Pilipinyɛje 2:29 - Dɔnɔn kə̂ Siki: Tar kə̂ aw arə təbbə

²⁹ Maji karə ə-tɛɛ̂je kə rɔse tə̂ kə rɔ-nəəl ddəw mə-kâra tə̂ kə n-dda kə Əbbə-dəwje. Maji karə ə-walje dəwje kə̂ toje tokə laa nəənn,

Pilipinyɛje 2:29 Iomraidhean Croise

1 Timɔte 5:17

Asə karə dəwje kə̂ dɔ Egilisi tə̂ kə̂ aw tɔjuje ddəw kə̂ maji dəwje ingaje kuka kə̂ bo. Uta tɔyn, dede kə̂ kula pa tar lə Lubba kə kula nɛ̂n-tɔju ɔɔyde nya.

1 Tesalonisinyɛje 5:12

Ngakɔnje, n-dujuse bbay karə ə-bbəəlje dəwje kə̂ aw ddaje kula horose tə̂, dede kə̂ Əbbə-dəwje undade karə n̂-tɔjuse ddəw, karə n̂-ndəjəse le.

1 Kɔrɛntinyɛje 16:18

N̂-ddaje darə wurum ddəm wurse ddəm oso nangə̂. Maji karə ə-gərəje go kula kə̂ maji kə̂ dəwje kə̂ baann aw ddaje.

Rɔmɛnje 16:2

Ə-tɛɛ̂je kə rɔse tə̂ kə ri Əbbə-dəwje tokə njê-mə-kunnje aw ddaje le. Nɛ̂n tɔyn kə̂ n̂-dujuse karə umɛ̂nje tə̂ a, umɛ̂nje tə̂. Mba numan dəwje nya ddəm əman njaa kara numanʼm ddəm.

2 Kɔrɛntinyɛje 10:18

Dəw kə̂ maji kəm Əbbə-dəwje tə̂, to dəw kə̂ ne njaa naw pa tar kə̂ maji maji dɔ rɔɛ̂ tə̂ ang. Dəw kə̂ Əbbə-dəwje njaa pa tar dɔɛ̂ tə̂ maji bba.

1 Kɔrɛntinyɛje 16:10

Bbo Timɔte ddee a, ə-ddaje arə nisi horose tə̂ kə bbəəl ang. Mba naw dda kula lə Əbbə-dəwje tokə ləm tɔ.

3 Jan 1:10

Yeenn a, ndɔ kə̂ m-tee horose tə̂ a, mâ kole məse dɔ kula-ddɛɛ̂ tə̂, mba Diyoterepə le tuju rije. Dɔɛ̂ tə̂ bbay, n̂-təl n̂-mbətə ta kuwa ngakɔnjeje kə̂ mə Kristə tə̂ kə rɔɛ̂ tə̂. Nɔku ddəw dəwje kə̂ ndiki ta kuwade kə rɔde tə̂ ddəm n̂-tubbade lo mbɔn-naan tə̂ ddəm.

Ebərəje 13:17

Maji karə ooje ta dəwje kə̂ aw tɔjuse ddəw ngaâ ə-bbəəljede. Mba daw dundaje kəmde dɔse tə̂. Ngaâ a to tar ləde ta pa go nɛ̂n tɔyn dɔse tə̂ nɔn Lubba tə̂. Maji karə ə-ddaje arə n̂-ddaje kula ləde kə rɔ-nəəl bbo kə kəm-rɔ ang, mba a kumanse kâra ang.

Kolosinyɛje 4:10

Aristarkə kə̂ to nje-kəy-kula marəm kə Markə kə̂ to ngonn-nann Barnabas n̂-ddajese lapiya. Ingaje ndu ɔju dɔ Markə le mban. Yeenn bba bbo n̂-tee horose tə̂ a, ə-tɛɛ̂je kə rɔse tə̂ kə majɛ̂.

2 Kɔrɛntinyɛje 7:2

Maji karə unnje məse arəjeje. Jeje, n-dda dəw maji ang kâra ang, n-tuju dəw kâra ang, jərə dəw kâra jusɛ̂ ddəw gusu tə̂ ang.

Rɔmɛnje 10:15

Bbo dula dəw karə ila mbər tar laa ang a, dəw le a pa tar laa tokə baânn wa? Ddəw kâra baa tokə Makəturu lə Lubba pa tɔ nan: To nɛ̂n kə̂ kura nya ta koo dəwje kə̂ ddeeje kə Tar kə̂ Maji.

Kulaje 28:10

Njê-bbeje le waljeje nya ngaâ kar tə̂ kə̂ ja ta kunn tɔkə to a, darəjeje nɛ̂nje kə̂ a kumanje ddəw-boô.

Kulaje 8:8

Rɔ dəwje kə̂ mə bbe tə̂ənn le nəəlde nya.

Kulaje 2:46

Dooje ta naan ngaâ kə ndɔ kâra kâra tɔyn daw dawje kəy-polo Lubba tə̂ naan tə̂. Daw dusaje nɛ̂n mə kəy tə̂ lə naan. Daw dusaje nɛ̂n ləde kə rɔ-nəəl kə mə ngonn-kasə.

Tar kə̂ Maji kə̂ Jan dda makəturu tə̂ 13:20

Tɔkɔrɔ m-pa marəse: Dəw kə̂ taa dəw kə̂ mulɛ̂ kə rɔɛ̂ tə̂, nayn to əman njaa n̂-taam kə rɔɛ̂ tə̂ənn. Ngaâ, dəw kə̂ taam kə rɔɛ̂ tə̂ to dəw kə̂ taa dəw kə̂ ulam kə rɔɛ̂ tə̂ tɔ.»

Luku 9:5

Bbe kə̂ ə-teeje tə̂, â bbo dəwje taase kə kə̂y ang ngaâ â ta kɔtuje kə kete a, ə-tundaje bum nangə kə̂ gɔlse tə̂ ɔruje nɛ̂n naji ləse ta tɔju to n̂-ddaje majang.»

Pilipinyɛje 2:28

Yeenn a, mulɛ̂ kə ngɔru marəse karə ta ooeje a, isije kə rɔ-nəəl ngaâ karə əman kara wurum oso nangə̂ bbəəl.