Pilipinyɛje 3:8 - Dɔnɔn kə̂ Siki: Tar kə̂ aw arə təbbə

⁸ Tɔkɔrɔ, moo nɛ̂njeenn le tɔyn to nɛ̂n kə̂ baa. Tɔkə nɛ̂n-kinga â to ta gərə Əbbəmje Jeju-Kristə. Minya nɛ̂nje tɔyn ɔju dɔ Kristə ngaâ moo nɛ̂n tɔyn tokə lə yərəw mba kinga Kristə le

Pilipinyɛje 3:8 Iomraidhean Croise

Luku 1:43

Əman nəənn m-to dəw ddi bba kɔn Əbbəmjeje ddee rɔm tə̂ wa?

Luku 11:20

A bbo Lubba â arəm singa maw tubba nɛ̂n ndilje kə̂ maji ang a, yeenn tɔju to kɔn-mbay lə Lubba ddee ndərəng tee rɔse tə̂ ngaa.

Tar kə̂ Maji kə̂ Jan dda makəturu tə̂ 14:20

Ndɔɛ̂ tə̂ənn le â gərəje to mee mə Bɔ tə̂, sese kara eeje məm tə̂ ngaâ əman mee məse tə̂.

Tar kə̂ Maji kə̂ Jan dda makəturu tə̂ 14:7

Bbo ə-gərəmje a, â gərəje Bɔmje tɔ. Bbasinɛn nəənn ə-gəreje ngaâ ooeje mban.»

Tar kə̂ Maji kə̂ Jan dda makəturu tə̂ 16:3

Dâ ddaje nɛ̂njeenn mba n̂-gərəje Bɔ ang ddəm n̂-gərəmje ang ddəm.

Tar kə̂ Maji kə̂ Jan dda makəturu tə̂ 17:3

Təbbə kə̂ to kə ndɔ kə ndɔ le, to karə n̂-gərije, əi kâra baa kə̂ ə-to Lubba kə̂ tɔkɔrɔ ddəm Jeju-Kristə kə̂ ulɛ̂ ddəm.

Tar kə̂ Maji kə̂ Jan dda makəturu tə̂ 17:8

mba m-ndaji tar kə̂ ə-pa arəm marəde ngaâ n̂-taaje. N̂-gərəje to min rɔi tə̂ bba m-ddee tokə tɔkɔrɔ ngaâ dooje məde tə̂ to əi â ulam.

Tar kə̂ Maji kə̂ Jan dda makəturu tə̂ 20:13

Anjəje le dujeje nan: «Aw nɔn mba ddi wa?» Nilade tə̂ nan: «Dɔru Əbbəmje dɔtu nɛ̂n, a m-gərə lo kə̂ dilɛ̂ tə̂ ang.»

Tar kə̂ Maji kə̂ Jan dda makəturu tə̂ 20:28

Toma le ilɛ̂ tə̂ nan: «Əbbəmje, Lubba ləm!»

Kulaje 20:24

Moo təbbə ləm to nɛ̂n kəmʼm tə̂ ang. Nɛ̂n kə̂ m-ndiki njaa to ənga dda kula kə̂ Əbbə-dəwje Jeju inya jim tə̂ ndərəng kɔsu kɔnyɛ̂. Kula le to kula kila mbər Tar kə̂ Maji kə̂ to mə-maji lə Lubba.

Rɔmɛnje 8:18

Moo a, piti kə̂ Lubba a tɔjuje kə ddaka ndɔ tə̂ kə̂ aw ddee a kuta ndoo kə̂ jaw jooje bbokənɛn nəənn.

Rɔmɛnje 8:39

singa-mɔnguje kə̂ darâ ang ddəm singa-mɔnguje kə̂ nangə̂ ang ddəm marə nɛ̂n kə̂ Lubba dda to dda ang ddəm. Marə nɛ̂n kâra kə̂ a tinje kə ndiki lə Lubba goto. N̂-tɔjuje ndiki laa le ddəw tə̂ lə Əbbəjeje Jeju-Kristə.

1 Kɔrɛntinyɛje 2:2

Mba kar kə̂ m-nayn nɛ̂n horose tə̂ le, m-ndiki ta gərə marə nɛ̂n dang ang. Bbayɛ̂ njaa to Jeju-Kristə, Jeju-Kristə kə̂ n̂-tɔlɛ̂ kakə-dəsə tə̂.

1 Kɔrɛntinyɛje 9:10

Wase jeje â naw pa tar nəənn ɔju dɔje ang wa? Tɔkɔrɔ, n̂-dda nɛ̂nje nəənn makəturu tə̂ ɔju dɔje. Mba nje-ndɔɔ aw ngəbbə ta kinga nɛ̂n go kula tə̂ kə̂ n̂-dda ngaâ dəw kə̂ aw uja ko-ta-kɔsu aw unda məɛ̂ ta kinga marə ko le to dɔ jia tɔ.

2 Kɔrɛntinyɛje 4:4

Dooje məde tə̂ ang, mba Satan kə̂ to lubba kə̂ nangə̂ nəənn ɔku ddəw nɛ̂n-gərə ləde karə dooje ndoko lə Tar kə̂ Maji kə̂ aw tɔju piti lə Kristə. Kristə kə̂ to tokə Lubba le.

2 Kɔrɛntinyɛje 4:6

Mba Lubba kə̂ pa nan: «Maji karə lo ndoko lo tə̂ kə̂ ndul» le, ne njaa n̂-ndoko məje tə̂, ta dda karə joo ndoko laa kə̂ aw ndoko kəm Kristə tə̂.

Galatəje 1:16

Noo maji kəmɛ̂ tə̂ ta karə m-gərə Ngonnɛ̂ ngaâ karə mila mbər tar laa marə dəwje kə̂ toje to Jiipije ang. Karɛ̂ tə̂ənn le m-duju dəw ndəjə ang ddəm

Epɛjinyɛje 4:13

N̂-dda baann ndərəng karə jeje tɔyn mə-kunn ləje to kâra baa ngaâ karə n-gərəje Ngonn lə Lubba. Ngaâ karə n-ddeeje to dəwje kə̂ sangəje kə majɛ̂ asə naan kə Kristə.

Pilipinyɛje 1:1

Əman Pɔl kə Timɔte kə̂ n-to bbərə-kulaje lə Jeju-Kristə n-dda makəturu nəənn jula nɛ̂n jarə dəwje tɔyn kə̂ isije Pilipi kə̂ toje to njê-mə-ndaje ddəw tə̂ lə Jeju-Kristə. Jula nɛ̂n jarə njê-kɔnje dɔ Egilisi kə diyakərəje tɔ.

Pilipinyɛje 3:10

Nɛ̂n kə̂ m-ndiki kâra baa njaa to gərə Kristə kə gərə singa-mɔngu kə̂ noy, a ndole, ta koo ndoo saa ngaâ ta ddee tokə laa ddəw yo tə̂ kə̂ noy.

Pilipinyɛje 3:12

Məjə to minga nɛ̂n kə̂ m-ndiki le mban ang wase məjə to m-ddee maji tɔyn mban ang. A maw mayn ngɔru bbay, maw nar rɔm ta kuwa nɛ̂n le kə jim, mba əman njaa kara Jeju-Kristə uwam mban.

Pilipinyɛje 3:7

Məjə to nɛ̂njeenn toje to nɛ̂n-kingaje kə̂ bo nya. A bbasinɛn nɛ̂njeenn moo to nɛ̂n kə̂ baa kəmʼm tə̂ ɔju dɔ Kristə.

2 Timɔte 4:6

Əman, kar kə̂ dâ kunnum karə to nɛ̂n-polo asə mban ngaâ m-nayn ngɔsi baa ta koy ngaa.

Ebərəje 3:14

Bbo n-naynje jaw juwaje jarə ngəng ndərəng jɔsuje kɔnyɛ̂ a, Lubba a karə n-ddeeje to nje-kula mar Kristə.

1 Piyɛr 2:7

Yeenn a, ər le to nɛ̂n-piti ləse, sese kə̂ unnje məse arəje Lubba. A ənga njê kə̂ unnje məde ang le, ər kə̂ njê-kɔsuje kəy mbətəje le ddee to singa gɔl kəy kə̂ dungu nangə̂.

2 Piyɛr 1:2

Maji karə Lubba dda kə se mə-maji nya ddəm narə məse wul lɔm nya ddəm ddəw gərə tə̂ kə̂ aw gərəje Lubba ddəm Jeju kə̂ to Əbbəjeje ddəm kə kete kete.

2 Piyɛr 1:3

Ddəw singa-mɔngu tə̂ lə Lubba, Lubba le arəje nɛ̂n tɔyn karə n-naynje nɛ̂n kəm baa bba karə junn rɔje jarɛ̂. Narə n-gəre ne kə̂ n̂-bbarje karə jinga piti laa ddəm n-dda nɛ̂n-ddaje laa kə̂ maji ddəm.

2 Piyɛr 1:8

Mba bbo nɛ̂njeenn toje məse tə̂ ngaâ nɛ̂nje le ujuje nya nya a, a dda karə ə-ddaje kula bbo karə isije baa ang ngaâ â gərəje Əbbəjeje Jeju-Kristə kə kete kete.

2 Piyɛr 3:18

A maji karə ə-sangəje kə kete kete ddəw mə-maji tə̂ lə Əbbəjeje kə̂ Nje-kajije Jeju-Kristə ddəm ddəw gərə tə̂ kə̂ ə-gəreje ddəm. Maji karə piti to laa, bbasinɛn nəənn nyɔm kə ləw. Amɛnn!

1 Jan 1:3

Nɛ̂n kə̂ joo kə kəmje ddəm kə mbije ddəm le, jaw pa jarəse tɔ, karə sese kara ə-ddaje mə-kâra kə je. Mə-kâra ləje to mə-kâra kə̂ to horoje tə̂ kə Bɔ ddəm to horoje tə̂ kə Ngonnɛ̂ Jeju-Kristə ddəm.

1 Jan 2:19

Dinje horoje tə̂ bba n̂-teeje, a n̂-toje to dəwje ləje ang. Bbo n̂-toje to dəwje ləje a, dâ naynje kə je. N̂-teeje horoje tə̂ kə̂ ddang karə tɔju kə ddaka to dede tɔyn n̂-toje to dəwje ləje ang.

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.