Pilipinyɛje 1:1 - Dɔnɔn kə̂ Siki: Tar kə̂ aw arə təbbə

¹ Əman Pɔl kə Timɔte kə̂ n-to bbərə-kulaje lə Jeju-Kristə n-dda makəturu nəənn jula nɛ̂n jarə dəwje tɔyn kə̂ isije Pilipi kə̂ toje to njê-mə-ndaje ddəw tə̂ lə Jeju-Kristə. Jula nɛ̂n jarə njê-kɔnje dɔ Egilisi kə diyakərəje tɔ.

Pilipinyɛje 1:1 Iomraidhean Croise

Marke 13:34

Nɛ̂ɛnn a to tokə dəw kə̂ a ta kaw kə mba tə̂ ngaâ inya nɛ̂nje mə ji njê-kulaje tə̂ laa. Narə dəw kâra kâra kula laa karə dda. Nunn ndu narə nje-ngəm ta-kəy karə tibbi ang.

Tar kə̂ Maji kə̂ Jan dda makəturu tə̂ 12:26

Bbo dəw ndiki ta dda kula ləm a, maji karə nunn gom. Baann bba lo kə̂ mee tə̂ a, nje-kula ləm a kee tə̂ tɔ. Bbo dəw aw dda kula ləm a, Bɔmje a walɛ̂.»

Kulaje 1:20

N̂-dda tarɛ̂ makəturu Sɔmje tə̂ nan: ‹Maji karə kəy laa təl dɔ-ndubba ta dəw to tə̂ ang.› N̂-dda makəturu tə̂ lə Lubba bbay nan: ‹Maji karə marə dəw taa ture kula tə̂ laa.›

Kulaje 20:28

Maji karə undaje kəmse dɔ rɔse tə̂ kə dɔ nɛ̂n-kuulje tə̂ kə̂ Ndil-mə-nda undase karə ə-ngəmjede. Ə-ngəmje Egilisi kə̂ Lubba ndoko kə məse njaa le.

Kulaje 9:13

Ananiyas le ila tə̂ nan: «Əbbəmje, dəwje nya paje tar nɛ̂nje kə̂ maji ang tɔyn kə̂ dəw nəənn dda kə dəwje ləi Jerujalɛm.

Rɔmɛnje 1:1

Əman Pɔl kə̂ m-to bbərə-kula lə Jeju-Kristə, Lubba bbarəm undam dang to nje-kaw-kula karə mila mbər Tar kə̂ Maji laa marə dəwje.

Rɔmɛnje 1:7

M-dda makəturu nəənn marə sese kə̂ eeje Rɔm, sese tɔyn kə̂ Lubba ndikise ngaâ bbarse arə ə-ddeeje to dəwje laa. Maji karə Bɔjeje Lubba kə Əbbə-dəwje Jeju-Kristə, n̂-ddaje kə se mə-maji ngaâ darəje məse wul lɔm.

1 Kɔrɛntinyɛje 16:10

Bbo Timɔte ddee a, ə-ddaje arə nisi horose tə̂ kə bbəəl ang. Mba naw dda kula lə Əbbə-dəwje tokə ləm tɔ.

2 Kɔrɛntinyɛje 1:1

Əman Pɔl kə̂ Lubba ndiki tə̂ karə m-ddee to nje-kaw-kula lə Jeju-Kristə, əman kə ngokɔnje Timɔte, n-dda makəturu nəənn jarə Egilisi lə Lubba kə̂ to Kɔrɛntə ddəm jarə dəwje lə Lubba kə̂ isije nangə tə̂ kə̂ Akay tɔyn ddəm.

Galatəje 1:10

A bbasinɛn nəənn, maw sangə ddəw ta ddee maji kəm dəwje tə̂ wase kəm Lubba tə̂ wa? Maw sangə ddəw ta nəəl kəm dəwje tə̂ wa? A bbo maw sangə ddəw ta nəəl kəm dəwje tə̂ a, mâ to bbərə-kula lə Kristə ang ngaa.

Galatəje 3:26

Mba sese tɔyn ə-ddeeje to ngann lə Lubba ddəw məse tə̂ kə̂ unnje arəje Jeju-Kristə le.

Galatəje 3:28

Jiipi wase Gɛrɛkə goto ngaa, bbərə wase dəw kə̂ to bbərə ang goto ngaa, dingaw wase dɛnɛ̂n goto ngaa. Mba sese tɔyn ə-ddeeje to dəwje kə̂ kâra baa ddəw mə-kâra tə̂ kə̂ ə-ddaje kə Jeju-Kristə.

Epɛjinyɛje 1:1

Əman Pɔl kə̂ Lubba ndiki tə̂ karə m-ddee to nje-kaw-kula lə Jeju-Kristə, mula kə makəturu nəənn marə dəwje lə Lubba kə̂ ooje məde tə̂ kə Jeju-Kristə kə̂ isije Epɛjə.

Epɛjinyɛje 1:15

Mba yeenn bba, əman njaa kara, unn kute ndɔ tə̂ kə̂ moo nan ooje məse tə̂ kə Əbbə-dəwje Jeju ddəm aw ndikije njê-mə-kunnje tɔyn ddəm le

Epɛjinyɛje 6:24

Maji karə Lubba dda mə-maji kə dəwje tɔyn kə̂ ndikije Əbbəjeje Jeju-Kristə kə ndiki kə̂ a goto ndɔ kâra ang.

Pilipinyɛje 2:19

Munda məm to Əbbə-dəwje Jeju a karəm ddəw karə mula Timɔte rɔse tə̂ mə ndɔje tə̂ nəənn, karə n̂-pa tar ləse narə moo bba mâ kinga singa.

Pilipinyɛje 2:5

Maji karə pa-nja ləse horo naan tə̂ to ddəw kâra baa kə pa-nja lə Jeju-Kristə:

Pilipinyɛje 3:12

Məjə to minga nɛ̂n kə̂ m-ndiki le mban ang wase məjə to m-ddee maji tɔyn mban ang. A maw mayn ngɔru bbay, maw nar rɔm ta kuwa nɛ̂n le kə jim, mba əman njaa kara Jeju-Kristə uwam mban.

Pilipinyɛje 3:3

Jeje â juja ganja kə̂ tɔkɔrɔ, mba jaw poloje Lubba ddəw Ndil tə̂ laa, jaw junda guje ddəw tə̂ lə Jeju-Kristə ngaâ junda məje kə dɔ rɔje tə̂ njaa ang.

Pilipinyɛje 3:8

Tɔkɔrɔ, moo nɛ̂njeenn le tɔyn to nɛ̂n kə̂ baa. Tɔkə nɛ̂n-kinga â to ta gərə Əbbəmje Jeju-Kristə. Minya nɛ̂nje tɔyn ɔju dɔ Kristə ngaâ moo nɛ̂n tɔyn tokə lə yərəw mba kinga Kristə le

1 Tesalonisinyɛje 1:1

Əman Pɔl kə Silas kə Timɔte, n-dda makəturu nəənn jarə njê-mə-kunnje kə̂ Egilisi tə̂ kə̂ Tesalonikə, kə̂ toje to dəwje lə Lubba kə̂ Bɔ ddəm lə Əbbə-dəwje Jeju-Kristə ddəm. Maji karə Lubba arə məse wul lɔm ngaâ n̂-dda kə se mə-maji.

1 Tesalonisinyɛje 2:2

Ə-gərəje kə majɛ̂ to joo ndoo ngaâ dəwje tajije bbe tə̂ kə̂ Pilipi. A Lubba arə jubba singa mə nɛ̂n-singaje tə̂ nya nya, narə jila mbər Tar kə̂ Maji laa jarəse.

2 Tesalonisinyɛje 1:1

Əman Pɔl kə Silas kə Timɔte, n-dda makəturu nəənn jarə njê-mə-kunnje kə̂ Egilisi tə̂ kə̂ Tesalonikə, kə̂ toje to dəwje lə Bɔjeje Lubba kə lə Əbbə-dəwje Jeju-Kristə.

2 Tesalonisinyɛje 1:10

Nɛ̂ɛnn le a to kar tə̂ kə̂ nâ ddee nɛ̂n karə dəwje laa walɛ̂je, karə dəwje kə̂ ooje məde tə̂ saa ɛɛ̂je kə koko. Sese kara â keeje horode tə̂ tɔ, mba ooje məse tə̂ kə tar kə̂ n-pa jarəse le.

1 Timɔte 1:2

M-dda makəturu nəənn mula nɛ̂n mari, əi Timɔte kə̂ ə-to ngonnəm kə̂ tɔkɔrɔ, ddəw mə-kunn tə̂. Maji karə Lubba kə̂ Bɔ kə Jeju-Kristə kə̂ to Əbbəjeje n̂-ddaje səi mə-maji, dooje kəm-to-ndoo ləi ngaâ darəje məi wul lɔm.

1 Timɔte 3:8

Ddəw kâra baa, maji karə diyakərəje toje to dəwje kə̂ ulaje gəl rɔde naan tə̂ ang, dəwje kə̂ tar kə̂ tade tə̂ to joo joo ang, n̂-toje to njê-kayje koto nya ang, maji karə n̂-toje to dəwje kə̂ bbo kinga narɛ kə dɔgɔlɛ̂ ang ddade ang.

Titə 1:1

Əman Pɔl, m-to bbərə-kula lə Lubba ddəm nje-kaw-kula lə Jeju-Kristə ddəm. Lubba unnum to nje-dda karə dəwje kə̂ Lubba mbərəde unnje məde arɛ̂ ngaâ karə n̂-gərəje tar kə̂ tɔkɔrɔ bba ta n̂-ngəmje rɔde mba Lubba.

Titə 1:7

Dəw kə̂ dɔ Egilisi tə̂ to nje-ngəm nɛ̂n lə Lubba. Yeenn a, maji karə tar to dɔɛ̂ tə̂ kâra ang. Maji karə noo rɔɛ̂ bo ang, n̂-to nje-wungu ang, n̂-to bbərə lə koto ang, n̂-to nje-ddɔ kə dəw ang, maji karə bbo kinga narɛ kə dɔgɔlɛ̂ ang ddɛɛ̂ ang.

Pilemɔn 1:1

Əman Pɔl kə̂ dilam kəy-kula tə̂ mba tar lə Jeju-Kristə, əman kə ngokɔnje Timɔte, n-dda makəturu nəənn jari, əi Pilemɔn kə̂ ə-to nje-kula marəje kə̂ n-ndikii nya,

Ebərəje 13:23

M-ndiki ta karə ə-gərəje to dɔru ngokɔnje Timɔte kəy-kula tə̂ mban. Bbo n̂-ddee njangə a, əman je saa ja kaw koose.

Jakə 1:1

Əman, Jakə kə̂ m-to bbərə-kula lə Lubba ddəm Əbbə-dəwje Jeju-Kristə ddəm m-dda lapiya dəwje kə̂ toje to Jiipije kə̂ gəl-kujude dɔku gire joo kə̂ sarɛnje naan mə bbeje tə̂ dang dang.

1 Piyɛr 2:25

Mba ləw ə-toje tokə lə batəje kə̂ aw njaje kə nangə̂ baa. A bbasinɛn, ə-turuje rɔse kə rɔ nje-ngəm nɛ̂n-kuulje tə̂, ne kə̂ n̂-to nje-ngəm kəwn ləse le.

2 Piyɛr 1:1

Əman Simɔn Piyɛr kə̂ m-to bbərə-kula lə Jeju-Kristə ddəm nje-kaw-kula lə Jeju-Kristə ddəm m-dda makəturu nəənn marə dəwje kə̂ ingaje mə-kunn kə̂ ngəng kə̂ kâra baa kə̂ jinga le. Dingaje mə-kunn le ddəw nɛ̂n-dda tə̂ kə̂ gatə gatə lə Jeju-Kristə kə̂ to Lubba ləje ddəm Nje-kajije ddəm.

Judə 1:1

Əman Judə ngokɔn Jakə kə̂ m-to bbərə-kula lə Jeju-Kristə, m-dda makəturu nəənn marə dəwje kə̂ Lubba bbarde kə ddaka, dəwje kə̂ Lubba kə̂ Bɔ ndikide nya ngaâ ngəmde mba Jeju-Kristə.

Apokalisi 1:1

Makəturu nəənn pa tar dɔ nɛ̂nje tə̂ kə̂ Lubba arə Jeju-Kristə tɔju Jan, karə n̂-tɔju njê-kulaje laa karə n̂-gərəje nɛ̂n kə̂ nayn ngɔsi baa ta ddee. Kristə ula anjə laa arə nje-kula laa Jan karə tɔjɛ̂ nɛ̂njeenn le karə n̂-gərə.

Apokalisi 1:20

Nɛ̂n kə̂ iya rɔɛ̂ ɔju dɔ əndɛtɛrɛndɛnje siri kə̂ oo jim tə̂ kə̂ kɔl kə nɛ̂n-kunda lambeje siri kə̂ n̂-dda kə andə-narɛ le gəle tokə be: Əndɛtɛrɛndɛnje kə̂ siri le tɔju anjəje kə̂ Egilisije tə̂ kə̂ siri le, a nɛ̂n-kunda lambeje kə̂ siri le toje to Egilisije kə̂ siri le tɔ.»

Apokalisi 19:10

M-tee moso kɔ gɔlɛ̂ tə̂ ta pole, a n̂-pa narəm nan: «Ə-dda nɛ̂ɛnn ang! M-to nje-kula mari ddəm nje-kula mar ngakɔinje kə̂ aw ngəmje tar-najije lə Jeju ddəm. Lubba â maji karə ə-pole!» Tar-najije lə Jeju toje to tarje kə̂ ddeeje dɔ njê-kilaje mbər tarje tə̂ lə Lubba bba aw paje.

Apokalisi 2:12

«Ə-dda makəturu ula nɛ̂n arə anjə kə̂ Egilisi tə̂ kə̂ Pɛrgam ə-pa nan: «Tar kə̂ dəw kə̂ uwa tɔkə kiya kə̂ tɛɛ̂ joo ngaâ atə pa â nəənn:

Apokalisi 2:8

«Ə-dda makəturu ula nɛ̂n arə anjə kə̂ Egilisi tə̂ kə̂ Ismirnə: «Tar kə̂ dəw kə̂ to dɔngɔr dəw ddəm dɔbɔyn dəw ddəm nɛ̂n kə̂ noy ngaâ n̂-təl nisi kəm baa n̂-pa â nəənn:

Apokalisi 22:9

A n̂-pa narəm nan: «Ə-dda nɛ̂ɛnn ang! M-to nje-kula mari kə nje-kula mar ngakɔinje kə̂ toje to njê-kilaje mbər tar lə Lubba kə nje-kula mar dəwje kə̂ ngəmje tarje kə̂ makəturu tə̂ nəənn. Lubba â maji karə ə-pole.»