Pilipinyɛje 4:6 - Dɔnɔn kə̂ Siki: Tar kə̂ aw arə təbbə

⁶ Maji karə əjəje tar mba marə nɛ̂n kâra ang. A mə nɛ̂nje tə̂ tɔyn, ə-dujuje Lubba nɛ̂n kə̂ ə-ndikije. A duju tə̂ kə̂ aw dujeje le arɛ̂je wooyo tɔ.

Pilipinyɛje 4:6 Iomraidhean Croise

Matiye 10:19

A bbo daw kə se sariya tə̂ a, əjəje tar kə̂ â paje wase gusu kə̂ a paje nɛ̂n tar le ang. Kar tə̂ənn njaa, Lubba a karəse tar kə̂ â paje.

Matiye 13:22

A marə dəwje toje tokə nangə kə̂ konnje ubbaje tə̂ le. Dooje tar le kə majɛ̂, a kəjə-tarje mba nɛ̂nje kə̂ nangə̂ nəənn kə bbo nɛ̂n-kingaje kə̂ aw ərəde ore dɔ tar le kə nangə̂ arə tar le andə ang.

Matiye 6:34

«Yeenn a, əjəje tar mba nɛ̂n kə̂ bara ang. Mba bara njaa a sangə nɛ̂n laa bbay. Ndɔ kâra kâra to kə ndoo laa kə̂ ta koo.»

Matiye 6:8

Ə-ndajijede ang, mba Bɔsese gərə nɛ̂n kə̂ ə-ndikije bba ə-dujeje guku baa.»

Luku 10:41

Əbbə-dəwje ilɛ̂ tə̂ nan: «Martə, Martə, aw jɔku rɔi ngaâ aw isa mba nɛ̂nje nya.

Luku 12:22

Goe tə̂ a, Jeju pa arə njê-njaje goe tə̂ nan: «Mba yeenn bba, m-pa marəse: Əjəje tar təbbə ləse mba nɛ̂n-kusa tase ang ddəm mba kubbu kə̂ ta kula rɔse tə̂ ang ddəm.

Luku 12:29

Sese, maji karə ə-sangəje nɛ̂n kə̂ ta kusa ang ddəm, nɛ̂n kə̂ ta kay ang ddəm ta ə-jɔkuje rɔse ang.

Luku 18:1

Jeju pa marə gusu-tar arə njê-njaje goe tə̂ ta tɔju nɛ̂n de to, to maji nya ta duju Lubba kə ndɔje tɔyn ddəm kə rɔ-nya ang ddəm.

Luku 18:7

Lubba a gangə sariya lə dəwje laa kə̂ n̂-mbərəde kə̂ aw nɔnje nɔn gɔlɛ̂ tə̂ til kə kar ang wa? Nâ karə n̂-ngəbbə nya wa?

1 Kɔrɛntinyɛje 7:21

Ə-nayn to bbərə bbay bba Lubba bbari wa? Əjə tar ang. Â bbo inga ddəw ta tee kɔ bbərə tə̂ le a, ə-tee.

1 Kɔrɛntinyɛje 7:32

M-ndiki karə əjəje tar ang. Dəw kə̂ taa dɛnɛ̂n ang wase taa ngaw ang unda kəjə laa kə dɔ kula tə̂ lə Əbbə-dəwje. Naw sangə ddəw ta nəəl kəm Əbbə-dəwje tə̂.

2 Kɔrɛntinyɛje 1:11

Sese njaa kara aw umanjeje ddəwe tə̂, ddəw duju tə̂ kə̂ aw dujuje Lubba mba tar ləje. Yeenn a, Lubba a kila tar-duju tə̂ lə dəwje kə̂ banya kə̂ aw dujeje mba tar ləje le. Nâ karəje nɛ̂ɛnn kə mə-maji laa ngaâ dəwje nya a karɛ̂je wooyo mbaje.

Epɛjinyɛje 5:20

Maji karə arəje wooyo Lubba kə̂ Bɔ kə kar tɔyn mba nɛ̂nje tɔyn kə ri Əbbəjeje Jeju-Kristə.

Epɛjinyɛje 6:18

Mə karje tə̂ tɔyn arəje Ndil tɔjuse ddəw kə̂ â dujuje nɛ̂n Lubba. Maji karə ə-tibbije ang ngaâ ə-dujuje Lubba nya mba njê-mə-kunnje.

Kolosinyɛje 3:15

Maji karə mə-wul-lɔm lə Kristə â ɔn dɔ kəjəje kə̂ məse tə̂. Mba Lubba bbarse karə ingaje mə-wul-lɔm le bba karə ə-ddeeje to da-rɔ kə̂ kâra baa. Maji karə ə-gərəje go maji kə̂ n̂-dda kə se.

Kolosinyɛje 3:17

Nɛ̂n tɔyn kə̂ aw ddaje wase aw paje, maji karə ə-ddaje kə ri Əbbə-dəwje Jeju ngaâ arəje wooyo Lubba kə̂ Bɔ ddəw tə̂ laa.

Kolosinyɛje 4:2

Maji karə ə-naynje ddəw duju Lubba tə̂. Arəje məse to dɔɛ tə̂ ngaâ arəje wooyo Lubba.

1 Timɔte 2:1

Nɛ̂n kə̂ maw ndəjəse ta karə ə-ddaje dɔngɔrɛ̂ â to karə ə-dujuje nɛ̂nje ji Lubba tə̂, karə ə-paje tar kə Lubba, ə-ddaje rɔse to ndoo nɔn Lubba tə̂ ngaâ ə-təlje kə wooyo arəje Lubba mba dəwje tɔyn.

1 Timɔte 5:5

Dɛnɛ̂n-ndubba kə̂ isi kə karɛ̂ baa ngaâ nje-kaa lo kə dɔɛ̂ tə̂ goto, unda məɛ̂ kə̂ dɔ Lubba tə̂. Nəw ta dda rɔɛ̂ to ndoo rɔ Lubba tə̂ ang, naw duju Lubba, til kə kar.

1 Piyɛr 4:7

Nɛ̂nje tɔyn naynje ngɔsi baa ta kɔsu kɔyn ngaa. Yeenn a, maji karə ə-gərəje dɔ jise, arəje kəmse kətərə ta ə-dujuje Lubba.

1 Piyɛr 5:7

Maji karə inyaje nɛ̂nje tɔyn kə̂ aw jɔku kəjə ləse mə jia tə̂, mba naw naa lo kə dɔse tə̂.