Marke 12:2 - Dɔnɔn kə̂ Siki: Tar kə̂ aw arə təbbə

² Tee kar kuja kandə binyə tə̂ le a, nula nje-kula laa rɔ njê-kula binyəje tə̂ le karə dula kə əngɛɛ̂n darɛ̂.

Maketuru le Lubba ke tar kabba

² Tee kare kuja kande binye te le a, nula nje-kula laa rɔ nje-kula ndɔɔ binyeje te le kare dula ke engaen.

Marke 12:2 Iomraidhean Croise

Matiye 21:34

Kar kuja kandə binyə le asə a, nula ngann njê-kulaje laa rɔ njê-ddaje kula binyə tə̂ le karə dulaje kə kandə binyə laa darɛ̂je.

Marke 12:1

Goe tə̂ a, Jeju unn kutu pa tar kə njê-njaje goe tə̂ kə gusu-tar. N̂-pa nan: «Marə dingaw dda ndɔɔ binyə. Nila ndoko n̂-guku nɛ̂n dɔɛ̂. Nuru buwa mə ər tə̂ mba kore nɛ̂n maann-binyə le. N̂-dda marə lo-kisi taar mba kaa nɛ̂n ndɔɔ le. Goe tə̂ a, ninya ndɔɔ le ji marə njê-kula binyəje tə̂ a, naw mba tə̂.

Marke 12:3

A njê-kulaje le uwɛ̂je undɛ̂je ngaâ tubbɛ̂je arə n̂-təl jia baa.

Luku 12:48

A nje-kula kə̂ nɛ̂n kə mə əbbeeje ndiki gərə ang le, bbo n̂-dda nɛ̂n kə̂ asə kunda a, dâ kundɛ̂ ngaji baa. Dəw kə̂ darɛ̂ nɛ̂n bo nya, dâ duju nɛ̂n bo nya jia tə̂. Dəw kə̂ dinya nɛ̂n jia tə̂ nya, dâ duje nɛ̂n nya tɔ.»

Luku 20:10

Nɛyn kuja kandə-ko asə a, nje-ndɔɔ le ula marə nje-kula laa rɔ njê-ddaje kula binyə tə̂ le karə duja kandə binyə le darə ddee nɛ̂n arɛ̂. A duwaje nje-kula le n̂-tundɛ̂je ngaâ n̂-tubbɛ̂je darə n̂-təl jia baa.

Ebərəje 1:1

Ləw, Lubba pa tar kə kajejedede gɔl banya nya kə gusu kə̂ dang dang ddəw tə̂ lə njê-kilaje mbər tar laa.