Rɔmɛnje 1:16 - Dɔnɔn kə̂ Siki: Tar kə̂ aw arə təbbə

¹⁶ Rɔ-kul kila mbər Tar kə̂ Maji le ddam ang. Mba to singa-mɔngu lə Lubba kə̂ aw aji nɛ̂n dəwje tɔyn kə̂ ooje məde tə̂, Jiipije dɔngɔr, goe tə̂ a, Gɛrɛkəje.

Rɔmɛnje 1:16 Iomraidhean Croise

Marke 8:38

Dəw kə̂ dda rɔ-kul ləm kə rɔ-kul tar ləm kəm dəwje tə̂ kə̂ bbokənɛn nəənn, Ngonn lə dəw a dda rɔ-kul laa ndɔ tə̂ kə̂ nâ ddee kə anjəje laa kə̂ majije tɔyn mə piti tə̂ lə Bɔɛ̂je. Mba dəwje kə̂ bbasinɛn nəənn le toje to njê-nɛ̂n-ddaje kə̂ maji ang ddəm dəwje kə̂ pa-nja ləde to kə dannâ ang ddəm.»

Luku 9:26

Tɔkɔrɔ, dəw kə̂ dda rɔ-kul ləm kə rɔ-kul tar ləm a, Ngonn lə dəw a dda rɔ-kul laa ndɔ tə̂ kə̂ nâ ddee kə piti laa kə piti lə bɔɛ̂je kə lə anjəje kə̂ maji tɔyn.

Tar kə̂ Maji kə̂ Jan dda makəturu tə̂ 7:35

Yeenn ngaâ Jiipije dujuje naan nan: «Nâ kaw dda bba ja kasə ta kingɛ̂ ang wa? Nâ kaw rɔ Jiipije tə̂ kə̂ sanrɛje naan horo Gɛrɛkəje tə̂, ta tɔju nɛ̂n Gɛrɛkəje wa?

Kulaje 3:26

Sese â Lubba unn Nje-kula laa dɔngɔr ulɛ̂ karə n̂-bbar Tar kə̂ Maji dɔse tə̂, karə nɔruse kâra kâra tɔyn mə nɛ̂n-ddaje tə̂ ləse kə̂ maji ang.»

Rɔmɛnje 10:17

Yeenn a, mə-kunn ddee ddəw tar tə̂ kə̂ dəw aw oo, tar le to tar lə Kristə.

Rɔmɛnje 15:19

ddəw nɛ̂n-mɔri tə̂, ddəw nɛ̂nje tə̂ kə̂ dum dɔ koo, ddəw singa-mɔngu tə̂ lə Ndil-mə-nda. Yeenn bba, unn kute Jerujalɛm ndərəng Iliri, mila mbər Tar kə̂ Maji lə Kristə kə nangə̂ baa.

Rɔmɛnje 15:29

A m-gərə to bbo maw bbeê ləse a, Kristə a bbar tar kə̂ maji nya nya dɔse tə̂.

Rɔmɛnje 2:9

Nɛ̂n kəm-to-ndoo kə nɛ̂n-bbəəl a koso dɔ dəwje tə̂ tɔyn kə̂ ddaje majang, a kunn-kute dɔ Jiipije tə̂ dɔngɔr bba a tee dɔ Gɛrɛkəje tə̂.

Rɔmɛnje 4:11

Kete bba karə Abaraham uja ganja le, Lubba ooe to dəw kə̂ gatə gatə, mba noo məɛ̂ tə̂ saa. Goe tə̂ guku bba nuja ganja to marə əndaji kə̂ tɔju to Lubba ooe to dəw kə̂ gatə gatə ɔju dɔ mə-kunn laa. Mba yeenn bba, n̂-ddee nɛ̂n to bɔ dəwje tɔyn kə̂ ujaje ganja ang, a ooje məde tə̂. Lubba oode to dəwje kə̂ gatə gatə.

1 Kɔrɛntinyɛje 15:2

Bbo ə-ngəmje Tar kə̂ Maji le kə ddəwe kə̂ m-tɔju nɛ̂n se a, Tar le a kajise. Baann ang a, mə-kunn ləse a to nɛ̂n kə̂ baa.

1 Kɔrɛntinyɛje 2:2

Mba kar kə̂ m-nayn nɛ̂n horose tə̂ le, m-ndiki ta gərə marə nɛ̂n dang ang. Bbayɛ̂ njaa to Jeju-Kristə, Jeju-Kristə kə̂ n̂-tɔlɛ̂ kakə-dəsə tə̂.

1 Kɔrɛntinyɛje 2:4

Tarje ləm kə nɛ̂n-tɔjuje ləm to tokə lə dəwje kə̂ aw unnje tar kəm-karɛ lə dəwje bba aw buje nɛ̂n njê-marədeje ang. Lubba â tɔju ddəw singa-mɔngu tə̂ lə Ndil-mə-nda to tarje ləm toje to tar kə̂ tɔkɔrɔ.

1 Kɔrɛntinyɛje 9:12

Bbo marə dəwje asəje ta duju nɛ̂n jise tə̂ a, jeje jasə ta duju nɛ̂n jise tə̂ utade ang wa? A jeje n-dda tokə baann ang. N-tɔ wurje nɛ̂n tə̂ tɔyn, mba n-ndiki ta dda marə nɛ̂n kutu nɛ̂n ddəw Tar kə̂ Maji lə Kristə ang.

1 Kɔrɛntinyɛje 9:18

Kuka ləm to ddi wa? Kuka ləm to karə mila mbər Tar kə̂ Maji le baa bbo m-duju kuka kə̂ to ta karə minga goe tə̂ ang.

2 Kɔrɛntinyɛje 2:12

Kar tə̂ kə̂ m-tee tɔkə bbe tə̂ kə̂ Torowas ta kila mbər Tar kə̂ Maji lə Kristə le, Əbbə-dəwje ɔru ddəw arəm kə̂ majɛ̂ njaa.

2 Kɔrɛntinyɛje 4:4

Dooje məde tə̂ ang, mba Satan kə̂ to lubba kə̂ nangə̂ nəənn ɔku ddəw nɛ̂n-gərə ləde karə dooje ndoko lə Tar kə̂ Maji kə̂ aw tɔju piti lə Kristə. Kristə kə̂ to tokə Lubba le.

2 Kɔrɛntinyɛje 9:13

Dâ kooje nɛ̂n kə̂ ə-ddaje nəənn le ngaâ dâ kɔsuje gaji Lubba mba aw ddaje nɛ̂n kə turu ndu Tar kə̂ Maji lə Kristə ddəm mba mə-kâra kə̂ aw ddaje kə de ddəm kə kəsə dəwje lə Lubba tɔyn ddəm ddəw nɛ̂n tə̂ kə̂ aw arəjede le.

Galatəje 1:7

To marə Tar kə̂ Maji kə̂ dang bba to ang. Marə dəwje â aw turuje dɔse ngaâ ndikije ta turu Tar kə̂ Maji lə Kristə le.

1 Tesalonisinyɛje 2:13

Jaw jarə wooyo Lubba kə ndɔ tɔyn mba kar kə̂ jila mbər tar lə Lubba jarəse le, ooje ngaâ ə-taaje to tar lə Lubba njaa, bbo to tar lə dəwje ang. Tar le aw dda kula məse tə̂, see njê-mə-kunnje.

1 Timɔte 1:11

Nɛ̂n-tɔju kə̂ tɔkɔrɔ le to mə Tar kə̂ Maji tə̂, Tar kə̂ Maji le arəje ddəw karə n-gərə Lubba kə̂ piti to laa. Lubba kə̂ ndiki ta karə jisi kə majɛ̂ le njaa inya Tar kə̂ Maji le jim tə̂.

2 Timɔte 1:12

Gəle kə̂ nəənn le bba maw moo nɛ̂n ndoo. A rɔ-kule ddam ang, mba m-gərə dəw kə̂ munn məm marɛ̂ le kə majɛ̂ ngaâ m-gərə kə majɛ̂ to nee kə singa ta ngəm nɛ̂n kə̂ ninya mə jim tə̂ ndərəng ddutu ndɔ tə̂.

2 Timɔte 1:16

Maji karə Əbbə-dəwje oo kəm-to-ndoo lə njê kə̂ kə̂y lə Onejipɔr, mba n̂-dda narə minga singa kə ndɔ tɔyn ngaâ n̂-dda rɔ-kul mba kila kə̂ dilam kəy-kula tə̂ le ang.

2 Timɔte 1:8

Yeenn bba, maji karə ə-dda rɔ-kul ta pa tar-naji lə Əbbə-dəwje karə dəwje ang ddəm ə-dda rɔ-kul ləm, əman kə̂ dilam kəy-kula tə̂ mbɛɛ̂ le ang ddəm. A maji karə oo səm ndoo mba Tar kə̂ Maji ddəw singa tə̂ kə̂ Lubba arəje.

Ebərəje 4:12

Mba tar kə̂ tee ta Lubba tə̂ to kəm baa ngaâ ee kə singa. Tar le aw dda kula uta tɔkə kiya kə̂ tɛɛ̂ to ər joo kəm. Ddəw kâra baa tokə tɔkə kiya kə̂ tɛɛ̂ to ər joo kəm aw kayn horo mənrə-rɔje kə ubbuje kə̂ mə singa tə̂ le, tar lə Lubba aw andə dəw ndərəng bbəngəre tə̂. Tar le aw tee kə nɛ̂nje kə̂ dəw aw dda bboe məɛ̂ tə̂ ddəm aw əjə ddəm.

1 Piyɛr 4:16

A bbo dəw oo ndoo mba ddee kə̂ n̂-ddee to dəw lə Kristə a, narə rɔ-kul ddɛɛ̂ ang. Maji karə nɔsu gaji Lubba mba ri Kristə kə̂ to dɔɛ̂ tə̂ le.