Pilipinyɛje 2:11 - Dɔnɔn kə̂ Siki: Tar kə̂ aw arə təbbə

¹¹ ngaâ karə dəwje tɔyn paje kə tade nan Jeju-Kristə to Əbbə-dəwje mba kɔsu nɛ̂n gaji Lubba kə̂ Bɔ.

Pilipinyɛje 2:11 Iomraidhean Croise

Matiye 10:32

«Yeenn a, dəw kə̂ pa kəm dəwje tə̂ nan n̂-to dəw ləm a, əman kara mâ pa nɔn Bɔy tə̂ kə̂ isi darâ nan n̂-to dəw ləm tɔ.

Luku 2:11

Bbokənɛn, duju Nje-kaji-dəwje darəse bbe tə̂ lə Dabbiti, n̂-to Kristə, Əbbə-dəwje.

Tar kə̂ Maji kə̂ Jan dda makəturu tə̂ 12:42

A marə njê-kɔn dɔ Jiipije nya njaa kara ooje məde tə̂ kə Jeju. A n̂-ndikije ta pa kə ddaka ang mba Parijinyɛje a tubbade kəy mbɔn-naanje tə̂ ləde.

Tar kə̂ Maji kə̂ Jan dda makəturu tə̂ 13:13

Aw bbarəmje Nje-nɛ̂n-tɔju ddəm Əbbə-dəwje ddəm. Yeenn to kə dɔgɔlɛ̂, mba m-to Nje-nɛ̂n-tɔju ddəm Əbbə-dəwje ddəm njaa.

Tar kə̂ Maji kə̂ Jan dda makəturu tə̂ 13:14

Yeenn bba bbo, əman Nje-nɛ̂n-tɔju ddəm Əbbə-dəwje ddəm m-toko gɔlse a, to maji karə sese kara, ə-tokoje gɔl naan tɔ.

Tar kə̂ Maji kə̂ Jan dda makəturu tə̂ 14:13

Nɛ̂n tɔyn kə̂ ə-dujuje kə rim a, mâ dda. Baann bba Bɔ a kinga piti ddəw tə̂ lə Ngonn.

Tar kə̂ Maji kə̂ Jan dda makəturu tə̂ 14:23

Jeju ilɛ̂ tə̂ nan: «Bbo dəw ndikim a, nâ dda nɛ̂n kə turu ndum. Bɔmje a ndike ngaâ əman je kə Bɔy ja kaw rɔɛ̂ tə̂, ja dda bbe rɔɛ̂ tə̂.

Tar kə̂ Maji kə̂ Jan dda makəturu tə̂ 17:1

Go tar tə̂ kə̂ Jeju pa baann le a, aa lo kə darâ ngaâ pa nan: «Bɔy, kar le asə ngaa. Ə-piti Ngonni, arə Ngonni kara pitii tɔ.

Tar kə̂ Maji kə̂ Jan dda makəturu tə̂ 20:28

Toma le ilɛ̂ tə̂ nan: «Əbbəmje, Lubba ləm!»

Tar kə̂ Maji kə̂ Jan dda makəturu tə̂ 5:23

Yeenn bba karə dəwje tɔyn walje Ngonn le, ddəw kâra baa tokə dəwje tɔyn walje Bɔ. Dəw kə̂ wal Ngonn ang, wal Bɔ kə̂ ulɛ̂ le ang tɔ.

Tar kə̂ Maji kə̂ Jan dda makəturu tə̂ 9:22

N̂-paje baann mba n̂-bbəəlje njê-kɔnje dɔ Jiipije. Mba dooje ta naan ta bbo dəw njaa pa kə ddaka nan Jeju to Mesi a, tubba dəw le kəy mbɔn-naan tə̂ ləde kə ddang.

Kulaje 10:36

Nula kə tar laa narə ngann Ijarayɛlje, to Tar kə̂ Maji kə̂ arə mə-wul-lɔm ddəw tə̂ lə Jeju-Kristə kə̂ to Əbbə-dəwje tɔyn.

Kulaje 2:36

«Maji karə dəwje tɔyn kə̂ Ijarayɛl gərəje kə majɛ̂: Jeju kə̂ ə-tɔlɛ̂je kakə-dəsə tə̂ le, Lubba arə n̂-to Kristə ddəm Əbbə-dəwje ddəm.»

Rɔmɛnje 14:11

N̂-dda Makəturu tə̂ lə Lubba nan: «Əman Əbbə-dəwje kə̂ misi kəm baa, munda yo m-pa nan: Dəwje tɔyn a kunguje məkəjə-gɔlde nangə̂ nɔnʼm tə̂ ngaâ dede tɔyn dâ kɔsuje gajim.»

Rɔmɛnje 14:9

Mba Kristə oy ngaâ təl isi kəm baa, baann bba nâ to Əbbə dəwje kə̂ oyje ddəm Əbbə dəwje kə̂ isije kəm baa ddəm.

Rɔmɛnje 15:9

Kristə ddee tɔ bba karə dəwje kə̂ toje to Jiipije ang kara ɔsuje gaji Lubba mba maji laa. Ddəw kâra baa tokə Makəturu lə Lubba pa nan: «Mba yeenn bba, mâ kɔsu gajii horo gəl-dəwje tə̂, ngaa mâ kɔsu pa wal nɛ̂n rii.»

1 Kɔrɛntinyɛje 12:3

Yeenn bba, m-ndiki ta pa karəse, dəw kə̂ pa nan: «Ndu-ndɔɔl to dɔ Jeju tə̂» a, dəw le aw pa tar ddəw Ndil tə̂ lə Lubba ang. A dəw kə̂ aw pa tar ddəw Ndil tə̂ lə Lubba bba a kasə pa nan: «Jeju to Əbbə-dəwje.»

1 Kɔrɛntinyɛje 15:47

Lubba dda Adam kə̂ dɔngɔr kə əbaburu nangə. A Adam kə̂ joo laa in darâ bba ddee.

1 Kɔrɛntinyɛje 8:6

A əngaje, Lubba to kâra baa, Lubba kə̂ bɔ kə̂ dda nɛ̂nje tɔyn arə jisije kə təbbə mba tar laa. Ngaâ Əbbə-dəwje kâra baa. To Jeju-Kristə kə̂ dda nɛ̂nje tɔyn arə jisije kə təbbə ddəw tə̂ laa.

1 Piyɛr 1:21

Ddəw tə̂ laa â unnje məse arəje Lubba kə̂ noy a, ndole ngaâ arɛ̂ piti, mba karə mə-kunn ləse kə mə-kunda ləse to kə dɔ Lubba tə̂.

1 Jan 4:15

Dəw kə̂ pa kə tɛɛ̂ nan Jeju to Ngonn lə Lubba, Lubba nayn ddəw mə-kâra tə̂ saa ddəm ne kâra n̂-nayn ddəw mə-kâra tə̂ kə Lubba ddəm.

1 Jan 4:2

Ddəw kə̂ â gərəje nɛ̂n Ndil lə Lubba tokə be: Dəw kə̂ pa kə tɛɛ̂ nan Jeju-Kristə unn da-rɔ dəw bba ddee a, Ndil kə̂ in rɔ Lubba tə̂ to məɛ̂ tə̂.

2 Jan 1:7

Njê-kərəje dəwje tokə banya taaje lo dɔ nangə tə̂. N̂-paje nan Jeju-Kristə unn da-rɔ dəw bba ddee nɛ̂n ang. Dede le n̂-toje to njê-kərəje dəwje kə njê-baanje lə Kristə.

Apokalisi 3:5

Yeenn a, dəwje kə̂ tətəje ddɔ a, dâ kulaje kubbuje kə̂ nda, mâ tuju ride makəturu təbbə tə̂ ndɔ kâra ang. Mâ pa nɔn bɔmje tə̂ kə nɔn anjəje tə̂ laa nan n̂-toje to dəwje ləm.