Luku 9:18 - Dɔnɔn kə̂ Siki: Tar kə̂ aw arə təbbə

¹⁸ Marə ndɔ, Jeju ɔru rɔɛ̂ aw duju Lubba ngaâ njê-njaje goe tə̂ mbɔnje naan rɔɛ̂ tə̂ a, n̂-dujude nan: «Dəwje aw paje nan m-to nân wa?»

Maketuru le Lubba ke tar kabba

¹⁸ Mare ndɔ ke Jeju ɔru rɔe aw duju Lubba ngaa nje-njaje goe te isije saa a n̂-dujude na: « Dewje paje na m-to na wa?»

Luku 9:18 Iomraidhean Croise

Matiye 14:23

N̂-tubba dəwje kə̂ banya le. Goe tə̂ a, naal marə ddingiri ddəw əw ta duju Lubba. Lo-kul a, n̂-nayn lo tə̂ənn le kə karɛ̂ baa.

Matiye 26:36

Goe tə̂ a, Jeju aw kə njê-njaje goe tə̂ le lo tə̂ kə̂ daw bbar nan Jetesemane ngaâ n̂-pa narəde nan: «Isije lo tə̂ nəənn, a əman, mâ kaw duju Lubba lo tə̂ kə̂ yoonn.»

Luku 11:1

Marə ndɔ Jeju aw duju Lubba marə lo tə̂. N̂-duju Lubba tɔyn n̂-tunga a, marə nje-nja goe tə̂ pa arɛ̂ nan: «Əbbə-dəwje, ə-tɔjuje gusu duju Lubba tokə Jan tɔju njê-njaje goe tə̂.»

Luku 3:21

Kete bba karə duwa Jan le, Jan dda batɛm dəwje ngaâ n̂-dda Jeju batɛm tɔ. Kar kə̂ Jeju aw duju Lubba a, dara təəyn,

Luku 6:12

Mə ndɔje tə̂ənn njaa Jeju aal marə ddingiri ngaâ duju Lubba. N̂-duju Lubba tile tə̂ənn le nyɔm.

Luku 9:19

Dilɛ̂je tə̂ nan: «Nan ə-to Jan-Batisi, marɛ̂je paje nan ə-to Eli, marɛ̂je bbay paje nan ə-to marə nje-kila mbər tar lə Lubba kə̂ ləw horo marɛ̂je tə̂ kə̂ oyje â ə-ndol.»

Luku 9:28

Ndɔ jijoo go tarje tə̂ənn le a, Jeju aw kə Piyɛr kə Jan kə Jakə dɔ ər tə̂ mba duju Lubba.

Luku 9:29

Kar tə̂ kə̂ naw duju Lubba a, kəmɛ̂ turu to dang ngaâ kubbuje laa kara turu nda kayn kayn.