Marke 3:7 - Dɔnɔn kə̂ Siki: Tar kə̂ aw arə təbbə

⁷ Jeju kə njê-njaje goe tə̂ dɔruje rɔde dawje kar dangə tə̂ kə̂ Galile a, dəwje tokə banya ɔruje goe. Dəwje le inje Galile kə Jude,

Maketuru le Lubba ke tar kabba

⁷ Jeju de ke nje-njaje goe te ɔruje rɔde awje kar ba te ke Galile a, dewje ke banya banya ɔruje goe. Dewje le inje Galile, ke Jude,

Marke 3:7 Iomraidhean Croise

Matiye 10:23

Bbo n̂-dda singa kə se marə tɔkə bbe tə̂ a, aynje awje marɛ̂ tə̂. M-pa tar kə̂ tɔkɔrɔ, â nayn njaje mə tɔkə bbeje tə̂ kə̂ Ijarayɛl tɔyn ang bbay a, Ngonn lə dəw a ddee.

Matiye 12:15

Jeju oo tar tɔlɛ̂ le a, ɔtu lo tə̂ənn kə ddang. Dəwje tokə banya unnje goe ngaâ naji njê-rɔ-toje tɔyn.

Matiye 12:16

A n̂-ndɔru mbide nya karə n̂-paje darə dəwje gərə tar dɔɛ̂ tə̂ ang.

Matiye 4:25

Dəwje tokə banya unnje goe. Dəwje le inje nangə tə̂ kə̂ Galile kə nangə kə̂ «Tɔkə Bbeje kə̂ Dɔku» toje tə̂. Marɛ̂je inje Jerujalɛm kə nangə tə̂ kə̂ Jude kə nangə tə̂ kə̂ to tura Jurdɛn tə̂.

Marke 1:39

Yeenn ngaâ n̂-nja nangə Galile tə̂ tɔyn. Naw tɔju Tar kə̂ Maji mə kəy mbɔn-naanje tə̂ lə Jiipije kə̂ nangə tə̂ənn ngaâ n̂-tubba ndilje kə̂ maji ang.

Marke 1:45

Dingaw le ɔtu a, aw ila mbər nɛ̂nje kə̂ ingɛ̂ le loje tə̂ tɔyn. Mba yeenn bba Jeju asə ta tɔju rɔɛ̂ marə tɔkə bbe tə̂ ang ngaa. Nisi sayn kə bbeje, lo-kiyɛ̂ tə̂ ngaâ dəwje inje loje tə̂ dang dang ddeeje rɔɛ̂ tə̂.

Marke 3:20

Jeju təl kə̂y ngaâ dəwje tokə banya təlje mbɔnje naan arə nɛ̂n-kusa njaa kara ne kə njê-njaje goe tə̂ dingaje ddəw ta kusa ang.

Marke 4:1

Jeju təl aw tɔju nɛ̂n kar tɔkə dangə tə̂ kə̂ Galile. Dəwje kə̂ banya mbɔnje naan rɔɛ̂ tə̂. Yeenn bba naal marə tɔkə to nisi məɛ tə̂. Tɔkə to le to dɔ maann tə̂, a dəwje le arje ta maann tə̂ le ngɔsi.

Luku 23:5

A n̂-təlje n̂-paje darə ngəng nya bbay nan: «Naw tɔju nɛ̂n naw nɔsu nɛ̂n kutu dəwje narə aw ddaje dɔ-ngəng nangə tə̂ kə̂ Galile tɔyn. Nunn kute nangə tə̂ kə̂ Jude ndərəng lo tə̂ nəənn.»

Luku 6:12

Mə ndɔje tə̂ənn njaa Jeju aal marə ddingiri ngaâ duju Lubba. N̂-duju Lubba tile tə̂ənn le nyɔm.

Luku 6:17

Jeju in dɔ ddingiri tə̂, ne kə njê-kaw-kulaje, n̂-ddee nar ndakə lo tə̂. Njê-njaje goe tə̂ tokə banya kə dəwje kə̂ banya nya eeje lo tə̂ənn le. Dinje nangə tə̂ kə̂ Jude tɔyn kə Jerujalɛm tə̂, bbeje tə̂ kə̂ toje kar ba-katə tə̂ ər kə Tir kə Sidɔn.

Tar kə̂ Maji kə̂ Jan dda makəturu tə̂ 7:41

Marɛ̂je paje nan: «Ne â n̂-to Mesi le.» A marɛ̂je paje nan: «Galile â Mesi le a kin tə̂ ddee wa?»

Tar kə̂ Maji kə̂ Jan dda makəturu tə̂ 7:52

A kəseje ilɛ̂je tə̂ nan: «Ə-to dəw kə̂ Galile tɔ wa? Ə-sangə mə Makəturu tə̂ lə Lubba kə majɛ̂ oo a, â gərə. Marə nje-kila mbər tar lə Lubba in Galile tə̂ ddee ndɔ kâra ang.»

Kulaje 17:10

Lo ndul a, njê-mə-kunnje arə Pɔl de kə Silas dawje bbe tə̂ kə̂ Bere. N̂-teeje a, dawje kəy mbɔn-naan tə̂ lə Jiipije.

Kulaje 17:14

Njangə baa a, njê-mə-kunnje arəje Pɔl unn ddəw ər kə ta tɔkə ba tə̂, a Silas de kə Timɔte n̂-naynje tə̂ənn.