Rɔmɛnje 1:14 - Dɔnɔn kə̂ Siki: Tar kə̂ aw arə təbbə

¹⁴ To tar ləm ta kaw rɔ dəwje tə̂ tɔyn, Gɛrɛkəje kə njê kə̂ kəmde ɔru ang, njê kə̂ gərəje nɛ̂n kə njê kə̂ gərəje nɛ̂n ang.

Rɔmɛnje 1:14 Iomraidhean Croise

Matiye 11:25

Karə tə̂ənn, Jeju pa nan: «Mɔsu gajii Bɔy, əi kə̂ ə-to Əbbə-dəwje darâ ddəm nangə̂ ddəm mba iya nɛ̂nje nəənn le njê-kəm-karɛje ddəm njê-nɛ̂n-gərəje ddəm. A ə-tɔju nɛ̂njeenn le dəwje kə̂ toje to dəwje kə̂ tɛn baa.

Luku 10:21

Mə kar tə̂ənn njaa, Ndil-mə-nda arə rɔ-nəəl uta dɔ Jeju ngaâ pa nan: «Mɔsu gajii Bɔy, Əbbə-dəwje, əi kə̂ ɔn dɔ dara ddəm nangə ddəm mba iya nɛ̂nje nəənn le njê-kəm-karɛje ddəm njê-nɛ̂n-gərəje ddəm. A ə-tɔju nɛ̂njeenn le dəwje kə̂ toje to dəwje kə̂ ngaji baa. Tɔkɔrɔ, Bɔy, mba əi njaa ə-ndiki karə to tokə baann.

Kulaje 22:21

A Əbbə-dəwje le pa arəm nan: ‹Aw, mba mâ kulai ddəw əw horo dəwje tə̂ kə̂ toje to Jiipije ang.› »

Kulaje 28:2

Njê-bbeje le taajeje kə majɛ̂ nya. N̂-yəlje tɔkə puru ngaâ n̂-bbarjeje darə n-ndibbi mba ndi unn kutu kərə arə kul ɔn nya.

Kulaje 28:4

Njê-bbeje le ooje li kə̂ tinya ji Pɔl tə̂ le a, n̂-paje tar horode tə̂ nan: «A du ang, dingaw nəənn to nje-tɔl dəwje. Maann a ta kuwɛ̂ bba n̂-tee tɛɛ̂ tə̂. A nɛ̂n kə̂ gatə gatə lə Lubba a kinyɛ̂ karə n̂-nayn kəm baa ang.»

Kulaje 9:15

A Əbbə-dəwje pa nan: «Aw, mba dəw le to dəw kə̂ mundɛ̂ dang karə n̂-dda narə dəwje kə̂ toje to Jiipije ang kə tɔkə mbayje ləde kə ngann Ijarayɛlje gərəje rim.

Rɔmɛnje 1:22

Dooje rɔde to njê-kəm-karɛje, a kə̂ tɔkɔrɔ, n̂-toje to njê-wooyje.

Rɔmɛnje 11:25

Ngakɔnʼmje, m-ndiki karə ə-gərəje marə nɛ̂n dɔ nɛ̂n tə̂ kə̂ Lubba əjə ta dda ngaâ nayn lo-kiyɛ̂ tə̂ bbay nəənn nan kin karə ooje rɔse to njê-kəm-karɛje. Marə dəbbə dəwje kə̂ Ijarayɛl məde aw kətərə ndərəng karə kɔr dəwje kə̂ toje to Jiipije ang le tɔyn ingaje kaji bba.

Rɔmɛnje 12:16

Maji karə ooje ta naan. Lo kula kə̂ bo dɔrɔ â ə-sangəje ang. Ngonn kula kara ə-ddaje. Ooje rɔse to kəmse arɛ̂ nya uta nje-marse ang.

Rɔmɛnje 13:8

Arəje bbangə lə dəw to dɔse tə̂ ang. Maji karə ndiki kə̂ ta ndiki naan â to dɔse tə̂ to bbangə. Bbo dəw ndiki njê-marɛ̂je a, n̂-to dəw kə̂ dda nɛ̂n kə turu Ndu tɔyn mban.

Rɔmɛnje 16:19

Tɔkɔrɔ njaa, dəwje tɔyn gərəje to aw ooje ta Əbbə-dəwje kə majɛ̂. Yeenn bba, rɔm nəələm nya mbase. A m-ndiki karə kəm-karɛ ddususe bba karə ə-ddaje nɛ̂n kə̂ maji, karə ə-ngəmje rɔse, karə aynje nɛ̂n kə̂ maji ang.

Rɔmɛnje 8:12

Yeenn a, ngakɔnʼmje, to tar ləse ta dda marə nɛ̂nje njaa. A da-rɔje a kuwaje kə singa karə n-ddaje nɛ̂n kə̂ məɛ̂ ndiki ang.

1 Kɔrɛntinyɛje 14:11

Bbo moo marə ndɔn-tar ang a, mâ koo dəw kə̂ aw pa ndɔn-tar le to nje-mba kəmʼm tə̂ ngaâ nâ koom to nje-mba kəmɛ̂ tə̂ tɔ.

1 Kɔrɛntinyɛje 14:16

Bbo aw duju Lubba mba karə nɛ̂n wooyo kə ndili a, dəw kə̂ oo ndɔn-tar kə̂ aw pa le ang le a pa nan «Amɛnn» mba duju ləi le tɔkə baânn wa? Mba ne n̂-gərə kandə tar kə̂ aw pa le ang.

1 Kɔrɛntinyɛje 2:13

Yeenn a, jaw junn tar kəm-karɛ lə dəwje bba jaw pa nɛ̂n tarɛ̂ ang. Jaw pa tarɛ̂ ddəw tar tə̂ kə̂ Ndil lə Lubba tɔjuje.

1 Kɔrɛntinyɛje 3:18

Maji karə dəw kâra ərə rɔɛ̂ ang. Bbo marə dəw horose tə̂ oo rɔɛ̂ to nje-kəm-karɛ ddəw nɛ̂nje tə̂ kə̂ dɔ nangə tə̂ nəənn a, maji karə noo rɔɛ̂ to mbə bba nâ ddee to nje-kəm-karɛ kə̂ tɔkɔrɔ.

2 Kɔrɛntinyɛje 10:12

Mba marə dəwje ooje rɔde bo nya. A ja tay sangə mba kasə kə de naan ang ddəm ta kunn rɔje kɔju nɛ̂n de ang ddəm. Dede njaa dunnje nɛ̂n dɔju nɛ̂n rɔde ngaâ dede njaa dunn rɔde dɔju nɛ̂n kəsə dəwje. N̂-toje to mbəje.

2 Kɔrɛntinyɛje 11:19

Sese kə̂ ə-toje to njê-kəm-karɛje le, aw ndikije tə̂ ta tɔ wurse koo nɛ̂n tarje ləde!

Kolosinyɛje 3:11

Bbasinɛn, Gɛrɛkə wase Jiipi goto ngaa. Dəw kə̂ uja ganja wase uja ganja ang goto. Dəw kə̂ gəle to dang wase dəw kə̂ kəmɛ̂ ɔru ang goto. Dəw kə̂ to bbərə wase to bbərə ang goto ngaa. A Kristə â to nɛ̂n tɔyn, ne â nee mə dəwje tə̂ tɔyn.

2 Timɔte 2:10

Mba yeenn bba maw tɔ wurum nɛ̂nje tə̂ tɔyn mba dəwje kə̂ Lubba mbərəde, mba karə dede njaa kara dingaje kaji kə̂ Jeju-Kristə aw arə dəwje. Baann bba dâ kingaje piti kə̂ a to kə ndɔ kə ndɔ.

Titə 3:3

Mba jeje njaa kara, ləw toje to mbəje, n-toje to njê-dɔ-ngəngje, n-ndəəmje ddəw, bbo nɛ̂nje kə rɔ-nəəlje dang dang uta dɔje. Jaw ddaje majang ngaâ məje aw maji ang dɔ njê-marəjeje tə̂, n-nəəl kəm dəwje tə̂ ang ngaâ n-mbətəje naan tɔ.