Pilipinyɛje 2:2 - Dɔnɔn kə̂ Siki: Tar kə̂ aw arə təbbə

² Yeenn a, maji karə ə-ddaje arə minga rɔ-nəəl nya ddəw koo-ta-naan tə̂ ləse. Arəje ndiki ləse to kâra baa, məse to kâra baa ngaâ kəjə ləse to kâra baa.

Pilipinyɛje 2:2 Iomraidhean Croise

Tar kə̂ Maji kə̂ Jan dda makəturu tə̂ 3:29

Dəw kə̂ ee kə dɛnɛ̂n, to nje-dɛnɛ̂n le. A dəw kə̂ to nje-buwa-kura lə nje-dɛnɛ̂n le isi mbɔrɛ̂ tə̂. Naw noo tar laa ngaâ rɔɛ̂ nəəle nya mba ndue kə̂ naw noo le. Rɔ-nəəl nəənn le to ləm tɔ. To rɔ-nəəl kə̂ bo nya.

Kulaje 1:14

Dede tɔyn njaa daw dooje ta naan daw dujuje Lubba kə ndɔ tɔyn. Marə dɛnɛ̂nje kə Mari kɔn Jejuje kə ngakɔn Jeju eeje horode tə̂ tɔ.

Kulaje 2:1

Kar kə̂ ndɔ Pantekotə asə a, njê-mə-kunnje isije dɔ naan tə̂ kâra baa.

Kulaje 2:46

Dooje ta naan ngaâ kə ndɔ kâra kâra tɔyn daw dawje kəy-polo Lubba tə̂ naan tə̂. Daw dusaje nɛ̂n mə kəy tə̂ lə naan. Daw dusaje nɛ̂n ləde kə rɔ-nəəl kə mə ngonn-kasə.

Kulaje 5:12

Njê-kaw-kulaje ddaje nɛ̂n-mɔrije kə nɛ̂nje kə̂ dum dɔ koo nya nya horo dəwje tə̂. Dəwje tɔyn kə̂ ooje məde tə̂ mbɔnje naan kɔ baranda tə̂ lə Salomɔn.

Rɔmɛnje 12:16

Maji karə ooje ta naan. Lo kula kə̂ bo dɔrɔ â ə-sangəje ang. Ngonn kula kara ə-ddaje. Ooje rɔse to kəmse arɛ̂ nya uta nje-marse ang.

1 Kɔrɛntinyɛje 1:10

Ngakɔnʼmje, m-ndəjəse kə ri Əbbəjeje Jeju-Kristə karə ooje ta naan. Ə-tinje naan ang. Uwaje naan ta arəje kəjəje ləse to kâra baa.

2 Kɔrɛntinyɛje 13:11

Ta kutu nɛ̂n dɔɛ̂ a, ngakɔnʼmje, maji karə isije kə rɔ-nəəl. Ə-sangəje ddəw ta ddee maji tɔyn. Ə-ndəjəje naan bba karə rɔse oy njururu ang, ooje ta naan, isije kə mə-wul-lɔm. A Lubba kə̂ nje-ndiki dəwje ddəm nje-karə mə-wul-lɔm ddəm a nayn kə se.

2 Kɔrɛntinyɛje 2:3

Mba yeenn bba, m-dda nɛ̂n makəturu kə̂ keteenn le marəse, mba bbo m-tee rɔse tə̂ a, â ddaje karə rɔm nəələm ang. Mba sese â, â kasəje ta dda karə rɔm nəələm. M-gərə kə majɛ̂ to, rɔ-nəəl ləm to rɔ-nəəl ləse tɔyn tɔ.

2 Kɔrɛntinyɛje 7:7

Ddəw ddee tə̂ laa kâra baa ang. Ddəw məɛ̂ tə̂ kə̂ ə-wulje tɔ. N̂-pa tar maaləm kə̂ ddase nya, tar nɔn kə̂ aw nɔnʼmje kə tar to kə̂ ə-toje ngɔsi ngɔsi mba mayn tar dɔm tə̂ le. Mba yeenn bba, rɔm təl nəələm uta bbay.

Pilipinyɛje 1:4

Kar tɔyn njaa bbo maw duju Lubba mba tar ləse tɔyn a, maw duje kə rɔ-nəəl nya,

Pilipinyɛje 2:16

sese kə̂ aw paje tar kə̂ aw arə təbbə arəjede le. Yeenn bba ndɔ kə̂ Kristə təl a, mâ kunda gum mbase. Nɛ̂ɛnn le a tɔju to m-dda kula m-tuju nɛ̂n singam baa ang ddəm moo nɛ̂n ndoo baa ang ddəm.

Pilipinyɛje 2:20

Ne kə karɛ̂ baa njaa naw nəjə dɔse tə̂. Marə dəw dang kə̂ kəjə laa to tokə ləm goto.

Pilipinyɛje 4:2

Əi Ebodi kə Sɛntis, m-dujuse nya karə ooje ta naan ddəw mə-kâra tə̂ kə̂ aw ddaje kə Əbbə-dəwje.

Kolosinyɛje 2:5

Tɔkɔrɔ njaa, mee horose tə̂ kə da-rɔm njaa ang. A, ndilim ee horose tə̂. Rɔm nəələm nya mba moo a, kula ləse aw nja kə dɔgɔlɛ̂ ngaâ aw uwaje məse kə̂ unnje arəje Kristə le arə ngəng.

2 Tesalonisinyɛje 2:13

See ngakɔnje kə̂ Əbbə-dəwje ndikise nya, to tar ləje ta karə wooyo Lubba mbase kə ndɔ tɔyn, mba Lubba mbərəse kunn-kutu duninya tə̂ nu karə ingaje kaji ddəw Ndil tə̂ kə̂ aw dda arə ə-ddeeje maji tɔyn kə ddəw məse tə̂ kə̂ unnje arəje tar kə̂ tɔkɔrɔ.

2 Timɔte 1:4

Məjə dɔ nɔn tə̂ kə̂ ə-nɔn a, maal təl kooi ddam nya, baann bba mâ kisi kə rɔ-nəəl.

Pilemɔn 1:20

Yeenn a, ngokɔnʼm, maji karə ə-dda nɛ̂ɛnn arəm mba Əbbə-dəwje. Maji karə ə-wul məm ddəw tə̂ lə Kristə.

2 Jan 1:4

Moo marə nganni kə̂ aw njaje ddəw tar tə̂ kə̂ tɔkɔrɔ tokə ndu lə Bɔy Lubba pa arəje le. Minga rɔ-nəəl nya mba nganni le.

3 Jan 1:4

Bbo maw moo tar dɔ ngannəm tə̂ kə̂ aw njaje ddəw tar tə̂ kə̂ tɔkɔrɔ a, marə nɛ̂n kə̂ a karəm rɔ-nəəl kuta yeenn goto.