Luku 9:11 - Dɔnɔn kə̂ Siki: Tar kə̂ aw arə təbbə

¹¹ A dəwje kə̂ banya le gərəje tarɛ̂ ngaâ ɔruje goe. Jeju taade kə rɔɛ̂ tə̂ ngaâ pa tar kɔn-mbay lə Lubba arəde ddəm aji njê-rɔ-toje kə̂ ndikije karə najide ddəm.

Maketuru le Lubba ke tar kabba

¹¹ A dewje ke banya gereje tare ngaa ɔruje goe. Jeju taade ke rɔe te ngaa pa tar *Kɔn̂-bbe le Lubba arede ddem, ɔru rɔ-to rɔ dewje te ke ndikije kare nɔru rɔ-to rɔde te ddem.

Luku 9:11 Iomraidhean Croise

Matiye 12:15

Jeju oo tar tɔlɛ̂ le a, ɔtu lo tə̂ənn kə ddang. Dəwje tokə banya unnje goe ngaâ naji njê-rɔ-toje tɔyn.

Matiye 14:14

Jeju in mə tɔkə to tə̂ le uru nangə̂ ngaâ oo dəwje kə̂ banya le a, ddɛɛ̂ ndoo ngaâ naji njê-rɔ-toje.

Matiye 21:31

Jeju dujude nan: «Horo ngannje tə̂ kə̂ joo nəənn, ne kə̂ dda â n̂-dda nɛ̂n kə̂ bɔɛ̂je ndiki wa?» Dilɛ̂je tə̂ nan: «Ne kə̂ dɔngɔr.» Jeju pa arəde nan: «Tɔkɔrɔ njaa, m-pa marəse, njê-taaje narɛ lambo kə dɛnɛ̂n njê-kayaje a kandəje mə Bbe-kɔn tə̂ lə Lubba dɔngɔr karəse.

Matiye 21:43

Mba yeenn bba, m-pa marəse: Lubba a kɔru Bbe-kɔn laa jise tə̂ karə marə gəl-dəwje kə̂ a ddaje kula kə̂ maji.

Luku 1:53

Narə nɛ̂n-kinga njê kə̂ bbo ddade ngaâ n̂-tubba njê-nɛ̂n-kingaje jide baa.

Luku 5:31

Jeju ilade tə̂ nan: «Dəwje kə̂ rɔde to kə majɛ̂ aw ndikije ta koo nje-karə-kuman ang, dəwje kə̂ rɔde tode bba.

Luku 8:1

Goe tə̂ a, Jeju nja tɔkə bbeje tə̂ kə ngann bbeje tə̂, aw pa tar lə Lubba ngaâ aw ila mbər Tar kə̂ Maji dɔ kɔn-mbay tə̂ lə Lubba. Njê-kaw-kulaje laa kə̂ dɔku gire joo awje saa ddəm

Luku 8:10

Nila tə̂ nan: «Sese, darə ə-gərəje tar kɔn-mbay lə Lubba kə̂ to tar kə̂ iya rɔɛ̂. A kəseje, n̂-pa tarɛ̂ darəde ddəw gusu-tar tə̂ bba karə daaje lo a, dooje nɛ̂n ang ddəm dooje tar a, n̂-ngərəje kandɛ̂ ang ddəm.»

Luku 9:10

Njê-kaw-kulaje lə Jeju le təlje ngaâ n̂-paje tar nɛ̂nje tɔyn kə̂ n̂-ddaje darɛ̂. Jeju ɔrude kə karəde baa aw kə de ddəw əw, ər kə tɔkə bbe tə̂ kə̂ ria nan Betesayida.

Luku 9:12

Lo aw ndul ngaâ njê-kaw-kulaje lə Jeju ngəsəje kə rɔɛ̂ tə̂ paje arɛ̂je nan: «Ə-tubba dəwje kə̂ banya nəənn arə daw toje dɔ-ndɔɔ̂ kə ngann bbeje tə̂ kə̂ ngɔsi nəənn ta dinga nɛ̂n-kusa, mba lo kə̂ jar tə̂ nəənn to mə kɔr baa.»

Luku 9:2

Nulade karə dila mbər tar kɔn-mbay lə Lubba darə dəwje ddəm karə daji njê-rɔ-toje ddəm.

Tar kə̂ Maji kə̂ Jan dda makəturu tə̂ 4:34

Jeju pa arəde nan: «Nɛ̂n-kusa ləm to ənga dda nɛ̂n kə̂ mə Lubba kə̂ ulam ndiki, ta dda kula kə̂ narəm le tunga.

Tar kə̂ Maji kə̂ Jan dda makəturu tə̂ 6:37

Dəwje tɔyn kə̂ Bɔmje arəm a ddeeje rɔm tə̂. Ngaâ dəw kə̂ ddee rɔm tə̂ a, mâ kilɛ̂ ddaka ang.

Kulaje 28:31

Nila mbər kɔn-mbay lə Lubba ngaâ n̂-tɔju nɛ̂n dɔ Əbbə-dəwje Jeju-Kristə tə̂ kə bbəəl ang. Marə dəw ɔkɛ̂ ddəw ang.

Rɔmɛnje 10:14

Bbo dəwje ooje məde tə̂ kə Əbbə-dəwje ang a, dâ bbarɛ̂je tokə baânn wa? Bbo dəw ila mbər tar laa arə dooje ang a, dâ kunnje məde tokə baânn wa? Ngaâ bbo nje-pa tar laa karəde goto a, dâ kooje tar laa tokə baânn wa?

Rɔmɛnje 10:17

Yeenn a, mə-kunn ddee ddəw tar tə̂ kə̂ dəw aw oo, tar le to tar lə Kristə.

Rɔmɛnje 15:3

Mba Kristə le, nɛ̂n kə̂ nəəle â sangə ang. A Makəturu lə Lubba pa nan: «Nɛ̂n-tajije kə̂ dəwje aw tajije oso dɔm tə̂.»

2 Timɔte 4:2

karə ila mbər tar lə Lubba, ə-təl dɔɛ̂ tə̂ kə kar tɔyn kə kar kə̂ maji ddəm maji ang ddəm. Maji karə ə-tɔjude majang ləde, ə-ndangəde, ə-dda arə dubbaje singa. Maji karə ə-tɔ wuri ddəwe tə̂ ta arə bbo nɛ̂n-tɔju ddai.

Ebərəje 4:16

Yeenn a, maji karə n-ddeeje ngɔsi kə ngende-mbay lə Lubba kə̂ to nje-mə-maji ta jarə məje oso pɔn. Baann bba nâ koo kəm-to-ndoo ləje ngaâ nâ dda kə je mə-maji ta nâ kumanje mə karje tə̂ kə̂ asə karə numanje.