Luku 9:41 - Dɔnɔn kə̂ Siki: Tar kə̂ aw arə təbbə

⁴¹ Jeju ilɛ̂ tə̂ nan: «See dəwje kə̂ mə-kunn ləse goto ddəm njê-nɛ̂n-ddaje kə̂ maji ang ddəm. Mâ nayn kə se be mba kumanse ndərəng ndɔ tə̂ kə̂ dda wa? Ə-ddee kə ngonni le nəənn.»

Maketuru le Lubba ke tar kabba

⁴¹ Jeju tel ke tar are na: « Ko-dewje ke ooje mede te ang, ke nje-ne-ddaje ke maji ang. Ma kisi ke se ta kumase be sar ndɔ baann wa? E-ddee ke ngonni le neenn.»

Luku 9:41 Iomraidhean Croise

Matiye 11:28

«Ə-ddeeje rɔm tə̂, sese tɔyn kə̂ nɛ̂n-koto aw ɔɔyse arə singase ɔru, mâ karə uwaje rɔse.

Matiye 12:39

Nilade tə̂ nan: «Dəwje kə̂ bbasinɛn kə̂ majije ang ddəm dəwje kə̂ pa-nja ləde to kə dannâ ang ddəm dujuje nɛ̂n-mɔri. A bbay nɛ̂n-mɔri kə̂ dâ koo â to nɛ̂n kə̂ inga Jonas kə̂ to nje-kila mbər tar lə Lubba.

Matiye 12:45

Yeenn ngaâ naw noto marə ndilje kə̂ maji ang nya utɛ̂ siri n̂-ddee kə de ngaâ dandəje mə kəy tə̂ le disije tə̂. Goe tə̂ a, kisi lə dəw le təl maji ang nya uta ye kə̂ kete. Nɛ̂n kə̂ a kinga dəwje kə̂ majije ang kə̂ bbasinɛn nəənn a to tokə baann tɔ.»

Matiye 16:4

Dəwje kə̂ bbasinɛn kə̂ majije ang ddəm dəwje kə̂ pa-nja ləde to kə dannâ ang ddəm dujuje nɛ̂n-mɔri. A bbay nɛ̂n-mɔri kə̂ dâ koo â to nɛ̂n kə̂ inga Jonas kə̂ to nje-kila mbər tar lə Lubba.» Goe tə̂ a, Jeju inyade a ɔtu.

Matiye 17:17

Jeju pa nan: «See dəwje kə̂ mə-kunn ləse goto nəənn, mâ nayn kə se be mba ndɔ baânn wa? Mâ kumanse mba ndɔ baânn bbay wa? Ə-ddeeje kə ngonn le arəmje.»

Matiye 23:36

Tɔkɔrɔ m-pa marəse, sariya nɛ̂njeenn tɔyn a koso dɔ dəwje tə̂ kə̂ bbokənɛn nəənn.»

Matiye 3:7

Jan oo Parijinyɛje kə Sadusinyɛje nya nya kə̂ aw ddeeje karə n̂-ddade batɛm le a, n̂-pa narəde nan: «See əmbakaraje, nân bba tɔjuse karə aynje sariya lə Lubba kə̂ aw ddee wa?

Marke 10:14

Jeju oo nɛ̂ɛnn le a, nəəle ang ngaâ pa arə njê-njaje goe tə̂ le nan: «Inyaje ngannje kə̂ mbatə arəje ddeeje rɔm tə̂ bbo ɔkujede ddəw ang. Mba Bbe-kɔn lə Lubba to mba dəwje kə̂ toje tokə dede.

Marke 10:49

Jeju ar lo kâra ngaâ pa nan: «Ə-bbarɛ̂je.» Dəwje le bbarɛ̂je ngaâ paje arɛ̂ nan: «Ə-dda singa in taar, naw bbari!»

Marke 9:19

Jeju pa arəde nan: «See dəwje kə̂ mə-kunn ləse goto nəənn, mâ nayn kə se be mba ndɔ baânn wa? Mâ kumanse mba ndɔ baânn bbay wa? Ə-ddeeje kə ngonn le arəmje.»

Luku 8:25

Jeju pa arə njê-njaje goe tə̂ le nan: «Mə-kunn ləse to dda wa?» Bbəəl uta dɔde ddəm dɔde ayn ddəm ngaâ n̂-paje darə naan nan: «Dəw nəənn to dəw ddi wa? Mba n̂-ndangə nɛ̂n a, ləl kə maann kara ooje tɛɛ̂.»

Luku 9:40

M-duju njê-njaje goi tə̂ karə n̂-tubbaje ndil le a, dumanje nɛ̂n pin.»

Luku 9:42

Ngonn le aw ddee ngɔsi kə Jeju a, ndil kə̂ maji ang le unnɛ̂ ilɛ̂ nangə̂ ngaâ aw yəke kə singa. A Jeju ndangə ndil kə̂ maji ang le. Naji ngonn le ngaâ n̂-təl saa narə bɔɛ̂je.

Tar kə̂ Maji kə̂ Jan dda makəturu tə̂ 14:9

Jeju ilɛ̂ tə̂ nan: «Pilipi, ləw baa kə̂ mee kə se nəənn njaa, ə-nayn ə-gərəm ang bbay wa? Dəw kə̂ oom a, oo Bɔ. A ə-pa nan m-tɔjuse Bɔ tokə baânn wa?

Tar kə̂ Maji kə̂ Jan dda makəturu tə̂ 20:27

Ngaâ, n̂-pa narə Toma nan: «Ula ngaw jii kə nəənn, aa jimje nəənn oo, ta ula jii karəm tə̂ le. Ə-mayn tar ang ngaa, koo njaa oo məi tə̂.»

Kulaje 13:18

N̂-ngəmde ngɔsi kə bbal dɔsɔ mə kɔr tə̂.

Kulaje 2:40

Piyɛr pa tarje dang dang mba kɔru nɛ̂n naji ddəm mba karə dubbaje nɛ̂n singa ddəm. N̂-pa nan: «Ə-teeje horo njê-mə-majangje tə̂ kə̂ bbasinɛn nəənn kə ddang arəje Lubba ajise.»

Rɔmɛnje 2:4

Lubba aw dda maji səi nya. N̂-ndiki ta gangə sariya dɔi tə̂ kə tɔkɛ̂ ang. Naw nooi kə kəmɛ̂, a oo nɛ̂njeenn to nɛ̂n kə̂ baa wa? Ə-gərə to Lubba aw dda səi mə-maji baann karə ə-turu məi ang wa?

Ebərəje 3:19

Mba joo a, dandəje dɔ nangə kuwa-rɔ tə̂ le ang, mba dooje məde tə̂ ang.

Ebərəje 4:11

Mba yeenn bba, maji karə n-ddaje singa ta tee lo kuwa-rɔ tə̂ le. Baann bba dəw kâra horoje tə̂ a koso tokə lə kajejedede kə̂ ddaje dɔ-kətərə le ang.

Ebərəje 4:2

Mba ndu Lubba kə̂ unn ngaâ dila mbəre darə kajejedede le dila mbəre darəje tɔ. A Tar kə̂ Maji nəənn kə̂ dooje le dda marə nɛ̂n kâra rɔde tə̂ ang, mba dəwje kə̂ ooje tar le ooje nɛ̂n məde tə̂ ang ddəm.

Ebərəje 7:25

Mba yeenn bba, dəwje kə̂ aw ddeeje ngɔsi kə Lubba ddəw tə̂ laa le, nasə ta kajide nyɔm kə ləw. Mba n̂-nayn kəm baa kə ndɔ tɔyn arə nasə ta duju Lubba mba tar ləde.