Pilipinyɛje 3:3 - Dɔnɔn kə̂ Siki: Tar kə̂ aw arə təbbə

³ Jeje â juja ganja kə̂ tɔkɔrɔ, mba jaw poloje Lubba ddəw Ndil tə̂ laa, jaw junda guje ddəw tə̂ lə Jeju-Kristə ngaâ junda məje kə dɔ rɔje tə̂ njaa ang.

Pilipinyɛje 3:3 Iomraidhean Croise

Rɔmɛnje 1:9

Lubba gərə to tar kə̂ tɔkɔrɔ njaa maw pa nəənn. Ne Lubba kə̂ maw pole kə kəjə ləm tɔyn ddəw mbər Tar tə̂ kə̂ Maji kə̂ dɔ Ngonnɛ̂ tə̂ kə̂ maw mila. N̂-gərə to kar tɔyn kə̂ maw duje, maw mila rise məɛ tə̂.

Rɔmɛnje 15:17

Mba yeenn bba, masə ta kunda gum kə kula kə̂ m-dda mba Lubba, ddəw mə-kâra tə̂ kə̂ m-dda kə Jeju-Kristə.

Rɔmɛnje 7:6

A bbasinɛn, n-teeje kɔ Ndu tə̂ kə ddang mban, mba n-toje tokə lə dəwje kə̂ oyje mban arə Ndu kə̂ uwaje bbərə tə̂ le ee kə singa dɔje tə̂ ang ngaa. Yeenn a, ja kasəje ta dda kə Lubba kə ddəw kə̂ siki kə̂ Ndil aw tɔjuje, bbo ta dda kə ddəw kə̂ ləw ang ngaa. Ddəw kə̂ ləw le to dda nɛ̂n kə turu Ndu kə̂ n̂-dda makəturu tə̂.

Rɔmɛnje 8:15

Mba Ndil kə̂ Lubba arəse le to Ndil kə̂ aw ddase bbərə tə̂ ang ddəm aw ula bbəəl məse tə̂ ang ddəm. To Ndil-mə-nda kə̂ ddase to ngannje lə Lubba ngaâ arəje ddəw karə juru əkii kə rɔ Lubba tə̂ nan: «Aba! Bɔy!»

Rɔmɛnje 8:39

singa-mɔnguje kə̂ darâ ang ddəm singa-mɔnguje kə̂ nangə̂ ang ddəm marə nɛ̂n kə̂ Lubba dda to dda ang ddəm. Marə nɛ̂n kâra kə̂ a tinje kə ndiki lə Lubba goto. N̂-tɔjuje ndiki laa le ddəw tə̂ lə Əbbəjeje Jeju-Kristə.

Rɔmɛnje 9:6

Yeenn tɔju to tar kə̂ Lubba pa le ture a to baa njaa be ang. Mba dəwje tɔyn kə̂ gəl Ijarayɛl tə̂ toje to ngann Ijarayɛlje kə̂ tɔkɔrɔ tɔyn ang.

2 Kɔrɛntinyɛje 11:18

Dəwje nya aw undaje gude ddəw nɛ̂n tə̂ kə̂ da-rɔ tə̂. Mba yeenn bba, əman kara mâ kunda gum tɔ.

Galatəje 5:25

Ndil-mə-nda dda arə jisije kəm baa. Yeenn a, maji karə jinya jarə Ndil-mə-nda le tɔjuje ddəw.

Galatəje 6:16

Dəwje tɔyn kə̂ a ddaje nɛ̂nje kə ddəw kə̂ m-tɔju nəənn kə dəwje lə Lubba tɔyn, maji karə Lubba dda arə məde wul lɔm ngaâ oo kəm-to-ndoo ləde tokə dəwje laa Ijarayɛlje.

Epɛjinyɛje 6:18

Mə karje tə̂ tɔyn arəje Ndil tɔjuse ddəw kə̂ â dujuje nɛ̂n Lubba. Maji karə ə-tibbije ang ngaâ ə-dujuje Lubba nya mba njê-mə-kunnje.

Pilipinyɛje 1:1

Əman Pɔl kə Timɔte kə̂ n-to bbərə-kulaje lə Jeju-Kristə n-dda makəturu nəənn jula nɛ̂n jarə dəwje tɔyn kə̂ isije Pilipi kə̂ toje to njê-mə-ndaje ddəw tə̂ lə Jeju-Kristə. Jula nɛ̂n jarə njê-kɔnje dɔ Egilisi kə diyakərəje tɔ.

Pilipinyɛje 3:12

Məjə to minga nɛ̂n kə̂ m-ndiki le mban ang wase məjə to m-ddee maji tɔyn mban ang. A maw mayn ngɔru bbay, maw nar rɔm ta kuwa nɛ̂n le kə jim, mba əman njaa kara Jeju-Kristə uwam mban.

Pilipinyɛje 3:14

Yeenn bba, maw mayn ngɔru ta tee kɔnyɛ̂ tə̂, mba kinga kuka kə̂ Lubba bbarje karə jinga darâ ddəw tə̂ lə Jeju-Kristə.

Kolosinyɛje 2:11

Ddəw tə̂ laa, ujaje ganja kə̂ dəw â aw uja ang. To ganja lə Kristə â ujaje. Ganja lə Kristə le ɔru bbo nɛ̂n-dda kə̂ maji ang kə̂ to da-rɔje tə̂ kə ddang.

Judə 1:20

A see ngakɔnʼmje kə̂ m-ndikise nya, maji karə arje dɔ tar mə-kunn tə̂ ləse kə̂ maji tɔyn le kə majɛ̂. Ə-dujuje Lubba ddəw Ndil-mə-nda tə̂.