Rɔmɛnje 1:13 - Dɔnɔn kə̂ Siki: Tar kə̂ aw arə təbbə

¹³ Ngakɔnʼmje, m-ndiki ta karə ə-gərəje to m-gɔl məm tə̂ gɔl banya nya ta kaw rɔse tə̂. A minga ddəw ang ndərəng bbokənɛn. M-ndiki karə kula ləm dda arə ə-sangəje nya bbe ləse, tokə kula ləm kə̂ dda arə kəsə gəl-dəwje sangəje le.

Rɔmɛnje 1:13 Iomraidhean Croise

Tar kə̂ Maji kə̂ Jan dda makəturu tə̂ 12:24

Tɔkɔrɔ njaa, m-pa marəse, bbo kandə-ko kə̂ to ble oso nangə̂ ngaâ oy ang a, n̂-nayn to kandə ble kə̂ kâra le njaa. A bbo noy a, nandə banya banya.

Tar kə̂ Maji kə̂ Jan dda makəturu tə̂ 15:16

Əman â m-mbərəse bbo sese â ə-mbərəmje ang ngaâ mulase karə awje, ta andəje kandə. Ngaâ karə kandə ləse le nayn kə ləw. Baann bba nɛ̂n tɔyn kə̂ ə-dujuje Bɔ kə rim a, nâ karəse.

Tar kə̂ Maji kə̂ Jan dda makəturu tə̂ 4:36

Nje-kuja kandə-ko inga kuka laa mban. Naw mbɔn kandə-ko le mba kisi nɛ̂n kə təbbə kə̂ to kə ndɔ kə ndɔ. Yeenn bba karə nje-dubbu ko kə nje-kuja ko, dede joo kəm rɔde nəəlde.

Kulaje 1:15

Dɔ ndɔɛ̂je tə̂ənn, Piyɛr in taar horo njê-mə-kunnje tə̂ kə̂ kɔrde asə kɔr kâra kə dɔjoo ngaâ pa nan:

Kulaje 14:27

Pɔl de kə Barnabas n̂-teeje Antiyos nangə tə̂ kə̂ Siri a, n̂-mbɔnje njê-mə-kunnje. Dɔruje gəl nɛ̂nje tɔyn kə̂ Lubba dda ddəw tə̂ ləde kə gusu kə̂ Lubba ɔru nɛ̂n ddəw arə dəwje kə̂ toje to Jiipije ang ooje məde tə̂ tɔ le.

Kulaje 15:12

Dəwje tɔyn kə̂ mbɔnje naan le isije ddekeke ngaâ tukaje mbide ooje nɛ̂n tar kə̂ Barnabas de kə Pɔl daw paje dɔ nɛ̂n-mɔrije tə̂ kə nɛ̂nje kə̂ dumje dɔ koo tə̂ kə̂ Lubba dda ddəw tə̂ ləde horo dəwje tə̂ kə̂ toje to Jiipije ang le.

Kulaje 19:21

Go nɛ̂nje tə̂ənn, Pɔl unn ndu ddəw tə̂ lə Ndil-mə-nda ta kaw Jerujalɛm kə ddəw kə̂ Maseduwann kə Akay. N̂-pa nan: «Bbo m-tee nunn a, maji karə m-tee Rɔm tɔ.»

Kulaje 21:19

Pɔl ddade lapiya ngaâ ɔru gəl nɛ̂n kə̂ Lubba dda ddəw tə̂ laa horo dəwje tə̂ kə̂ toje to Jiipije ang kâra kâra arəde.

Kulaje 28:14

Jinga marə ngakɔnje mə bbe tə̂ənn ngaâ n̂-dujuje karə n-dda ndɔ siri rɔde tə̂. Tokə baann â jaw nɛ̂n Rɔm.

Rɔmɛnje 1:12

Uta tɔyn, m-ndiki ta tee horose tə̂ mba karə mə-kunn ləse ddəm ləm ddəm arəjeje singa kə yo kə nəənn.

Rɔmɛnje 11:25

Ngakɔnʼmje, m-ndiki karə ə-gərəje marə nɛ̂n dɔ nɛ̂n tə̂ kə̂ Lubba əjə ta dda ngaâ nayn lo-kiyɛ̂ tə̂ bbay nəənn nan kin karə ooje rɔse to njê-kəm-karɛje. Marə dəbbə dəwje kə̂ Ijarayɛl məde aw kətərə ndərəng karə kɔr dəwje kə̂ toje to Jiipije ang le tɔyn ingaje kaji bba.

Rɔmɛnje 7:1

Ngakɔnʼmje, maw pa tar nəənn marəse, sese kə̂ ə-toje to dəwje kə̂ gərəje Ndu kə majɛ̂ mban. Ə-gərəje to dəw isi kəm baa bba Ndu ubba singa dɔɛ̂ tə̂.

1 Kɔrɛntinyɛje 1:10

Ngakɔnʼmje, m-ndəjəse kə ri Əbbəjeje Jeju-Kristə karə ooje ta naan. Ə-tinje naan ang. Uwaje naan ta arəje kəjəje ləse to kâra baa.

1 Kɔrɛntinyɛje 10:1

Ngakɔnʼmje, m-ndiki kole məse dɔ nɛ̂n tə̂ kə̂ inga kajejedede dɔ ndɔ tə̂ lə Mɔyijə. Dede tɔyn njaa mum ɔru nɔnde ngaâ dede tɔyn n̂-gangəje ba-katə.

1 Kɔrɛntinyɛje 12:1

Ngakɔnʼmje, m-ndiki karə ə-gərəje tar dɔ gusuje tə̂ kə̂ Ndil-mə-nda aw arə dəwje le kə majɛ̂.

1 Kɔrɛntinyɛje 14:20

Ngakɔnʼmje, maji karə ə-paje tar tokə lə ngannje ang. Maji karə ə-ddeeje tokə lə ngannje kə̂ ngaji kə̂ gərəje ta dda majang ang. A ə-paje tar tokə njê kə̂ tɔkə.

1 Kɔrɛntinyɛje 14:26

Yeenn a, ngakɔnjeje, ddi â to maji ta dda wa? Bbo ə-mbɔnje naan a, nân nân kara a kasə ta kɔsu pa, ta tɔju nɛ̂n wase pa tar marə nɛ̂n kə̂ Lubba tɔjɛ̂ kə ddaka, pa tar kə ndɔn-tarje kə̂ dang wase ndaji kandə tarje le. A maji karə ə-ddaje nɛ̂nje tɔyn karə arə singa dəwje tɔyn.

1 Kɔrɛntinyɛje 9:2

Bbo marə dəwje oomje to nje-kaw-kula ang kara, kə̂ kəmse tə̂, m-to nje-kaw-kula ləse, mba ə-toje to əndaji kula ləm kə̂ m-dda nɔn gɔl Əbbə-dəwje tə̂.

2 Kɔrɛntinyɛje 1:8

Ngakɔnʼmje, n-ndiki ta karə ə-gərəje tar ndoo kə̂ joo nangə tə̂ kə̂ Aji le. Dula kəmje ndoo tə̂ darə uta singaje arə jəjə to ja nayn kəm baa ang.

2 Kɔrɛntinyɛje 2:14

Jarəje wooyo Lubba, kə̂ dda arə ddəw tə̂ lə Kristə jee horo dəwje tə̂ kə̂ aw ɔsuje nja kə go kulɛ̂ go Kristə tə̂ kə̂ tətə ddɔ le. Ddəw tə̂ ləje, narə dəwje gərəje Kristə loje tə̂ tɔyn, tokə yambo kə̂ banyɛ̂ taa lo tɔyn.

Galatəje 3:15

Ngakɔnʼmje, junnje nɛ̂n-kɔju-marɛ̂ dɔ nɛ̂n-ddaje tə̂ lə dəwje. Bbo dəw gɔl makəturu nɛ̂n-ndubba laa kə dɔgɔlɛ̂ a, dəw a kasə tuju ang ddəm a kasə kila marə nɛ̂n dɔɛ̂ tə̂ ang ddəm.

Galatəje 6:18

Ngakɔnʼmje, maji karə mə-maji lə Əbbəjeje Jeju-Kristə nayn kə se. Amɛnn.

Pilipinyɛje 1:22

A bbo, nayn ləm kəm baa a kunn ddəw karə m-dda kulaje kə̂ a dda dəwje maji a, m-gərə tar kə̂ mâ pa ang.

Pilipinyɛje 4:17

Maw sangə ddəw ta kinga nɛ̂n jise tə̂ ang. Nɛ̂n kə̂ maw sangə to karə Lubba ila nɛ̂n dɔ marə tə̂ arəse.

Kolosinyɛje 1:10

Yeenn bba pa-nja ləse a to tokə ye kə̂ Əbbə-dəwje ndiki ngaâ â ddaje nɛ̂n kə̂ nəəle kə ndɔ tɔyn. Â ddaje kulaje kə̂ maji dang dang ngaâ â gərəje Lubba kə kete kete.

Kolosinyɛje 1:6

Tar kə̂ Maji nəənn le aw andə kandə aw nɛ̂n kə kete kete dɔ nangə tə̂ tɔyn. Kar kə̂ Tar le tee bbeê ləse le to tokə baann tɔ, unn kute ndɔ tə̂ kə̂ ooje nɛ̂n tar mə-maji kə̂ tɔkɔrɔ kə̂ Lubba dda kə se le.

1 Tesalonisinyɛje 2:18

Mba yeenn bba, n-ndiki ta təl kaw rɔse tə̂. Ngaâ əman Pɔl njaa m-sangə ddəw gɔl banya nya ta kaw. A Satan ɔkuje ddəw.

1 Tesalonisinyɛje 4:13

Ngakɔnje, n-ndiki ta karə ə-gərəje tar dɔ dəwje tə̂ kə̂ oyje, bba karə uwaje ndoo tokə lə kəsə dəwje ang. Mba dede dundaje məde dɔ marə nɛ̂n tə̂ kâra ang.

2 Tesalonisinyɛje 2:7

Mba singa-mɔngu lə Nje-mə-majang le aw dda kula lo-kiyɛ̂ tə̂ mban. Yeenn a, bbo dəw kə̂ aw ɔkɛ̂ ddəw le njaa goto a, nâ dda kula laa kə ddaka ngaa.

2 Timɔte 4:17

A Əbbə-dəwje njaa umanʼm ngaâ arəm singa, mba karə mila mbər tar laa nya marə dəwje ngaâ ta karə dəwje kə̂ toje to Jiipije ang kara tar laa oso mbide tə̂ tɔ ngaâ nɔrum ta ənam tə̂.