Pilipinyɛje 2:7 - Dɔnɔn kə̂ Siki: Tar kə̂ aw arə təbbə

⁷ Ninya nɛ̂nje tɔyn ər kâra tə̂ kə mə-ndiki laa njaa, n̂-dda rɔɛ̂ to nje-kula, n̂-ddee to dəw horo dəwje tə̂, ngaâ dəwje ooeje a, n̂-to tokə lə dəw.

Pilipinyɛje 2:7 Iomraidhean Croise

Matiye 12:18

«Lubba pa nan: Ne nəənn â n̂-to Nje-kula ləm kə̂ m-mbəre. Ne kə̂ m-ndike nya ngaâ minga rɔ-nəəl mbɛɛ̂. Mâ karə Ndil ləm isi dɔɛ̂ tə̂, karə nila mbər nɛ̂n-dda kə̂ gatə gatə narə dəwje kə̂ toje to Jiipije ang.

Matiye 20:28

Ddəw kâra baa, Ngonn lə dəw ddee karə dəwje ddaje kula arɛ̂ ang. N̂-ddee ta dda kula karə dəwje, ta kunn rɔɛ̂ to nɛ̂n-kuka dɔ dəwje tokə banya.»

Marke 9:12

Jeju ilade tə̂ nan: «Tɔkɔrɔ, Eli a ddee dɔngɔr bba njaa, mba mɔsɛ nɛ̂nje tɔyn ture tə̂. A mba ddi bba Makəturu lə Lubba pa nan: ‹Ngonn lə dəw a koo ndoo nya ngaâ dəwje a mbəteje› wa?

Luku 22:27

Nân â to dəw kə̂ bo wa? Dəw kə̂ isi ta nɛ̂n-kusa tə̂ wase dəw kə̂ aw unda nɛ̂n-kusa nɔn nje-marɛ̂ tə̂ le wa? Dəw kə̂ isi ta nɛ̂n-kusa tə̂ le â to dəw kə̂ bo ang wa? A əman, mee horose tə̂ tokə lə nje-kula lə dəwje.

Tar kə̂ Maji kə̂ Jan dda makəturu tə̂ 1:14

Tar le təl to dəw ngaâ dda bbe horoje tə̂. Mə-maji laa kə tar kə̂ tɔkɔrɔ laa uta dɔɛ̂. Joo piti laa kə̂ in rɔ Lubba tə̂.

Rɔmɛnje 1:3

Tar kə̂ Maji le to tar lə Ngonnɛ̂. Ddəw kuju tə̂, n̂-to ngonn-ka tɔkə mbay Dabbiti.

Rɔmɛnje 15:3

Mba Kristə le, nɛ̂n kə̂ nəəle â sangə ang. A Makəturu lə Lubba pa nan: «Nɛ̂n-tajije kə̂ dəwje aw tajije oso dɔm tə̂.»

Rɔmɛnje 15:8

M-pa marəse, Lubba aw dda nɛ̂n kə turu ndue. Mba yeenn bba Kristə ddee nɛ̂n to nje-kula lə Jiipije bba karə ndu Lubba kə̂ unn arə kajejedede ddee nɛ̂n to nɛ̂n kə̂ tɔkɔrɔ.

Rɔmɛnje 8:3

Lubba dda nɛ̂n kə̂ ndu lə Mɔyijə asə ta dda ang, mba da-rɔ dəw kə̂ ubba singa ang dda arə Ndu le dda kula ang. Nɛ̂n kə̂ Lubba dda le to Ngonnɛ̂ njaa kə̂ nulɛ̂ narə unn da-rɔ kə̂ to tokə da-rɔ dəw kə̂ to nje-nɛ̂n-dda kə̂ maji ang, mba kɔru nɛ̂n dəwje mə majang tə̂. Ddəw tə̂ənn le. Lubba gangə sariya dɔ majang tə̂ kə̂ to mə da-rɔ dəwje tə̂.

2 Kɔrɛntinyɛje 13:4

Tɔkɔrɔ njaa, n̂-tɔlɛ̂ kakə-dəsə tə̂ mba singɛ̂ kə̂ goto. A bbasinɛn, nisi kəm baa ddəw singa-mɔngu tə̂ lə Lubba. Jeje kara, singaje goto ddəw tə̂ laa tɔ. A ja kisi kəm baa saa ddəw singa-mɔngu tə̂ lə Lubba mbase.

2 Kɔrɛntinyɛje 8:9

Mba ə-gərəje mə-maji lə Əbbəjeje Jeju-Kristə kə̂ to nje-nɛ̂n-kinga, bba təl dda rɔɛ̂ to nje-ndoo mba tar ləse, bba karə ndoo laa dda arə ə-ddeeje to njê-nɛ̂n-kingaje.

Galatəje 4:4

A tokə karɛ̂ asə a, Lubba ula Ngonnɛ̂, dɛnɛ̂n uje, n̂-ngəmɛ̂ kɔ Ndu tə̂ lə Mɔyijə,

Pilipinyɛje 2:6

N̂-to to Lubba njaa, a n̂-nar ddəw ta nayn kisi to Lubba le dɔrɔ ang.

Ebərəje 12:2

Jarəje kəmje to kə dɔ Jeju tə̂ kə̂ ɔru ta-ddəw mə-kunn arəje ngaâ aw dda arə mə-kunn ləje le aw sangə kə majɛ̂ le. N̂-ndiki tə̂ ta koy dɔ kakə-dəsə tə̂ bbo n̂-dda rɔ-kule ang. N̂-ndiki tə̂ mba noo rɔ-nəəl kə̂ nâ kinga goe tə̂ tokə kete ngaâ bbasinɛn, nisi dɔ ji-kɔl Lubba tə̂.

Ebərəje 13:3

Maji karə əjəje dɔ dəwje tə̂ kə̂ toje kəy-kula tə̂ tokə nɛ̂n kə̂ sese njaa â ə-toje kəy-kula tə̂ le kə de tɔ. Maji karə əjəje dɔ dəwje tə̂ kə̂ daw ddade maji ang tokə nɛ̂n kə̂ sese njaa â daw ddase maji ang tɔ.

Ebərəje 4:15

Tɔkə nje-polo Lubba ləje le, nɛ̂nje kə̂ jubbaje singa tə̂ ang a, nasə ta koo ndoo kə je ddəwe tə̂. Mba n̂-nɛɛ̂n mə nɛ̂nje tə̂ tɔyn tokə jeje njaa tɔ, a ne n̂-dda majang kâra ang.