Luku 9:44 - Dɔnɔn kə̂ Siki: Tar kə̂ aw arə təbbə

⁴⁴ «Maji karə ə-tukaje mbise kə majɛ̂ ooje nɛ̂n tar nəənn. Dâ kuwa Ngonn lə dəw kulɛ̂ ji dəwje tə̂.»

Maketuru le Lubba ke tar kabba

⁴⁴ « Esese e-tukaje mbise ke maje ooje ne tar neenn. Da kuwa Ngonn le dew kulae ji dewje te.»

Luku 9:44 Iomraidhean Croise

Matiye 16:21

Dɔ ndɔɛ̂ tə̂ənn njaa, Jeju unn kutu pa kə ddaka karə njê-njaje goe tə̂ nan to tar laa ta kaw Jerujalɛm, ta koo ndoo ji tɔkəje tə̂ lə Jiipije kə mbayje lə njê-poloje Lubba kə njê-gərəje-Ndu. Dâ karə n̂-tɔlɛ̂ ta ndɔ mota goe tə̂ a, nâ ndol.

Matiye 26:2

«Ə-gərəje tɔyn to Pakə nayn ndɔ joo baa ngaa. Dâ kila Ngonn lə dəw ji dəwje tə̂ karə n̂-tɔlɛ̂ kakə-dəsə tə̂.»

Marke 8:31

Goe tə̂ a, Jeju unn kutu pa karə njê-njaje goe tə̂ nan: «Maji karə Ngonn lə dəw oo ndoo nya. Tɔkəje lə Jiipije kə mbayje lə njê-poloje Lubba kə njê-gərəje-Ndu mbəteje. Maji karə n̂-tɔlɛ̂je ngaâ ndɔ mota goe tə̂ a, n̂-ndol.»

Marke 9:31

Mba, naw tɔju nɛ̂n njê-njaje goe tə̂ ngaâ n̂-pa nan: «Dâ kuwa Ngonn lə dəw kulɛ̂ ji dəwje tə̂ karə n̂-tɔlɛ̂je ngaâ ndɔ mota goe tə̂ a, nâ ndol.»

Luku 1:66

Dəwje tɔyn kə̂ ooje tar le aw əjəje ngaâ paje nan Ngonn nəənn a to dəw ddi â nəənn wa? Tɔkɔrɔ njaa ji Əbbə-dəwje to dɔɛ̂ tə̂.

Luku 18:31

Jeju bbar njê-kaw-kulaje laa kə̂ dɔku gire joo kə rɔɛ̂ tə̂ ngaâ pa arəde nan: «Ooje, jaw jawje kə Jerujalɛm, nu le, nɛ̂nje tɔyn kə̂ njê-kilaje mbər tar lə Lubba ddaje Makəturu tə̂ dɔ Ngonn lə dəw tə̂ le a ddee to nɛ̂n kə̂ tɔkɔrɔ.

Luku 2:19

Mari ngəm nɛ̂njeenn tɔyn məɛ̂ tə̂, naw nəjə tə̂ tɔ.

Luku 2:51

Goe tə̂ a, n̂-tee naw kə de Najarɛtə. Noo tade. Kɔɛ̂nje ngəm nɛ̂njeenn tɔyn məɛ̂ tə̂.

Luku 24:44

Goe tə̂ a, n̂-pa narəde nan: «Nɛ̂n kə̂ m-pa marəse kar tə̂ kə̂ m-nayn kə se le â nəənn. Maji karə tar kə̂ dɔm tə̂ kə̂ mə makəturu-ndu tə̂ lə Mɔyijə kə makəturu tə̂ lə njê-kilaje mbər tar lə Lubba kə makəturu Sɔmje tə̂ ddee to nɛ̂n kə̂ tɔkɔrɔ.»

Luku 9:22

Jeju pa bbay nan: «Maji karə Ngonn lə dəw oo ndoo nya, maji karə tɔkəje lə Jiipije kə mbayje lə njê-poloje Lubba kə njê-gərəje-Ndu mbəteje, maji karə n̂-tɔlɛ̂je ngaâ ndɔ mota goe tə̂ a, n̂-ndol.»

Tar kə̂ Maji kə̂ Jan dda makəturu tə̂ 16:31

Jeju ilade tə̂ nan: «Bbasinɛn ooje məse tə̂ ngaa wa?

Tar kə̂ Maji kə̂ Jan dda makəturu tə̂ 16:4

M-pa marəse kete ta bbo karɛ̂ tee a, oleje məse to m-pa marəse mban.» «M-pa tar nəənn marəse kunn-kute tə̂ ang, mba m-nayn kə se bbay.

Tar kə̂ Maji kə̂ Jan dda makəturu tə̂ 19:11

Jeju ilɛ̂ tə̂ nan: «Bbo Lubba ari singa ang a, ee kə marə singa kâra dɔm tə̂ ang. Mba yeenn bba, dəw kə̂ ulam jii tə̂ â dda majang kə̂ bo nya.»

Kulaje 2:23

Jeju le dunnɛ̂ dulɛ̂ jise tə̂ ddəw kâra baa kə ndu kə̂ Lubba njaa unn tokə kete ddəm nɛ̂n kə̂ Lubba gɔl ləw baa ddəm. Uwɛ̂je ilɛ̂je ji dəwje tə̂ kə̂ maji ang arəje n̂-tɔlɛ̂je kakə-dəsə tə̂.

Ebərəje 2:1

Mba yeenn bba, maji karə juwaje tarje kə̂ joo le jarə ngəng. Baann ang a, ja ndəəmje ddəw.