Pilipinyɛje 1:13 - Dɔnɔn kə̂ Siki: Tar kə̂ aw arə təbbə

¹³ Mba dəwje tɔyn kə̂ aw ddaje kula kə̂y mbay tə̂ wase dəwje tɔyn kə lo lo gərəje to dilam kəy-kula tə̂ ɔju dɔ tar lə Kristə.

Pilipinyɛje 1:13 Iomraidhean Croise

Kulaje 26:29

Pɔl pa arɛ̂ nan: «Kə̂ bbasinɛn nəənn wase marə ndɔ tə̂ kâra, mâ duju Lubba karə əi ddəm see dəwje tɔyn kə̂ aw ooje tar ləm bbokənɛn nəənn ddəm ə-ddeeje tokə əman. A m-ndiki ta karə n̂-tɔse kə kula njamji tokə əman nəənn ang.»

Kulaje 26:31

Dɔruje rɔde kə guku ngaâ n̂-paje tar horode tə̂ nan: «Dingaw nəənn dda marə nɛ̂n kə̂ asə yo wase marə nɛ̂n kə̂ asə kilɛ̂ nɛ̂n kəy-kula tə̂ kâra ang.»

Kulaje 28:17

Ndɔ mota goe tə̂ a, Pɔl bbar tɔkə dəwje lə Jiipije kə̂ isije Rɔm ta-kəy tə̂ laa. N̂-mbɔnje naan a, n̂-pa narəde nan: «Ngakɔnʼmje, m-dda marə nɛ̂n kə̂ maji ang kə dəwje ləje ang ddəm m-mbətə nɛ̂n-ji-bbe lə kajeje ang ddəm. A duwam Jerujalɛm ngaâ dinyam mə ji dəwje tə̂ kə̂ Rɔm.

Kulaje 28:20

Tar nəənn njaa m-duju ta koose mbɛɛ̂, ta tɔn kə se tam. Mâ kərəse ang, n̂-tɔm kə kula njamjije nəənn ɔju dɔ tar nɛ̂n kə̂ dəwje kə̂ Ijarayɛl undaje məde dɔɛ̂ tə̂.»

Kulaje 28:30

Pɔl dda bbal joo tɔyn njaa kəy tə̂ kə̂ nuka kə narɛ laa njaa. Naw taa dəwje tɔyn kə̂ ddeeje aw ooeje kə rɔɛ̂ tə̂.

Epɛjinyɛje 3:1

Mba yeenn bba, əman Pɔl, dilam kəy-kula tə̂ mba tar lə Jeju-Kristə kə̂ maw mila mbəre marəse, see dəwje kə̂ ə-toje to Jiipije ang.

Epɛjinyɛje 4:1

Yeenn bba, əman kə̂ dilam kəy-kula tə̂ mba Əbbə-dəwje, m-dujuse nya karə pa-nja ləse to pa-nja lə dəwje kə̂ Lubba bbarde njaa.

Epɛjinyɛje 6:20

Kar tə̂ kə̂ mee nɛ̂n kəy-kula tə̂ nəənn kâra, m-to dəw kə̂ aw dda kula kə ri Kristə ta kila mbər Tar kə̂ Maji. Yeenn a, ə-dujuje Lubba karə mila mbər tar le kə bbəəl ang ddəm kə dɔgɔlɛ̂ ddəm.

Pilipinyɛje 1:30

Ndoo le to ddɔ kə̂ aw ddaje tokə m-dda le ngaâ m-nayn tɛɛ̂ tə̂ baa bbay arə aw ooje tarɛ̂ le.

Pilipinyɛje 1:7

To kə dɔgɔlɛ̂ karə kəjə ləm to dɔse tə̂ tokə baann njaa, mba m-ndikise. Əsese tɔyn njaa umanʼmje ddəw mə-maji tə̂ kə̂ Lubba dda səm kar tə̂ kə̂ mee nɛ̂n kəy-kula tə̂ bbasinɛn nəənn ddəm kar tə̂ kə̂ maw mɔru nɛ̂n naji Tar tə̂ kə̂ Maji marə ngəng le ddəm.

Pilipinyɛje 4:22

Njê-mə-kunnje tɔyn ddase lapiya, uta tɔyn dede kə̂ daw ddaje kula mə kəy tə̂ lə tɔkə mbay kə̂ Rɔm n̂-ddase lapiya.

2 Timɔte 2:9

Tar kə̂ Maji le â moo ndoo mbɛɛ̂ ndərəng n̂-tɔm dilam kəy-kula tə̂ tokə lə nje-nɛ̂n-dda kə̂ maji ang. A tar lə Lubba â n̂-tɔ ang.