Pilipinyɛje 3:10 - Dɔnɔn kə̂ Siki: Tar kə̂ aw arə təbbə

¹⁰ Nɛ̂n kə̂ m-ndiki kâra baa njaa to gərə Kristə kə gərə singa-mɔngu kə̂ noy, a ndole, ta koo ndoo saa ngaâ ta ddee tokə laa ddəw yo tə̂ kə̂ noy.

Pilipinyɛje 3:10 Iomraidhean Croise

Matiye 20:23

Jeju pa arəde nan: «Tɔkɔrɔ, a kasəje ta kay əngo kəm-to-ndoo ləm le njaa. A tar kisi dɔ ji-kɔləm tə̂ wase dɔ ji-gələm tə̂, to tar ləm ang. Lo le to mba njê kə̂ Bɔmje gɔl mbade.»

Tar kə̂ Maji kə̂ Jan dda makəturu tə̂ 10:18

Dəw kâra ɔru təbbə ləm jim tə̂ kə singa ang, əman njaa marə kə̂ mə-ndiki ləm. Masə ta karə təbbə ləm ngaâ masə ta təl kinga. Yeenn to ndu kə̂ Bɔ unn arəm.»

Tar kə̂ Maji kə̂ Jan dda makəturu tə̂ 17:3

Təbbə kə̂ to kə ndɔ kə ndɔ le, to karə n̂-gərije, əi kâra baa kə̂ ə-to Lubba kə̂ tɔkɔrɔ ddəm Jeju-Kristə kə̂ ulɛ̂ ddəm.

Rɔmɛnje 8:17

Yeenn a, bbo n-toje to ngannɛ̂ a, ja kingaje nɛ̂nje kə̂ maji kə̂ Lubba unn ndue ta karə dəwje laa. Ja kingaje nɛ̂nje le naan tə̂ kâra baa kə Kristə. Mba bbo jaw jooje ndoo saa a, ja kingaje piti saa tɔ.

Rɔmɛnje 8:29

Mba Lubba gərəde ngaâ undade dang tokə kete karə n̂-ddeeje tokə lə Ngonnɛ̂, mba karə Ngonnɛ̂ le təl to Ngonn-dərə horo njê-mə-kunnje tə̂ kə̂ banya.

Rɔmɛnje 8:36

Ddəw kâra baa tokə n̂-dda tarɛ̂ Makəturu tə̂ lə Lubba nan: «Kar tɔyn njaa jaw jaw ngɔsi kə yo mbai, dəwje aw oojeje tokə lə batəje kə̂ daw duja gɔsude.»

2 Kɔrɛntinyɛje 1:10

Ne â n̂-tee kə je ta yo tə̂ arə nâ təl tee kə je ta yo tə̂ kə̂ baann bbay. Baann njaa, junda məje dɔɛ̂ tə̂ to nâ tee kə je tɛɛ tə̂ bbay.

2 Kɔrɛntinyɛje 1:5

Ddəw kâra baa tokə jaw joo ndoo nya kə Kristə le, Kristə kara aw dda arə məje aw wul nya tɔ.

2 Kɔrɛntinyɛje 13:4

Tɔkɔrɔ njaa, n̂-tɔlɛ̂ kakə-dəsə tə̂ mba singɛ̂ kə̂ goto. A bbasinɛn, nisi kəm baa ddəw singa-mɔngu tə̂ lə Lubba. Jeje kara, singaje goto ddəw tə̂ laa tɔ. A ja kisi kəm baa saa ddəw singa-mɔngu tə̂ lə Lubba mbase.

Galatəje 2:20

To əman â misi kəm baa ang ngaa, to Kristə â isi kəm baa mə da-rɔm tə̂. Mba, kisi ləm kəm baa mə da-rɔ tə̂ bbokənɛn nəənn, misi kəm baa mba məm kə̂ munn marə Ngonn lə Lubba kə̂ ndikim ngaâ unn rɔɛ̂ arə yo mbam.

Galatəje 6:17

Bbasinɛn nəənn, m-ndiki karə dəw dda arə məje tar ang ngaa. Mba koro-doje kə̂ rɔm tə̂ tɔju to m-to dəw lə Jeju.

Epɛjinyɛje 4:13

N̂-dda baann ndərəng karə jeje tɔyn mə-kunn ləje to kâra baa ngaâ karə n-gərəje Ngonn lə Lubba. Ngaâ karə n-ddeeje to dəwje kə̂ sangəje kə majɛ̂ asə naan kə Kristə.

Pilipinyɛje 3:8

Tɔkɔrɔ, moo nɛ̂njeenn le tɔyn to nɛ̂n kə̂ baa. Tɔkə nɛ̂n-kinga â to ta gərə Əbbəmje Jeju-Kristə. Minya nɛ̂nje tɔyn ɔju dɔ Kristə ngaâ moo nɛ̂n tɔyn tokə lə yərəw mba kinga Kristə le

Kolosinyɛje 1:24

Bbasinɛn maw dda rɔ-nəəl mba ndoo kə̂ maw moo mba tar ləse. Ngaâ, maw moo kəsə ndoo lə Kristə mba Egilisi kə̂ to da-rɔɛ̂.

Kolosinyɛje 2:13

Yeenn a, sese kə̂ ləw, nayn to oyje mba majang ləse ddəm mba ganja kə̂ da-rɔ tə̂ kə̂ ujaje ang le ddəm, Lubba dda arə ə-təlje isije kəm baa kə Kristə. Nɔru tar majangje ləje tɔyn dɔje tə̂.

Kolosinyɛje 3:1

Ə-ndolje kâra baa kə Kristə kə̂ oy ngaâ ndol le mban. Yeenn a, maji karə kəmse to kə dɔ nɛ̂n tə̂ kə̂ darâ, lo tə̂ kə̂ Kristə isi tə̂, dɔ ji-kɔl Lubba tə̂.

1 Piyɛr 1:3

Maji karə jɔsuje gaji Lubba kə̂ to Bɔ Əbbəjeje Jeju-Kristə, mba maji kə̂ n̂-dda kə je bo nya ngaâ n̂-dda narə dujuje tokə siki, ddəw ndol tə̂ kə̂ n̂-ndol Jeju-Kristə kə̂ oy le. Baann bba karə jundaje məje kə dɔ nɛ̂n tə̂ dəw a kisi nɛ̂n kə təbbə

2 Piyɛr 1:13

Moo a, to kə dɔgɔlɛ̂ njaa karə bbo m-nayn kəm baa bbay a, mole məse mba ndol nɛ̂n dɔse.

1 Jan 2:3

Bbo n-ngəmje ndu lə Lubba a, yeenn tɔju to n-gərəje Lubba.

1 Jan 2:5

Dəw kə̂ ngəm tar lə Lubba məɛ̂ tə̂, ndiki lə Lubba to məɛ̂ tə̂ tɔkɔrɔ. Yeenn tɔju to n-ddaje saa mə-kâra.

Apokalisi 1:18

M-to nje-kisi kəm baa. Ləw moy, a bbasinɛn misi kəm baa kə ndɔ kə ndɔ. Mee kə singa dɔ yo tə̂ ddəm dɔ lo tə̂ lə dəwje kə̂ oyje ddəm.