Rɔmɛnje 1:17 - Dɔnɔn kə̂ Siki: Tar kə̂ aw arə təbbə

¹⁷ Tar kə̂ Maji le tɔju ddəw kə̂ Lubba aw dda arə dəwje aw ddeeje nɛ̂n gatə gatə kəmɛ̂ tə̂ kə ddaka: Ddəw mə-kunn tə̂ kâra baa, kunn-kutu nɛ̂n tə̂ ndərəng kɔnyɛ̂ tə̂. Ddəw kâra baa tokə makəturu lə Lubba pa nan: «Dəw kə̂ ddee gatə gatə ddəw mə-kunn tə̂ a kisi kə təbbə.»

Rɔmɛnje 1:17 Iomraidhean Croise

Tar kə̂ Maji kə̂ Jan dda makəturu tə̂ 3:36

Dəw kə̂ oo məɛ̂ tə̂ kə Ngonn ee kə təbbə kə̂ to kə ndɔ kə ndɔ. A dəw kə̂ mbətə ta koo məɛ̂ tə̂ kə Ngonn a kinga təbbə le ang. Wungu lə Lubba nayn dɔɛ̂ tə̂.»

Rɔmɛnje 10:3

Mba n̂-gərəje ddəw kə̂ ta ddee nɛ̂n gatə gatə kəm Lubba tə̂ ang. Dede njaa n̂-gɔlje ddəw ləde mba ddee nɛ̂n gatə gatə kəmɛ̂ tə̂. Yeenn bba n̂-mbətəje ddəw kə̂ Lubba gɔl karə dəwje ddeeje nɛ̂n gatə gatə le.

Rɔmɛnje 3:21

A bbasinɛn, Lubba tɔju gusu kə̂ n̂-dda narə dəwje ddeeje nɛ̂n gatə gatə kəmɛ̂ tə̂. Gusu le to ddəw Ndu tə̂ ang. Ndu kə makəturu lə njê-kilaje mbər tar lə Lubba tɔjuje nɛ̂ɛnn le mban.

Rɔmɛnje 3:22

Lubba dda arə dəwje ddeeje gatə gatə kəmɛ̂ tə̂ mba məde kə̂ dunnje darə Jeju-Kristə. N̂-dda baann mba dəwje tɔyn kə̂ unnje məde arə Kristə, mba Lubba ɔru kəm dəw ang.

Rɔmɛnje 3:3

Tɔkɔrɔ njaa, marɛ̂je horode tə̂ ngəmje mə-kunn ləde ang. A yeenn â, a dda karə Lubba tusu nɛ̂n nɛ̂n kə̂ nunn ndue ta dda le ninya wa?

Rɔmɛnje 9:30

Yeenn a, ja paje nan ddi wa? Dəwje kə̂ toje to Jiipije ang kə̂ aw sangəje ddəw ta ddee gatə gatə kəm Lubba tə̂ ang ddəm â Lubba oode to dəwje kə̂ gatə gatə kəmɛ̂ tə̂, mba dooje məde tə̂ saa.

2 Kɔrɛntinyɛje 3:9

Bbo kula lə ndu kə̂ aw gangə sariya-yo dɔ dəwje tə̂ ləw ndoko a, kula kə̂ aw dda arə dəw aw ddee gatə gatə kəm Lubba tə̂ a ndoko kuta yeenn ang wa?

2 Kɔrɛntinyɛje 5:21

Kristə dda majang kâra ang. A Lubba arə noto majang ləje. Yeenn bba karə n-ddeeje to dəwje kə̂ gatə gatə kəm Lubba tə̂ ddəw tə̂ lə Kristə.

Galatəje 3:11

Tɔkɔrɔ njaa, dəw a kasə ddee gatə gatə kəm Lubba tə̂ ddəw ngəm Ndu tə̂ ang. Mba Makəturu lə Lubba pa nan: «Dəw kə̂ ddee gatə gatə ddəw mə-kunn tə̂ a kisi kə təbbə.»

Pilipinyɛje 3:9

ngaâ m-dda mə-kâra saa. M-ddee gatə gatə mba məm kə̂ munn marə Kristə bbo mba ngəm kə̂ m-ngəm ndu lə Mɔyijə le ang. Lubba â to nje-karə ddəw dəw karə ddee to dəw kə̂ gatə gatə, tokə dəw le unn məɛ̂ arɛ̂.

Ebərəje 10:38

Lubba pa nan: «Dəw ləm kə̂ ddee gatə gatə ddəw mə-kunn tə̂ a kisi kə təbbə. A bbo n̂-təl kə guku a, mâ kinga rɔ-nəəl ddəw tə̂ laa ang.»