Rɔmɛnje 1:1 - Dɔnɔn kə̂ Siki: Tar kə̂ aw arə təbbə

¹ Əman Pɔl kə̂ m-to bbərə-kula lə Jeju-Kristə, Lubba bbarəm undam dang to nje-kaw-kula karə mila mbər Tar kə̂ Maji laa marə dəwje.

Rɔmɛnje 1:1 Iomraidhean Croise

Marke 1:14

Go kila tə̂ kə̂ dila Jan kəy-kula tə̂ a, Jeju aw Galile aw ila mbər Tar kə̂ Maji lə Lubba.

Tar kə̂ Maji kə̂ Jan dda makəturu tə̂ 12:26

Bbo dəw ndiki ta dda kula ləm a, maji karə nunn gom. Baann bba lo kə̂ mee tə̂ a, nje-kula ləm a kee tə̂ tɔ. Bbo dəw aw dda kula ləm a, Bɔmje a walɛ̂.»

Tar kə̂ Maji kə̂ Jan dda makəturu tə̂ 15:15

M-bbarse to njê-kulaje ang ngaa, mba nje-kula gərə nɛ̂n kə̂ əbbeeje aw dda ang. Maw bbarse to dəwje kə̂ m-ndikide, mba nɛ̂n tɔyn kə̂ Bɔmje pa arəm, m-pa marə ə-gərəje tɔ.

Tar kə̂ Maji kə̂ Jan dda makəturu tə̂ 15:20

Oleje məse dɔ tar tə̂ kə̂ m-pa marəse: Nje-kula uta əbbeeje ang. Dəwje a kulaje kəmse ndoo tə̂ ddəw kâra baa tokə dula kəmʼm ndoo tə̂. Dəwje a ddaje nɛ̂n kə turu ndum ang, dâ ddaje nɛ̂n kə turu nduse ang tɔ.

Kulaje 13:9

Yeenn bba, Ndil-mə-nda ddusu Sɔl kə̂ daw bbarɛ̂ nan Pɔl ngaâ aa Elimas le a,

Kulaje 20:24

Moo təbbə ləm to nɛ̂n kəmʼm tə̂ ang. Nɛ̂n kə̂ m-ndiki njaa to ənga dda kula kə̂ Əbbə-dəwje Jeju inya jim tə̂ ndərəng kɔsu kɔnyɛ̂. Kula le to kula kila mbər Tar kə̂ Maji kə̂ to mə-maji lə Lubba.

Kulaje 21:40

Mbay lə mbambaje le arə ddəw Pɔl karə pa tar. Pɔl le ar dɔ esekaliye tə̂, dda jia arə dəwje le. Lo to nyɛnɛnɛ ngaâ n̂-pa tar narəde kə tar ebərə n̂-pa nan:

Kulaje 22:21

A Əbbə-dəwje le pa arəm nan: ‹Aw, mba mâ kulai ddəw əw horo dəwje tə̂ kə̂ toje to Jiipije ang.› »

Kulaje 22:7

M-tee moso nangə̂ ngaâ moo marə ndu pa səm tar nan: ‹Sɔl, Sɔl, mba ddi bba ə-dda səm singa wa?›

Kulaje 26:1

Agiripa pa arə Pɔl nan: «Mari ddəw karə ɔru naji ləi.» Pɔl ula jia ngaâ ɔru naji laa nan:

Kulaje 26:14

Jeje tɔyn n-tee joso nangə̂ a, moo marə ndu pa tar arəm kə tar aramenyɛ nan: ‹Sɔl, Sɔl, mba ddi bba ə-dda səm singa wa? A to ngəng səi nya ta dda dingaw tokə da kə̂ əbbeeje ɔsɛ̂ kə kakə a, aw dda dingaw.›

Kulaje 27:23

Til tə̂ nəənn, Lubba kə̂ m-to dəw laa ngaâ maw pole arə marə anjə laa tee ingam,

Kulaje 9:15

A Əbbə-dəwje pa nan: «Aw, mba dəw le to dəw kə̂ mundɛ̂ dang karə n̂-dda narə dəwje kə̂ toje to Jiipije ang kə tɔkə mbayje ləde kə ngann Ijarayɛlje gərəje rim.

Rɔmɛnje 1:16

Rɔ-kul kila mbər Tar kə̂ Maji le ddam ang. Mba to singa-mɔngu lə Lubba kə̂ aw aji nɛ̂n dəwje tɔyn kə̂ ooje məde tə̂, Jiipije dɔngɔr, goe tə̂ a, Gɛrɛkəje.

Rɔmɛnje 1:5

Ddəw tə̂ lə Jeju le, Lubba dda səm mə-maji karə m-ddee to nje-kaw-kula, ta dda karə kəsə gəl-dəwje tɔyn ooje məde tə̂ saa ngaâ ta dooje tɛɛ̂ mba ri Kristə.

Rɔmɛnje 1:9

Lubba gərə to tar kə̂ tɔkɔrɔ njaa maw pa nəənn. Ne Lubba kə̂ maw pole kə kəjə ləm tɔyn ddəw mbər Tar tə̂ kə̂ Maji kə̂ dɔ Ngonnɛ̂ tə̂ kə̂ maw mila. N̂-gərə to kar tɔyn kə̂ maw duje, maw mila rise məɛ tə̂.

Rɔmɛnje 11:13

Tar kə̂ mâ ta pa karəse nəənn to mba sese kə̂ ə-toje to Jiipije ang. Mba əman le njaa m-to nje-kaw-kula lə dəwje kə̂ toje to Jiipije ang. Mba yeenn bba mɔsu gaji kula ləm le nya,

Rɔmɛnje 15:16

karə m-ddee to nje-kula lə Jeju-Kristə horo dəwje tə̂ kə̂ toje to Jiipije ang. Nundam dang karə mila mbər Tar kə̂ Maji. Yeenn bba dəwje kə̂ toje to Jiipije ang a ddeeje tokə nɛ̂n-karə-baa kə̂ maji kəm Lubba tə̂. Ndil-mə-nda â dda arə nɛ̂n-karə-baa le maji tɔyn.

Rɔmɛnje 15:29

A m-gərə to bbo maw bbeê ləse a, Kristə a bbar tar kə̂ maji nya nya dɔse tə̂.

Rɔmɛnje 16:18

mba dəwje kə̂ baann toje to bbərə-kulaje lə Əbbəjeje Kristə ang. A daw dəjəje kə dɔ məde tə̂ njaa. Daw dərəje dəwje kə̂ kəmde ɔru ang ddəw tarje tə̂ kə̂ tade tə̂ kə̂ rii to rii ddəm tarje kə̂ daw dərəje nɛ̂n kəm dəwje ddəm.

Rɔmɛnje 16:25

Piti to lə Lubba kə̂ asə ta dda karə ubbaje singa ddəw mə-kunn tə̂, ddəw Tar kə̂ Maji tə̂ lə Jeju-Kristə kə̂ m-ddee mila mbəre marəse le. Ddəw Tar kə̂ Maji tə̂ le bba Lubba dda arə n-gərəje nɛ̂n nɛ̂n kə̂ to lo-kiyɛ̂ tə̂ ləw baa.

1 Kɔrɛntinyɛje 1:1

Əman Pɔl kə̂ Lubba bbarəm kə mə-ndiki laa karə m-to nje-kaw-kula lə Jeju-Kristə, əman kə ngokɔnʼm Sostɛnn,

1 Kɔrɛntinyɛje 9:1

Masə dda ta nɛ̂n kə̂ məm ndiki ang wa? M-to nje-kaw-kula ang wa? Moo Əbbəjeje Jeju ang wa? Sese â ə-toje to kandə kula kə̂ m-dda nɔn gɔl Əbbə-dəwje tə̂ le ang wa?

2 Kɔrɛntinyɛje 1:1

Əman Pɔl kə̂ Lubba ndiki tə̂ karə m-ddee to nje-kaw-kula lə Jeju-Kristə, əman kə ngokɔnje Timɔte, n-dda makəturu nəənn jarə Egilisi lə Lubba kə̂ to Kɔrɛntə ddəm jarə dəwje lə Lubba kə̂ isije nangə tə̂ kə̂ Akay tɔyn ddəm.

2 Kɔrɛntinyɛje 11:5

Məjə to njê-kaw-kulaje kə̂ ooje rɔde bo nya nəənn le utamje kə marə nɛ̂n kâra ang.

2 Kɔrɛntinyɛje 11:7

M-dda rɔm tɛn baa bba ta dda karə sese ə-ddeeje to dəwje kə̂ bo ngaâ mila mbər Tar kə̂ Maji lə Lubba baa marəse. A yeenn to majang â m-dda wa?

2 Kɔrɛntinyɛje 12:11

Ə-ddaje arə m-ddee tokə nje-wooy ngaa. Sese â to tar ləse ta pa tar ləm maji. Mba le m-to marə nɛ̂n ang kara, njê-kaw-kulaje kə̂ ooje rɔde to nutamje le, utamje kə̂ marə nɛ̂n kâra ang.

2 Kɔrɛntinyɛje 2:12

Kar tə̂ kə̂ m-tee tɔkə bbe tə̂ kə̂ Torowas ta kila mbər Tar kə̂ Maji lə Kristə le, Əbbə-dəwje ɔru ddəw arəm kə̂ majɛ̂ njaa.

2 Kɔrɛntinyɛje 4:5

Jeje njaa jaw jila mbər tar ləje ang. Jeju-Kristə kə̂ to Əbbə-dəwje â jaw jila mbər tar laa. Jaw dda rɔje to njê-kulaje ləse ɔju dɔ Jeju.

Galatəje 1:1

Əman Pɔl, m-to nje-kaw-kula. To dəwje â bbarəmje karə m-ddee to nje-kaw-kula le ang ddəm ddəw tə̂ lə marə dəw ang ddəm. Jeju-Kristə kə Lubba kə̂ Bɔ kə̂ ndol Jeju kə̂ oy â n̂-bbarəmje.

Epɛjinyɛje 1:1

Əman Pɔl kə̂ Lubba ndiki tə̂ karə m-ddee to nje-kaw-kula lə Jeju-Kristə, mula kə makəturu nəənn marə dəwje lə Lubba kə̂ ooje məde tə̂ kə Jeju-Kristə kə̂ isije Epɛjə.

Epɛjinyɛje 1:13

Ddəw tə̂ lə Kristə le tɔ a, sese kara ooje nɛ̂n tar kə̂ tɔkɔrɔ, Tar kə̂ Maji kə̂ ajise, ooje məse tə̂ kə Kristə ngaâ Lubba uja əndaji rɔse tə̂. Əndaji le to Ndil-mə-nda kə̂ nunn ndue ta karə le.

Epɛjinyɛje 4:11

Ne â narə gusu dəwje. Ne â narə marɛ̂je ddeeje to njê-kaw-kulaje, marɛ̂je to njê-kilaje mbər tar lə Lubba, marɛ̂je to njê-kilaje mbər Tar kə̂ Maji, marɛ̂je to njê-kulaje, a marɛ̂je to njê-nɛ̂n-tɔjuje.

Pilipinyɛje 1:1

Əman Pɔl kə Timɔte kə̂ n-to bbərə-kulaje lə Jeju-Kristə n-dda makəturu nəənn jula nɛ̂n jarə dəwje tɔyn kə̂ isije Pilipi kə̂ toje to njê-mə-ndaje ddəw tə̂ lə Jeju-Kristə. Jula nɛ̂n jarə njê-kɔnje dɔ Egilisi kə diyakərəje tɔ.

Pilipinyɛje 2:11

ngaâ karə dəwje tɔyn paje kə tade nan Jeju-Kristə to Əbbə-dəwje mba kɔsu nɛ̂n gaji Lubba kə̂ Bɔ.

Kolosinyɛje 1:1

Əman Pɔl kə̂ Lubba ndiki tə̂ arə m-ddee to nje-kaw-kula lə Jeju-Kristə kə ngokɔnʼm Timɔte,

Kolosinyɛje 1:25

Egilisi le â m-ddee to nje-kulɛ̂ mba Lubba â inya kula le jim tə̂ karə mila mbər tar laa tɔyn marəse.

1 Tesalonisinyɛje 2:2

Ə-gərəje kə majɛ̂ to joo ndoo ngaâ dəwje tajije bbe tə̂ kə̂ Pilipi. A Lubba arə jubba singa mə nɛ̂n-singaje tə̂ nya nya, narə jila mbər Tar kə̂ Maji laa jarəse.

1 Tesalonisinyɛje 2:8

N-ndikise nya, n-to ngɔsi ta pa Tar kə̂ Maji lə Lubba karəse ddəm ta karə təbbə ləje njaa mbase ddəm. Mba ə-ddeeje to dəwje kə̂ n-ndikise nya.

1 Tesalonisinyɛje 2:9

Ngakɔnje, oleje məse dɔ kulaje tə̂ ləje kə dɔ ndoo tə̂ kə̂ joo. Til kə kar, n-dda kula bba ta ddee to nɛ̂n-koto dɔ dəw tə̂ kâra horose tə̂ ang. Baann â jila nɛ̂n mbər Tar kə̂ Maji lə Lubba jarəse.

1 Timɔte 1:1

Əman Pɔl, m-to nje-kaw-kula lə Jeju-Kristə, mba Lubba kə̂ Nje-kajije kə Jeju-Kristə kə̂ jundaje məje dɔɛ̂ tə̂ â darəmje ddəw.

1 Timɔte 2:7

Mba yeenn bba, Lubba undam to nje-tɔju tar kə nje-kaw-kula karə m-tɔju dəwje kə̂ toje to Jiipije ang, tar mə-kunn kə tar kə̂ tɔkɔrɔ. Tar kə̂ tɔkɔrɔ â maw pa nəənn bbo maw mərə ngəm ang.

2 Timɔte 1:11

Mba yeenn bba Lubba unnum to Nje-nɛ̂n-tɔju ddəm to nje-kaw-kula ddəm karə mila mbər Tar kə̂ Maji le.

Titə 1:1

Əman Pɔl, m-to bbərə-kula lə Lubba ddəm nje-kaw-kula lə Jeju-Kristə ddəm. Lubba unnum to nje-dda karə dəwje kə̂ Lubba mbərəde unnje məde arɛ̂ ngaâ karə n̂-gərəje tar kə̂ tɔkɔrɔ bba ta n̂-ngəmje rɔde mba Lubba.

Ebərəje 5:4

Dəw kâra asə ta kɔsu gaji rɔɛ̂ to tɔkə nje-polo Lubba ang. Lubba â bbar dəw bba undɛ̂ to tɔkə nje-polo tokə n̂-bbar Arɔn.

Ebərəje 7:26

Yeenn a, Jeju â to tɔkə nje-polo Lubba kə̂ maji karə jingaje. N̂-maji tɔyn, nɛ̂n-yərəw kâra ɔrɛ̂ ang, n̂-dda majang ang. Lubba undɛ̂ dang kə njê-nɛ̂n-ddaje kə̂ maji ang ngaâ aw undɛ̂ ddutu dara tə̂ nu.

Jakə 1:1

Əman, Jakə kə̂ m-to bbərə-kula lə Lubba ddəm Əbbə-dəwje Jeju-Kristə ddəm m-dda lapiya dəwje kə̂ toje to Jiipije kə̂ gəl-kujude dɔku gire joo kə̂ sarɛnje naan mə bbeje tə̂ dang dang.

1 Piyɛr 4:17

Kar gangə sariya asə ngaa. Sariya le a kunn-kute dɔ dəwje tə̂ lə Lubba. A bbo jeje â sariya le unn kute dɔje tə̂ a, njê kə̂ mbətəje Tar kə̂ Maji le, ləde a to tokə baânn wa?

2 Piyɛr 1:1

Əman Simɔn Piyɛr kə̂ m-to bbərə-kula lə Jeju-Kristə ddəm nje-kaw-kula lə Jeju-Kristə ddəm m-dda makəturu nəənn marə dəwje kə̂ ingaje mə-kunn kə̂ ngəng kə̂ kâra baa kə̂ jinga le. Dingaje mə-kunn le ddəw nɛ̂n-dda tə̂ kə̂ gatə gatə lə Jeju-Kristə kə̂ to Lubba ləje ddəm Nje-kajije ddəm.

Judə 1:1

Əman Judə ngokɔn Jakə kə̂ m-to bbərə-kula lə Jeju-Kristə, m-dda makəturu nəənn marə dəwje kə̂ Lubba bbarde kə ddaka, dəwje kə̂ Lubba kə̂ Bɔ ndikide nya ngaâ ngəmde mba Jeju-Kristə.

Apokalisi 1:1

Makəturu nəənn pa tar dɔ nɛ̂nje tə̂ kə̂ Lubba arə Jeju-Kristə tɔju Jan, karə n̂-tɔju njê-kulaje laa karə n̂-gərəje nɛ̂n kə̂ nayn ngɔsi baa ta ddee. Kristə ula anjə laa arə nje-kula laa Jan karə tɔjɛ̂ nɛ̂njeenn le karə n̂-gərə.

Apokalisi 22:6

Goe tə̂ a, anjə le pa arəm nan: «Tarje nəənn to tarje kə̂ tɔkɔrɔ ngaâ asə karə dəw unda məɛ̂ dɔɛ tə̂. Əbbə-dəwje Lubba kə̂ arə Ndil laa ddee dɔ njê-kilaje mbər tar tə̂ laa ula anjə laa karə tɔju njê-kulaje laa nɛ̂n kə̂ nayn ngɔsi baa ta ddee.»

Apokalisi 22:9

A n̂-pa narəm nan: «Ə-dda nɛ̂ɛnn ang! M-to nje-kula mari kə nje-kula mar ngakɔinje kə̂ toje to njê-kilaje mbər tar lə Lubba kə nje-kula mar dəwje kə̂ ngəmje tarje kə̂ makəturu tə̂ nəənn. Lubba â maji karə ə-pole.»