maji tɔyn. Gəl-dəwje tɔyn a ddee kɔsuje məkəjə-gɔlde nangə̂ nɔin tə̂, mba dede tɔyn dooje nɛ̂n-ddaje ləi kə̂ gatə gatə.»