Pilipinyɛje 4:11 - Dɔnɔn kə̂ Siki: Tar kə̂ aw arə təbbə

¹¹ Maw pa tar baann mba nɛ̂n â dum wa? Baann ang. M-gərə ta kunda məm kə dɔ nɛ̂n tə̂ kə̂ to jim tə̂ njaa.

Pilipinyɛje 4:11 Iomraidhean Croise

Luku 3:14

Mbambaje kara dujeje nan: «A jeje, ddi bba to maji karə n-dda wa?» Nilade tə̂ nan: «Uwaje dəw kə singa ə-taaje nɛ̂n laa ang ddəm ulaje tar ta dəw tə̂ baa ang ddəm. A maji karə narɛ-kunnse njaa undaje məse dɔɛ tə̂.»

2 Kɔrɛntinyɛje 11:27

Maw dda kulaje kə̂ aw ɔru singam. Nya njaa bbi ɔru kəm ang. Bbo nɛ̂n-kusa kə kunda maann aw tɔləm. Nya njaa maw mɔku rɔm nɛ̂n-kusa mba duju Lubba. Kul tɔləm ddəm kubbu dum ddəm.

2 Kɔrɛntinyɛje 6:10

Dəwje aw ddaje arə rɔje nəəlje ang, a jaw jisi kə rɔ-nəəl kə ndɔ tɔyn. Dəwje aw oojeje to njê-ndooje, a jaw dda jarə dəwje nya aw ddeeje to njê-nɛ̂n-kingaje. Dəwje oojeje to marə nɛ̂n ləje goto, a jee kə nɛ̂n tɔyn.

2 Kɔrɛntinyɛje 8:9

Mba ə-gərəje mə-maji lə Əbbəjeje Jeju-Kristə kə̂ to nje-nɛ̂n-kinga, bba təl dda rɔɛ̂ to nje-ndoo mba tar ləse, bba karə ndoo laa dda arə ə-ddeeje to njê-nɛ̂n-kingaje.

2 Kɔrɛntinyɛje 9:8

Lubba ee kə singa ta karəse nɛ̂nje kə̂ maji dang dang tɔyn baa kə nangə̂. Baann bba karə nɛ̂n to jise tə̂ kə ndɔ tɔyn ddəm marə nɛ̂n kâra duse ang ddəm ngaâ karə ingaje marɛ̂ dɔɛ tə̂ ə-ddaje nɛ̂n-kulaje kə̂ maji tɔyn.

Pilipinyɛje 3:8

Tɔkɔrɔ, moo nɛ̂njeenn le tɔyn to nɛ̂n kə̂ baa. Tɔkə nɛ̂n-kinga â to ta gərə Əbbəmje Jeju-Kristə. Minya nɛ̂nje tɔyn ɔju dɔ Kristə ngaâ moo nɛ̂n tɔyn tokə lə yərəw mba kinga Kristə le

Ebərəje 10:34

Ngaâ ooje kəm-to-ndoo lə njê kə̂ dungude kəy-kula tə̂. A bbo duwa nɛ̂nje ləse n̂-taaje a, aw ndikije tə̂ kə rɔ-nəəl. Mba ə-gərəje to eeje kə nɛ̂n-kingaje kə̂ maji uta yejeenn ddəm nɛ̂n-kingaje kə̂ a toje kə ndɔ kə ndɔ ddəm.