Pilipinyɛje 2:6 - Dɔnɔn kə̂ Siki: Tar kə̂ aw arə təbbə

⁶ N̂-to to Lubba njaa, a n̂-nar ddəw ta nayn kisi to Lubba le dɔrɔ ang.

Pilipinyɛje 2:6 Iomraidhean Croise

Matiye 1:23

«Ngonn mandə kə̂ gərə ngaw ang a kuwa səm, nâ kuju ngonn kə̂ dingaw, ngaâ dâ kunda ria nan Emanuwɛl.» Gəl ri le nan: Lubba isi kə je.

Tar kə̂ Maji kə̂ Jan dda makəturu tə̂ 1:18

Dəw kâra oo Lubba ang. A Ngonn-kâra kə̂ to Lubba kə̂ isi mbɔr Bɔɛ̂je tə̂ le dda arə dəwje gəreje.

Tar kə̂ Maji kə̂ Jan dda makəturu tə̂ 10:30

Əman kə Bɔmje, n-to dəwje kə̂ kâra baa.»

Tar kə̂ Maji kə̂ Jan dda makəturu tə̂ 10:33

Jiipije le ilɛ̂je tə̂ nan: «Nɛ̂n kə̂ maji â n-ndiki ta tilai kə ər tɔli mbɛɛ̂ ang. Taji kə̂ ə-taji Lubba â n-ndiki ta tilai mbɛɛ̂. Ə-to dəw, a ə-dda rɔi to Lubba.»

Tar kə̂ Maji kə̂ Jan dda makəturu tə̂ 10:38

A bbo maw dda kulaje le, a bbo ə-ndikije tə̂ kə tar ləm ang kara, maji karə kulaje le ə-ndikije tə̂. Yeenn bba a gərəje kə majɛ̂ to, əman kə Bɔ, n-to dəwje kə̂ kâra baa.»

Tar kə̂ Maji kə̂ Jan dda makəturu tə̂ 14:28

M-pa marəse kete m-pa nan: Maw maw, a mâ təl ddee rɔse tə̂. Bbo ə-ndikimje a, â ddaje rɔ-nəəl mba maw maw kə rɔ Bɔ tə̂, mba Bɔ utam.

Tar kə̂ Maji kə̂ Jan dda makəturu tə̂ 14:9

Jeju ilɛ̂ tə̂ nan: «Pilipi, ləw baa kə̂ mee kə se nəənn njaa, ə-nayn ə-gərəm ang bbay wa? Dəw kə̂ oom a, oo Bɔ. A ə-pa nan m-tɔjuse Bɔ tokə baânn wa?

Tar kə̂ Maji kə̂ Jan dda makəturu tə̂ 17:5

Bbasinɛn nəənn, Bɔy, ə-pitim lo tə̂ kə̂ ee tə̂ kə piti kə̂ aw pitim nɛ̂n mbɔri tə̂ kete bba duninya to le.

Tar kə̂ Maji kə̂ Jan dda makəturu tə̂ 20:28

Toma le ilɛ̂ tə̂ nan: «Əbbəmje, Lubba ləm!»

Tar kə̂ Maji kə̂ Jan dda makəturu tə̂ 5:18

Mba tar nəənn le, njê-kɔnje dɔ Jiipije aw sangəje ddəw kə kete kete ta tɔl Jeju. Mba n̂-bbəəl ndɔ-kuwa-rɔ lə Jiipije ang ngaâ dɔɛ tə̂ bbay, n̂-pa nan Lubba to Bɔɛ̂je njaa. Yeenn tɔju to n̂-dda rɔɛ̂ to dəw kə̂ asə naan kə Lubba.

Tar kə̂ Maji kə̂ Jan dda makəturu tə̂ 5:23

Yeenn bba karə dəwje tɔyn walje Ngonn le, ddəw kâra baa tokə dəwje tɔyn walje Bɔ. Dəw kə̂ wal Ngonn ang, wal Bɔ kə̂ ulɛ̂ le ang tɔ.

Rɔmɛnje 9:5

Lubba dda arə ddəw kuju tə̂, Mesi kə̂ to Lubba kə̂ ee dɔ nɛ̂nje tə̂ tɔyn, in gəl kadedeje tə̂ kə̂ to Abaraham, Ijakə kə Jakobbo. Maji karə dəwje ɔsuje gajɛ̂ kə ndɔ kə ndɔ! Amɛnn!

2 Kɔrɛntinyɛje 4:4

Dooje məde tə̂ ang, mba Satan kə̂ to lubba kə̂ nangə̂ nəənn ɔku ddəw nɛ̂n-gərə ləde karə dooje ndoko lə Tar kə̂ Maji kə̂ aw tɔju piti lə Kristə. Kristə kə̂ to tokə Lubba le.

2 Kɔrɛntinyɛje 8:9

Mba ə-gərəje mə-maji lə Əbbəjeje Jeju-Kristə kə̂ to nje-nɛ̂n-kinga, bba təl dda rɔɛ̂ to nje-ndoo mba tar ləse, bba karə ndoo laa dda arə ə-ddeeje to njê-nɛ̂n-kingaje.

1 Timɔte 1:17

Asə karə dəwje tɔyn ndɔyje ri tɔkə mbay kə̂ nje-kisi kə ndɔ kə ndɔ ngaâ piteje, ne kə̂ noy ang, ne kə̂ kəm dəw ooe ang, Lubba kə̂ kâra baa, Amɛnn.

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

Titə 2:13

N-ddaje tokə baann n-nginanje nɛ̂n ndɔ kisi kə rɔ-nəəl ləje kə̂ jundaje məje dɔɛ̂ tə̂ le. To ndɔ kə̂ tɔkə Lubba ləje kə̂ to Nje-kajije Jeju-Kristə a ddee kə piti laa.

Ebərəje 1:3

Ddəw tə̂ lə Ngonn le â dəwje ooje piti lə Lubba kə̂ aw ndoko ngaâ n̂-to tokə Lubba njaa. Tar laa kə̂ ee kə singa nya aw dda arə nɛ̂nje tɔyn naynje kə lo-tode. N̂-toko majang lə dəwje ngaâ goe tə̂ a, naw nisi darâ dɔ ji-kɔl Lubba tə̂ kə̂ to nje-singa-mɔngu.

Ebərəje 1:6

A kar tə̂ kə̂ Lubba aw ula ngonn-dəre dɔ nangə tə̂ le, n̂-pa nan: «Maji karə anjəje lə Lubba tɔyn poleje.»

Ebərəje 1:8

A n̂-pa narə Ngonnɛ̂ nan: «Ə-to Lubba, kɔn-mbay ləi a to kə ndɔ kə ndɔ. Ngaâ, kɔn-mbay ləi to kɔn-mbay kə̂ gatə gatə.

Ebərəje 13:8

Jeju-Kristə nayn kə lo-to laa njaa takənɛn, bbokənɛn kə ndɔ kə ndɔ.

Apokalisi 21:6

Ngaâ n̂-pa narəm nan: «Bbayɛ̂ ngaa! M-to Alpa kə Omega, m-to kunn-kutu nɛ̂n ddəm dɔbɔyn nɛ̂n ddəm. Dəw kə̂ kunda ɔɛ̂n a, əman, mâ karɛ̂ maann kə̂ aw arə təbbə nay baa. To maann kə̂ aw in mə nangə tə̂ aw tee.