Pilipinyɛje 4:3 - Dɔnɔn kə̂ Siki: Tar kə̂ aw arə təbbə

³ A əi, kə̂ ə-to nje-buwa-kula marəm kə̂ tɔkɔrɔ, m-duji karə uman dɛnɛ̂nje nəənn le. Mba dumanʼmje darə n-dda ddɔ n-tɔju nɛ̂n Tar kə̂ Maji jarə dəwje, dede kə Kleman kə marə njê-kula marəmje kə ride to makəturu təbbə tə̂.

Pilipinyɛje 4:3 Iomraidhean Croise

Luku 10:20

Yeenn a, maji karə ndilje kə̂ maji ang kə̂ ulaje dɔde nangə̂ arəse le â ə-ddaje rɔ-nəəle ang. A ə-ddaje rɔ-nəəl mba rise kə̂ Lubba dda mə Makəturu tə̂ darâ.»

Rɔmɛnje 12:1

Ngakɔnʼmje, Lubba tɔju maji laa kə̂ n̂-dda kə je. Yeenn bba, m-walse nya karə unnje da-rɔse njaa arəje Lubba tokə nɛ̂n-polo kə̂ to kəm baa, nɛ̂n kə̂ dunda dang ngaâ maji kəm Lubba tə̂. Yeenn â to gusu kə̂ tɔkɔrɔ kə̂ ta polo nɛ̂n Lubba.

Rɔmɛnje 16:12

Ə-ddaje lapiya Tripɛnn de kə Tripoje. N̂-ddaje kula nya mba Əbbə-dəwje. Ə-ddaje lapiya Pɛrsidə kə̂ to kɔn-nannje kə̂ m-ndike nya. Ne kara n̂-dda kula nya mba Əbbə-dəwje.

Rɔmɛnje 16:9

Ə-ddaje lapiya Urbɛn kə̂ to nje-kula-marəje kula tə̂ lə Kristə, ne kə Estakis kə̂ m-ndike nya.

Pilipinyɛje 1:12

Ngakɔnʼmje, m-ndiki karə ə-gərəje to nɛ̂n kə̂ ingam le təl dda arə Tar kə̂ Maji aw kə kete kete.

Pilipinyɛje 1:16

Dedeenn le ndiki to məde tə̂ bba daw tɔjuje nɛ̂n tar lə Kristə le, mba n̂-gərəje to mee nəənn ta kayn ngɔru-ddɔ Tar kə̂ Maji le.

Pilipinyɛje 1:27

A maji karə pa-nja ləse dda mə-kâra kə Tar kə̂ Maji lə Kristə le. Baann bba karə bbo m-ddee ta koose wase mee horose tə̂ ang njaa kara, moo tamse. Maji karə dəwje paje arəm nan aw uwaje arəje ngəng ddəw kəjə tə̂ kə kâra baa. Ngaâ məse to kâra baa bba aw ddaje nɛ̂n ddɔ tokə dəwje kə̂ kâra baa, mba mə-kunn kə̂ ddee ddəw Tar tə̂ kə̂ Maji le.

Pilipinyɛje 1:5

mba kuman kə̂ aw umanʼmje ddəw kila mbər Tar tə̂ kə̂ Maji arəje aw kə kete kete, kunn-kute tə̂ nu ndərəng bbokənɛn.

Pilipinyɛje 1:7

To kə dɔgɔlɛ̂ karə kəjə ləm to dɔse tə̂ tokə baann njaa, mba m-ndikise. Əsese tɔyn njaa umanʼmje ddəw mə-maji tə̂ kə̂ Lubba dda səm kar tə̂ kə̂ mee nɛ̂n kəy-kula tə̂ bbasinɛn nəənn ddəm kar tə̂ kə̂ maw mɔru nɛ̂n naji Tar tə̂ kə̂ Maji marə ngəng le ddəm.

Pilipinyɛje 4:2

Əi Ebodi kə Sɛntis, m-dujuse nya karə ooje ta naan ddəw mə-kâra tə̂ kə̂ aw ddaje kə Əbbə-dəwje.

Kolosinyɛje 1:7

Epaparas kə̂ to nje-kula marəje kə̂ n-ndike nya le â tɔjuse nɛ̂ɛnn. Naw dda kula mba tar le, to nje-kula lə Kristə kə̂ aw dda kula laa kə dɔgɔlɛ̂.

Apokalisi 13:8

Dəwje tɔyn kə̂ dɔ nangə tə̂ a poloje da kə̂ in mə ba-katə tə̂ tee le. To njê kə̂ ləw baa kə̂ Lubba dda duninya, ride goto makəturu təbbə tə̂ lə Ngonn Batə kə̂ n̂-tɔlɛ̂ to nɛ̂n-polo le.

Apokalisi 17:8

Da kə̂ ooe le to ləw, a n̂-to ang ngaa. Nâ kin tɔkə buwa tə̂ kə̂ sunrɛ̂ goto le tee ta kaw nayn kə kɔrɔ̂ nyɔm. Bbo dəwje kə̂ kunn-kutu duninya tə̂ nu duja ride makəturu təbbə tə̂ ang ooje da le a, məde a kunda dɔ binya. Mba n̂-to ləw, a n̂-to ang ngaa, a nâ təl kunda lo tee bbay.

Apokalisi 20:12

Ngaâ moo dəwje kə̂ oyje, njê kə̂ ngaji kə njê kə̂ bo, darje taar nɔn ngende-mbay tə̂ le. N̂-təəyn makəturuje, a n̂-təl n̂-təəyn marə makəturu bbay, to makəturu təbbə. Ngaâ n̂-gangə sariya dɔ dəwje tə̂ kə̂ oyje asə kəm kula-ddade, tokə ye kə̂ n̂-dda makəturuje tə̂ le.

Apokalisi 20:15

Dəw kə̂ dinga ria makəturu təbbə tə̂ le ang a, dilɛ̂ ndakə puru tə̂ le.

Apokalisi 21:27

Nɛ̂n-yərəw kâra a kandə mə bbe tə̂ le ang nyɔm. Dəw kə̂ nje-dda nɛ̂n kə̂ asə koo kə kəm ang wase nje-ngəm a kandə mə bbe tə̂ le ang tɔ. Njê kə̂ n̂-dda ride makəturu təbbə tə̂ lə Ngonn batə njaa kə karəde baa â a kandəje mə bbe tə̂ le.

Apokalisi 3:5

Yeenn a, dəwje kə̂ tətəje ddɔ a, dâ kulaje kubbuje kə̂ nda, mâ tuju ride makəturu təbbə tə̂ ndɔ kâra ang. Mâ pa nɔn bɔmje tə̂ kə nɔn anjəje tə̂ laa nan n̂-toje to dəwje ləm.