Pilipinyɛje 1:8 - Dɔnɔn kə̂ Siki: Tar kə̂ aw arə təbbə

⁸ Tɔkɔrɔ Lubba kara gərə ndiki kə̂ m-dikise nya tokə Jeju-Kristə ndikise nya le tɔ.

Pilipinyɛje 1:8 Iomraidhean Croise

Luku 1:78

Ddəw maji tə̂ lə Lubba ləje kə̂ ndiki nɛ̂n je nya, ddəw maji tə̂ənn le bba, bbo kar ubba mə dara tə̂ a, aw uru dɔje tə̂,

Rɔmɛnje 1:9

Lubba gərə to tar kə̂ tɔkɔrɔ njaa maw pa nəənn. Ne Lubba kə̂ maw pole kə kəjə ləm tɔyn ddəw mbər Tar tə̂ kə̂ Maji kə̂ dɔ Ngonnɛ̂ tə̂ kə̂ maw mila. N̂-gərə to kar tɔyn kə̂ maw duje, maw mila rise məɛ tə̂.

Rɔmɛnje 9:1

Ddəw mə-kâra tə̂ kə̂ m-dda kə Kristə le, tar kə̂ tɔkɔrɔ â maw pa bbo mərə ngəm ang. Ndil-mə-nda ɔn dɔm arə kəjə ləm tɔjum to maw pa tar kə̂ tɔkɔrɔ.

2 Kɔrɛntinyɛje 13:9

Kar tɔyn kə̂ jeje jee kə singa ang, â bbo sese eeje nɛ̂n a, rɔje nəəlje. Nɛ̂n kə̂ jaw duju Lubba to, karə ə-ddeeje to dəwje kə̂ maji tɔyn.

2 Kɔrɛntinyɛje 6:12

Jeje junn məje jarəse. A sese â ə-mbətəje ta kunn məse karəje.

2 Kɔrɛntinyɛje 7:15

Bbo məɛ̂ ole dɔ gusu tə̂ kə̂ ooje nɛ̂n tɛɛ̂ kə gusu tə̂ kə̂ ə-tɛɛ̂je nɛ̂n kə rɔse tə̂ kə bbəəl ddəm kə rɔ-kisa ddəm a, ndiki laa kə̂ naw ndikise le təl bo nya bbay.

Galatəje 1:20

Tar kə̂ maw dda makəturu tə̂ marəse nəənn, maw pa kəm Lubba tə̂, to ngəm ang.

Galatəje 3:26

Mba sese tɔyn ə-ddeeje to ngann lə Lubba ddəw məse tə̂ kə̂ unnje arəje Jeju-Kristə le.

Galatəje 4:19

Ngannəm, maw moo ndoo tokə siki mba tar ləse tokə dɛnɛ̂n kə̂ aw nduru ndo, mâ koo ndoo le ndərəng ndɔ kə̂ kisi ləse a to tokə lə Kristə.

Pilipinyɛje 2:1

Mə-kâra kə̂ ə-ddaje kə Kristə le dda arə ingaje singa, ndiki kə̂ n̂-ndikise le dda arə rɔse ndɔɔ, ə-ddaje mə-kâra kə Ndil-mə-nda, ə-ndikije naan ddəm ə-ddaje mə-maji kə̂ naan ddəm.

Pilipinyɛje 2:26

N̂-dda bbo nya ta təl kaw koose tɔyn ddəm n̂-jɔku rɔɛ̂ nya mba tar rɔ-to laa kə̂ ooje le ddəm.

Pilipinyɛje 4:1

Yeenn a, ngakɔnʼmje kə̂ m-dikise nya, sese kə̂ m-ndiki nya ta təl koose bbay, sese kə̂ ə-ddaje arə misi kə rɔ-nəəl, sese â minga nɛ̂n piti. Ngakɔnʼmje kə̂ m-dikise nya, maji karə ə-naynje ddəw mə-kâra tə̂ kə̂ ə-ddaje kə Əbbə-dəwje le arəje ngəng.

Kolosinyɛje 2:1

M-ndiki karə ə-gərəje to ddɔ kə̂ maw dda to ddɔ kə̂ ngəng nya: Maw dda ddɔ mba tar ləse, mba tar lə dəwje kə̂ Lawodise kə marə dəwje nya kə̂ oomje ndɔ kâra ang.

Kolosinyɛje 3:12

Lubba â mbərəse arə ə-ddeeje to dəwje laa kə̂ n̂-ndikise nya. Yeenn bba, maji karə ooje ndoo lə dəwje, ə-ddaje maji kə dəwje, ə-ddaje rɔse ngaji, ə-wulje pee ngaâ ə-tɔje wurse.

1 Tesalonisinyɛje 2:5

Sese kara ə-gərəje kə majɛ̂, jaw pa tarje ta kərə nɛ̂n dəw ndɔ kâra ang ngaâ kəjə ləje to dɔ nɛ̂n-kinga tə̂ ndɔ kâra ang. Lubba njaa kara a kɔru naji ləje.

1 Tesalonisinyɛje 2:8

N-ndikise nya, n-to ngɔsi ta pa Tar kə̂ Maji lə Lubba karəse ddəm ta karə təbbə ləje njaa mbase ddəm. Mba ə-ddeeje to dəwje kə̂ n-ndikise nya.

2 Timɔte 1:4

Məjə dɔ nɔn tə̂ kə̂ ə-nɔn a, maal təl kooi ddam nya, baann bba mâ kisi kə rɔ-nəəl.

Pilemɔn 1:12

Mâ karə n̂-təl rɔi tə̂, ne kə̂ n̂-nayn to dəbbə rɔm njaa le.

Pilemɔn 1:20

Yeenn a, ngokɔnʼm, maji karə ə-dda nɛ̂ɛnn arəm mba Əbbə-dəwje. Maji karə ə-wul məm ddəw tə̂ lə Kristə.

1 Jan 3:17

Bbo dəw inga nɛ̂nje kə̂ dɔ nangə tə̂ nəənn ngaâ gərə to nɛ̂n du ngokɔɛ̂n, a numɛ̂n ang a, dəw le a pa nan n̂-ndiki Lubba tokə baânn wa?