Pilipinyɛje 4:5 - Dɔnɔn kə̂ Siki: Tar kə̂ aw arə təbbə

⁵ Maji karə dəwje tɔyn gərəje mə-maji ləse. Əbbə-dəwje a təl ngɔsi baa.

Pilipinyɛje 4:5 Iomraidhean Croise

Matiye 6:25

«Mba yeenn bba, m-pa marəse: Əjəje tar təbbə ləse mba nɛ̂n-kusa tase ang ddəm nɛ̂n-kayse ang ddəm, əjəje tar da-rɔse mba kubbu kə̂ ta kula ang. Təbbə ləse ngəng uta nɛ̂n-kusa ddəm da-rɔse ngəng uta kubbu ddəm ang wa?

Matiye 6:34

«Yeenn a, əjəje tar mba nɛ̂n kə̂ bara ang. Mba bara njaa a sangə nɛ̂n laa bbay. Ndɔ kâra kâra to kə ndoo laa kə̂ ta koo.»

Luku 21:34

«Aaje rɔse! Arəje məse to kə dɔ kay koto tə̂ karə uta dɔse kə kusa nɛ̂n karə uta dɔse dɔrɔ ang, arəje kəjə-tar mba nɛ̂nje kə̂ nangə̂ nəənn uta dɔse ang. Bbo baann ang a, ndɔ nəənn le a ddee dɔse tə̂ busu

1 Kɔrɛntinyɛje 16:22

Bbo marə dəw to nam Əbbə-dəwje ang a, maji karə ndu-ndɔɔl to dɔɛ̂ tə̂! Maranata.

1 Kɔrɛntinyɛje 6:7

Kə̂ tɔkɔrɔ, osoje mban, mba aw səkəje naan. Mba ddi bba bbo dəw dda nɛ̂n kə̂ to kə dɔgɔlɛ̂ ang kə se a, arəje nayn dɔse tə̂ ang wa? Mba ddi bba dəw ndiki ta taa nɛ̂n ləse kə singa a, inyaje arɛ̂je ang wa?

1 Kɔrɛntinyɛje 8:13

Mba yeenn bba, bbo nɛ̂n-kusa asə ta dda karə ngokɔnʼm oso mə nɛ̂n tə̂ kə̂ maji ang a, mâ kɔn taal-da ndɔ kâra ang nan karə ngokɔnʼm in oso mə majang tə̂.

1 Kɔrɛntinyɛje 9:25

Dəwje tɔyn kə̂ aw gɔlje rɔde mba kayn ngɔru aw sangəje rɔde marə nɛ̂nje tə̂ nya. Daw ddaje baann, mba kinga nɛ̂n kuka kə̂ a tuju marə ndɔ. A jeje jaw ddaje tokə baann, mba kinga nɛ̂n kuka kə̂ a tuju ang ndɔ kâra ang.

2 Kɔrɛntinyɛje 10:1

Əman Pɔl, maw dujuse marə nɛ̂n kə ri Kristə kə̂ wul pee ddəm to nje-mə-maji ddəm. Aw paje nan, bbo misi horose tə̂ a m-wul, â bbo misi ddəw əw kə se a, maw nya dɔse tə̂ nya.

2 Tesalonisinyɛje 2:2

Marə dəw a kin pa karəse nan Lubba â pa tar arɛ̂ wase jeje â n-pa tar wase jeje â jula kə makəturu n-pa nan ndɔ ddee lə Əbbə-dəwje asə ngaa. Arəje kəjə ləse aw yo aw nɛ̂n ang ddəm arəje bbəəl ddase ang ddəm.

Titə 3:2

Maji karə n̂-tajije dəw ang, n̂-toje to njê-ddɔje kə dəw ang, maji karə n̂-toje to njê-mə-majije. Maji karə n̂-toje to dəwje kə̂ wul pee kə dəwje tɔyn kə ndɔ tɔyn.

Ebərəje 10:25

Maji karə n-tusuje lo mbɔn-naan ləje jinyaje ang, mba marɛ̂je aw ddaje tokə baann. A maji karə n-ndəjəje naan, mba ooje, ndɔ lə Əbbə-dəwje ddee ngɔsi ngaa.

Ebərəje 10:37

Mba Makəturu lə Lubba pa nan: «Tɛn be, mbɔr ang njaa a, dəw kə̂ a ta ddee le a ddee, nâ tila ang.»

1 Piyɛr 1:11

Ndil lə Kristə kə̂ to məde tə̂ pa tar ndoo kə̂ Kristə a koo kə tar piti kə̂ a ddee goe tə̂ arəde tokə kete. Mba yeenn bba, dunnje rɔde tɔyn ta gərə se kar kə̂ baânn wase ddi â a to bba nɛ̂nje kə̂ Ndil lə Kristə pa le a ddeeje wa?

1 Piyɛr 4:7

Nɛ̂nje tɔyn naynje ngɔsi baa ta kɔsu kɔyn ngaa. Yeenn a, maji karə ə-gərəje dɔ jise, arəje kəmse kətərə ta ə-dujuje Lubba.

Apokalisi 22:20

Dəw kə̂ pa tar-naji nɛ̂nje nəənn le, pa nan: «Tɔkɔrɔ, maw ddee ngɔsi baa.» Amɛnn! Ə-ddee, Əbbə-dəwje Jeju!

Apokalisi 22:7

Jeju pa nan: «Oo, maw ddee ngɔsi baa ngaa. Rɔ-nəəl to lə dəwje kə̂ aw ngəmje tarje kə̂ dila mbəre makəturu tə̂ nəənn!»