Pilipinyɛje 2:16 - Dɔnɔn kə̂ Siki: Tar kə̂ aw arə təbbə

¹⁶ sese kə̂ aw paje tar kə̂ aw arə təbbə arəjede le. Yeenn bba ndɔ kə̂ Kristə təl a, mâ kunda gum mbase. Nɛ̂ɛnn le a tɔju to m-dda kula m-tuju nɛ̂n singam baa ang ddəm moo nɛ̂n ndoo baa ang ddəm.

Pilipinyɛje 2:16 Iomraidhean Croise

Matiye 10:27

Tar kə̂ m-pa marəse lo ndul tə̂ a, sese, maji karə ə-ndajije arəje dəwje dann karâ. Tar kə̂ n̂-pa mbise tə̂ hɔy be a, maji karə ilaje nɛ̂n mbər dɔ kəy tə̂ taar.

Luku 12:8

«M-pa marəse, dəwje kə̂ paje kəm dəwje tə̂ nan n̂-toje to dəwje ləm a, Ngonn lə dəw a pa kəm anjəje tə̂ lə Lubba nan n̂-toje to lə ne tɔ.

Tar kə̂ Maji kə̂ Jan dda makəturu tə̂ 6:63

Ndil lə Lubba â aw arə təbbə dəw, bbo da-rɔ dəw asə dda marə nɛ̂n kâra ang. Tarje kə̂ m-pa marəse le toje to Ndil ddəm təbbə ddəm.

Tar kə̂ Maji kə̂ Jan dda makəturu tə̂ 6:68

Simɔn Piyɛr ilɛ̂ tə̂ nan: «Əbbə-dəwje, nân bba ja kaw rɔɛ̂ tə̂ wa? Əi â, tar kə̂ aw arə təbbə kə̂ to kə ndɔ kə ndɔ to tai tə̂.

Kulaje 13:26

Ngakɔnʼmje, sese kə̂ gəl Abaraham tə̂ kə see kəseje kə̂ aw bbəəlje Lubba, maji karə ə-gərəje to Lubba ula kə tar kaji nəənn ɔju dɔje.

1 Kɔrɛntinyɛje 1:8

Lubba le njaa a karəse singa ndərəng ddutu ndɔ tə̂ karə ndɔ təl lə Əbbəjeje Jeju-Kristə a, tar to dɔse tə̂ ang.

1 Kɔrɛntinyɛje 9:26

Yeenn bba maw mayn ngɔru baa njaa baann ang. M-to tokə nje-kunda kutu-bɔn kə̂ aa dəw kə majɛ̂ bba undɛ̂ bbo unda ləl baa ang.

2 Kɔrɛntinyɛje 1:14

Mba ə-gərəje ngaji mban to n-to nɛ̂n-kunda guse, tokə sese â toje to nɛ̂n-kunda guje ndɔ tə̂ kə̂ Əbbəjeje Jeju a təl ddee le.

Galatəje 2:2

Maw nunn, mba Lubba â pa arəm karə maw. Lo tə̂ənn, mɔru gəl Tar kə̂ Maji kə̂ maw mila mbəre marə dəwje kə̂ toje to Jiipije ang le. Mɔru gəle marə tɔkəje kə̂ dɔ Egilisi tə̂ marə mbɔn-naan tə̂ kə̂ m-dda kə de dang tɔ. M-dda baann mba m-ndiki karə kulaje ləm kə̂ takənɛn kə yəje kə̂ bbokənɛn kara toje to kulaje kə̂ baa ang.

Galatəje 4:11

M-bbəəl nya, mba kin karə kulaje tɔyn kə̂ m-dda mba tar ləse təlje to nɛ̂nje kə̂ baa be.

Pilipinyɛje 1:10

Yeenn bba â gərəje nɛ̂n kə̂ maji. Yeenn tɔ bba â toje kə majɛ̂ ddəm tar a to dɔse tə̂ ang ddəm ndɔ tə̂ kə̂ Kristə a təl.

Pilipinyɛje 1:6

Nɛ̂n kə̂ m-gərə â tokə be: Lubba kə̂ unn kutu kula kə̂ maji tɔyn nəənn ddəw tə̂ ləse a kaw nɛ̂n ndərəng karə tunga ndɔ tə̂ kə̂ Jeju-Kristə a təl.

1 Tesalonisinyɛje 2:19

Sese â jaw junda məje dɔse tə̂, sese â ja kinga rɔ-nəəl mbase, sese tɔ â, â toje to nɛ̂n-piti ləje nɔn Əbbə-dəwje Jeju tə̂ ndɔ tə̂ kə̂ nâ ddee.

1 Tesalonisinyɛje 3:5

Mba yeenn bba, m-tɔ wurum pin le ngaâ, mula Timɔte karə aw oo tar dɔ mə-kunn tə̂ ləse. M-bbəəl mba karə Əsu in nanse arə kulaje ləje ddee to nɛ̂n kə̂ baa.

Ebərəje 4:12

Mba tar kə̂ tee ta Lubba tə̂ to kəm baa ngaâ ee kə singa. Tar le aw dda kula uta tɔkə kiya kə̂ tɛɛ̂ to ər joo kəm. Ddəw kâra baa tokə tɔkə kiya kə̂ tɛɛ̂ to ər joo kəm aw kayn horo mənrə-rɔje kə ubbuje kə̂ mə singa tə̂ le, tar lə Lubba aw andə dəw ndərəng bbəngəre tə̂. Tar le aw tee kə nɛ̂nje kə̂ dəw aw dda bboe məɛ̂ tə̂ ddəm aw əjə ddəm.

1 Piyɛr 1:23

Sese le dujuse tokə siki, ddəw tar tə̂ lə Lubba kə̂ a nayn kəm baa kə ndɔ kə ndɔ. Tar le to tokə kandə-ko kə̂ a tuju ndɔ kâra ang. A nayn nyɔm kə ləw.

1 Jan 1:1

Nɛ̂n kə̂ to kunn-kute tə̂ njaa, nɛ̂n kə̂ joo kə mbije, nɛ̂n kə̂ joo kə kəmje, nɛ̂n kə̂ n-təənn joo kə majɛ̂ ngaâ jɔru kə jije joo le, nɛ̂n le to Tar kə̂ aw arə təbbə dəwje.

Apokalisi 22:17

Ndil de kə dɛnɛ̂n kə̂ nje-ngaw le n̂-paje nan: «Ə-ddee!» Maji karə dəw kə̂ oo tar nəənn pa tɔ nan: «Ə-ddee!» Maji karə dəw kə̂ kunda ɔɛ̂n ddee. Dəw kə̂ ndiki a, taa maann kə̂ aw arə təbbə dəw le baa njaa ay!