Luku 9:48 - Dɔnɔn kə̂ Siki: Tar kə̂ aw arə təbbə

⁴⁸ ngaâ n̂-pa narəde nan: «Dəw kə̂ taa ngonn nəənn kə rɔɛ̂ tə̂ kə rim a, əman njaa n̂-taam kə rɔɛ̂ tə̂ənn. A bbo dəw kə̂ taam kə rɔɛ̂ tə̂ a, taa dəw kə̂ ulam kə rɔɛ̂ tə̂ tɔ. Mba dəw kə̂ to ngaji baa horose tə̂ tɔyn, ne â n̂-to dəw kə̂ bo.»

Maketuru le Lubba ke tar kabba

⁴⁸ ngaa n̂-pa narede na: « Dew ke taa ngonn neenn ke rɔe te ke rim a, ema njaa n̂-taam ke rɔe teenn. A bbo dew ke taam ke rɔe te a, taa dew ke ulam ke rɔe te tɔ. Mba dew ke to ten baa horose te tɔyn, ne a n̂-to dew ke bo.»

Luku 9:48 Iomraidhean Croise

Matiye 18:10

«Aaje kə majɛ̂! Dang bba ə-yabbəje marə dəw kâra horo dəwje tə̂ kə̂ tɛn nəənn ang. M-pa marəse, anjəje ləde aw arje kə ndɔ tɔyn nɔn Bɔmje tə̂ darâ. [

Matiye 18:14

Ddəw kâra baa, Bɔsese kə̂ isi darâ ndiki karə marə dəw kâra horo dəwje tə̂ kə̂ tɛn nəənn nayn kɔrɔ̂ ang.»

Matiye 19:28

Jeju pa arəde nan: «M-pa tar kə̂ tɔkɔrɔ marəse, ndɔ kə̂ nɛ̂nje tɔyn a turuje tokə siki, kar tə̂ kə̂ Ngonn lə dəw a kisi ngende-mbay tə̂ kə̂ to nɛ̂n-piti, sese kə̂ unnje gom kara â kisije dɔ ngende-mbayje tə̂ dɔku gire joo, mba gangə sariya dɔ gəl-kuju ngann Ijarayɛlje tə̂ kə̂ dɔku gire joo tɔ.

Matiye 25:40

Yeenn ngaâ tɔkə mbay le a kilade tə̂ nan: ‹Tɔkɔrɔ njaa, m-pa marəse, kar tɔyn kə̂ ə-ddaje nɛ̂njeenn le kə marə ngakɔm kə̂ toje to dəwje kə̂ tɛn baa nəənn, nayn to əman â ə-ddaje səm.›

Matiye 25:45

A nâ kilade tə̂ nan: ‹Tɔkɔrɔ njaa, m-pa marəse, kar tɔyn kə̂ ngakɔm kə̂ toje to dəwje kə̂ tɛn nəənn, ə-ddaje nɛ̂njeenn le kə marɛ̂ ang a, yeenn to əman â ə-ddaje səm ang.›

Marke 9:37

«Dəw kə̂ taa marə ngonn kə̂ tokə ne nəənn kə rɔɛ̂ tə̂ kə rim a, əman njaa n̂-taam. Ngaa dəw kə̂ taam kə rɔɛ̂ tə̂ a, to dəw kə̂ ulam a n̂-tɛɛ̂ bbo to əman kə karəm ang.»

Luku 10:16

Jeju pa bbay nan: «Dəw kə̂ oo tar ləse a, to əman â noo tar ləm. Dəw kə̂ mbətəse a, to əman â n̂-mbətəm. Dəw kə̂ mbətəm a, ne kə̂ nulam â n̂-mbəte.»

Luku 14:11

Tɔkɔrɔ, dəw kə̂ dda rɔɛ̂ bo a, dâ dda karə n̂-ddee ngaji baa. A dəw kə̂ dda rɔɛ̂ ngaji, dâ dda karə n̂-ddee bo.»

Luku 22:26

A əngase to tokə baann ang. Maji karə dəw kə̂ bo horose tə̂ ddee tokə lə ngonn. Maji karə dəw kə̂ ɔn dɔ njê-marɛ̂je to tokə lə nje-kula.

Luku 22:30

mba karə usaje nɛ̂n ddəm ayje nɛ̂n ddəm dɔ tabələ tə̂ ləm mə Bbe-kɔn tə̂ ləm ngaâ karə isije ngende-mbayje tə̂, mba gangə sariya dɔ gəl-kuju ngann Ijarayɛlje tə̂ kə̂ dɔku gire joo.»

Luku 7:28

M-pa marəse: Horo dəwje tə̂ tɔyn kə̂ dɛnɛ̂nje ujujede, dəw kə̂ uta Jan goto. A dəw kə̂ to tɛn uta kəseje mə Bbe-kɔn tə̂ lə Lubba utɛ̂.

Tar kə̂ Maji kə̂ Jan dda makəturu tə̂ 13:20

Tɔkɔrɔ m-pa marəse: Dəw kə̂ taa dəw kə̂ mulɛ̂ kə rɔɛ̂ tə̂, nayn to əman njaa n̂-taam kə rɔɛ̂ tə̂ənn. Ngaâ, dəw kə̂ taam kə rɔɛ̂ tə̂ to dəw kə̂ taa dəw kə̂ ulam kə rɔɛ̂ tə̂ tɔ.»

Tar kə̂ Maji kə̂ Jan dda makəturu tə̂ 14:21

«Dəw kə̂ gərə nduje ləm ngaâ aw ngəm a, to dəw kə̂ ndikim. Dəw kə̂ ndikim a, Bɔmje a ndike. Əman kara mâ ndike ngaâ mâ tɔju rɔm karɛ̂.»

1 Tesalonisinyɛje 4:8

Yeenn bba bbo dəw kə̂ mbətə nduje nəənn a, to dəw â n̂-mbəte ang, Lubba kə̂ arəse Ndil-mə-nda laa â n̂-mbəte.

1 Piyɛr 5:6

Mba yeenn bba, maji karə ə-ddaje rɔse ngaji kɔ Lubba tə̂ kə̂ nje-singa-mɔngu. Baann bba bbo karɛ̂ asə a, nâ kuwase kə taar.

Apokalisi 21:14

Dɔsu ndoko le dɔ ərje tə̂ dɔku gire joo kə̂ dungu nɛ̂n gɔlɛ̂ ngaâ n̂-dda ri njê-kaw-kulaje kə̂ dɔku gire joo kə̂ toje to lə Ngonn batə le kar ərje tə̂ kə̂ dɔku gire joo le kâra kâra.

Apokalisi 3:21

Dəw kə̂ tətə ddɔ a, mâ karɛ ddəw karə nisi səm dɔ ngende-mbay tə̂ ləm tokə m-tətə ddɔ ngaâ maw misi kə Bɔmje dɔ ngende-mbay tə̂ laa le.