Pilipinyɛje 1:23 - Dɔnɔn kə̂ Siki: Tar kə̂ aw arə təbbə

²³ Kəjə ləm ee joo joo: M-ndiki ta kinya nangə nəənn ta kaw kisi kə Kristə. Yeenn bba a maji nya.

Pilipinyɛje 1:23 Iomraidhean Croise

Luku 12:50

Marə batɛm kə̂ dâ ddam to. Məm a kar taar ndərəng ndɔ kə̂ dâ ddam nɛ̂n batɛm le a kasə.

Luku 23:43

Jeju pa arɛ̂ nan: «Tɔkɔrɔ, m-pa mari, bbokənɛn a kisi səm paradis tə̂.»

Luku 8:38

Dingaw kə̂ ndilje teeje rɔɛ̂ tə̂ kə ddang le duju Jeju ta nayn saa. A Jeju mbətə nan:

Tar kə̂ Maji kə̂ Jan dda makəturu tə̂ 12:26

Bbo dəw ndiki ta dda kula ləm a, maji karə nunn gom. Baann bba lo kə̂ mee tə̂ a, nje-kula ləm a kee tə̂ tɔ. Bbo dəw aw dda kula ləm a, Bɔmje a walɛ̂.»

Tar kə̂ Maji kə̂ Jan dda makəturu tə̂ 13:1

Nayn ndɔ kâra karə kusu Pakə asə a, Jeju gərə to kar kə̂ nâ kinya duninya nəənn ta kaw rɔ Bɔ tə̂ asə. Jeju ndiki dəwje laa kə̂ duninya tə̂ nəənn le ngaâ ndikide ndərəng tee kɔnyɛ̂ tə̂.

Tar kə̂ Maji kə̂ Jan dda makəturu tə̂ 14:3

Bbo maw dda lo marəse a, mâ təl ddee kotose karə lo kə̂ mee tə̂ a, sese kara eeje tə̂ tɔ.

Tar kə̂ Maji kə̂ Jan dda makəturu tə̂ 17:24

Bɔy, əi â arəm dəwje le, yeenn bba m-ndiki karə deeje səm lo tə̂ kə̂ mee tə̂. Baann bba karə dooje piti kə̂ ə-pitim, mba ə-ndikim kete bba ə-dda duninya.

Kulaje 7:59

Kar tə̂ kə̂ daw tilaje Etiyɛnn kə ər le a, Etiyɛnn le duju Lubba nan: «Əbbəmje Jeju, ə-taa kəwn ləm.»

2 Kɔrɛntinyɛje 5:8

Tɔkɔrɔ njaa, rɔje oy njururu ang bbay ngaâ n-ndiki nya ta kinya da-rɔje nəənn le ta kaw kisi mbɔr Əbbə-dəwje tə̂.

2 Kɔrɛntinyɛje 6:12

Jeje junn məje jarəse. A sese â ə-mbətəje ta kunn məse karəje.

Pilipinyɛje 1:24

A nayn ləm dɔ nangə tə̂ a dda kə se maji nya bbay.

1 Tesalonisinyɛje 2:1

Ngakɔnʼmje, sese njaa ə-gərəje kə majɛ̂ to tee kə̂ n-tee rɔse tə̂ le, ture to baa ang.

1 Tesalonisinyɛje 2:13

Jaw jarə wooyo Lubba kə ndɔ tɔyn mba kar kə̂ jila mbər tar lə Lubba jarəse le, ooje ngaâ ə-taaje to tar lə Lubba njaa, bbo to tar lə dəwje ang. Tar le aw dda kula məse tə̂, see njê-mə-kunnje.

1 Tesalonisinyɛje 4:17

Goe tə̂ a, jeje kə̂ ja n-naynje kəm baa bbay le, dâ kotoje kə de kâra baa mə mum tə̂, ta kaw kinga nɛ̂n Əbbə-dəwje mə dara tə̂. Yeenn ngaâ ja naynje kə Əbbə-dəwje kə ndɔ kə ndɔ.

2 Timɔte 4:6

Əman, kar kə̂ dâ kunnum karə to nɛ̂n-polo asə mban ngaâ m-nayn ngɔsi baa ta koy ngaa.

Apokalisi 14:13

Moo marə ndu kə̂ in darâ pa arəm nan: «Uja tar nəənn makəturu tə̂: ‹Maji arəde, de dəwje kə̂ n̂-naynje ddəw tə̂ lə Əbbə-dəwje ndərəng doyje nɛ̂n bbasinɛn nəənn.› Ndil-mə-nda pa nan: ‹Tɔkɔrɔ njaa, maji karə duwaje rɔde go kula tə̂ kə̂ ngəng kə̂ n̂-ddaje, mba kulaje kə̂ n̂-ddaje a kunn gode.› »