Pilipinyɛje 3:11 - Dɔnɔn kə̂ Siki: Tar kə̂ aw arə təbbə

¹¹ Yeenn bba munda məm to əman njaa kara moy a, mâ ndol tɔ.

Pilipinyɛje 3:11 Iomraidhean Croise

Luku 14:14

Yeenn bba a kisi kə rɔ-nəəl, mba dingaje nɛ̂n ta kari ture tə̂ ang. A Lubba a təl nɛ̂n kari ndɔ tə̂ kə̂ dəwje kə̂ gatə gatə kə̂ oyje a ndolje.»

Tar kə̂ Maji kə̂ Jan dda makəturu tə̂ 11:24

Martə ilɛ̂ tə̂ nan: «M-gərə to ddutu ndɔ a, nâ ndol ndɔ kin tə̂ lə dəwje kə̂ oyje.»

Kulaje 23:6

Pɔl gərə to dəwje kə̂ aw uwaje dɔ naan mba gangə sariya le marɛ̂je toje to Sadusinyɛje, a marɛ̂ toje to Parijinyɛje. Yeenn bba n̂-pa tar kə taar horo njê-gangəje sariya tə̂ le nan: «Ngakɔnʼmje, m-to Parijinyɛ, m-to ngonn lə marə Parijinyɛ. Gəl nɛ̂n kə̂ daw ta gangə nɛ̂n sariya dɔm tə̂ nəənn, to məm kə̂ munda to dəwje kə̂ oyje a ndolje.»

Kulaje 26:7

Gəl-dəwje ləje kə̂ dɔku gire joo undaje məde to nɛ̂n kə̂ Lubba unn ndue ta dda a ddee to nɛ̂n kə̂ tɔkɔrɔ. Yeenn bba daw poloje Lubba til kə kar, a singade ɔru ang. Tɔkə mbay, əman kara munda məm dɔ nɛ̂n tə̂ənn le tɔ. Mba yeenn bba Jiipije undaje nɛ̂n tar dɔm tə̂.

Kulaje 27:12

Tɔ bbay, lo-kar lə tɔkə tojeenn le to lo kə̂ maji karə dəw isi tə̂ nɛyn-kul tə̂ ang. Mba yeenn bba, nya lə dəwje kə̂ mə tɔkə to tə̂ le ndikije ta kɔtu lo tə̂ənn le. N̂-ndikije karə ddəw to a, n̂-tee Penikisi, kə̂ to lo-kar lə tɔkə toje kə̂ Krɛtə. Lo le aa lo kə dagoo ddəm bəər ddəm ər kə lo kandə tə̂ lə kar. N̂-ndikije ta kisi tə̂ənn karə nɛyn-kul nday dɔde tə̂.

Rɔmɛnje 11:14

karə bbo ddəw to a, mə dda ngakɔnʼmje Jiipije bba karə marɛ̂je turuje məde arə Lubba ajide.

1 Kɔrɛntinyɛje 15:23

A dəwje kâra kâra tɔyn a ndolje kə goe goe. Kristə to dɔngɔr dəw kə̂ ndol. Goe tə̂ a, dəwje kə̂ toje to dəwje laa a ndolje ndɔ tə̂ kə̂ nâ ddee.

1 Kɔrɛntinyɛje 9:22

Bbo misi kə dəwje kə̂ mə-kunn ləde sangə ang a, m-dda tokə dəw kə̂ mə-kunn laa sangə ang, mba kinga nɛ̂n de. M-dda rɔm tokə lə dəwje tɔyn marə dəwje tɔyn karə bbo ddəw to a, marɛ̂je kâra kâra ingaje kaji.

1 Kɔrɛntinyɛje 9:27

M-dda singa nya kə rɔm njaa, mba kɔn dɔ rɔm le. Baann ang a, əman nje-kila mbər tar karə kəsə dəwje le njaa dâ kɔrum kə guku.

2 Kɔrɛntinyɛje 11:3

A tokə li ərə Ɛbə le, m-bbəəl mba karə kəjə ləse təl turu ngaâ karə awje ddəw əw kə Kristə kə̂ unnje rɔse tɔyn arɛ̂je kə mə-kâra le.

1 Tesalonisinyɛje 3:5

Mba yeenn bba, m-tɔ wurum pin le ngaâ, mula Timɔte karə aw oo tar dɔ mə-kunn tə̂ ləse. M-bbəəl mba karə Əsu in nanse arə kulaje ləje ddee to nɛ̂n kə̂ baa.

2 Tesalonisinyɛje 2:3

Dang bba arəje marə dəw ərəse kə marə gusu ang. Dɔngɔrɛ̂, dəwje a kunnje kutu dda dɔ-kətərə kə Lubba bba. Ngaâ dəw kə̂ mbətə ta dda nɛ̂n kə turu ndu Lubba a tɔju rɔɛ̂ kə ddaka. Ne le Lubba undɛ̂ karə n̂-nayn kə kɔrɔ̂ nyɔm.

2 Timɔte 4:8

Bbasinɛn, Lubba ngəm nɛ̂n kə̂ maji mbam to kuka ləm, nɛ̂n kə̂ maji kə̂ to mba dəwje kə̂ gatə gatə. Əbbə-dəwje kə̂ to nje-gangə sariya kə̂ gatə gatə a karəm nɛ̂n kə̂ maji le ndɔ gangə sariya tə̂. Nâ karəm kə karəm baa ang, nâ karə dəwje tɔyn kə̂ aw ndikije tar ddee laa le tɔ.

Ebərəje 11:35

Ddəw mə-kunn tə̂ â marə dɛnɛ̂nje təl ingaje dəwje ləde kə̂ oyje, mba dəwje ləde le ndolje. A marə dəwje, dula kəmde ndoo tə̂ ndərəng ngɔsi kə yo, a n̂-ndikije karə dəwje le inyajede ang, bba karə ndɔ kə̂ doyje ngaâ n̂-ndolje a, disije maji uta ye kə̂ kete.

Apokalisi 20:5

Kəsə dəwje kə̂ oyje ndolje ang ndərəng bbal doro kâra le asə. Yeenn to dɔngɔr ndol lə dəwje kə̂ oyje.