Luku 8:54 - Dɔnɔn kə̂ Siki: Tar kə̂ aw arə təbbə

⁵⁴ A Jeju uwa ji ngonn le ngaâ pa kə gɔsu kə̂ mɔngu nan: «Ngonn, in taar!»

Maketuru le Lubba ke tar kabba

⁵⁴ A Jeju uwa ji ngonn ke dene le ngaa pa ke gɔsu ke mɔngu na: « Ngonn, in taar!»

Luku 8:54 Iomraidhean Croise

Matiye 9:25

N̂-tubbaje dəwje kə̂ banya le darə teeje ddaka ngaâ Jeju andə kə̂y le, nuwa ji ngonn kə̂ dɛnɛ̂n le ngaâ in taar.

Marke 1:31

Jeju ddee ngɔsi saa, uwa jia arə nin taar. A rɔɛ̂ kə̂ tunga le wul ngaâ nunn kutu karəde nɛ̂n-kusa.

Marke 8:23

Nuwa ji nje-kəm-tɔ le, n̂-tee saa mə bbe tə̂ le kə ddang. N̂-dda maann tɛɛ̂ nɔru nɛ̂n kəmɛ̂ ngaâ nila jia kəmɛ̂ tə̂. Goe tə̂ a, n̂-duje nan: «Oo marə nɛ̂n wa?»

Marke 9:27

A Jeju uwa ji ngonn le ndɔrɛ̂ arə nin nar taar.

Luku 8:51

Jeju ddee tee kə̂y le a, mbətə ta karə dəwje andəje saa kə̂y. Piyɛr kə Jan kə Jakə kə bɔ ngonnje le kə kɔn ngonnje le â ninya ddəw narə dandəje saa kə̂y.

Luku 8:53

Dəwje le aw kokoje Jeju, mba n̂-gərəje to ngonn le oy mban.

Luku 8:55

Ndil ngonn kə̂ dɛnɛ̂n le təl rɔɛ̂ tə̂, a kar tə̂ənn njaa nin taar ngaâ Jeju pa arəde karə darɛ̂ nɛ̂n nusa.

Tar kə̂ Maji kə̂ Jan dda makəturu tə̂ 11:43

Go tar tə̂ənn a, nuru əkii kə taar nan: «Lajar ə-tee.»

Tar kə̂ Maji kə̂ Jan dda makəturu tə̂ 5:21

Ddəw kâra baa tokə Bɔ aw ndol dəwje kə̂ oyje ngaâ arə disije kəm baa le, Ngonn aw dda arə dəw isi kəm baa tokə məɛ̂ ndiki tɔ.

Kulaje 9:40

Piyɛr arə dəwje tɔyn teeje ddaka ngaâ ungu məkəjə-gɔlɛ̂ nangə̂ duju Lubba. Goe tə̂ a, n̂-turu rɔɛ̂ kə rɔ niinn tə̂ le ngaâ n̂-pa nan: «Tabita, in taar.» Tabita le təəyn kəmɛ̂. Noo Piyɛr le a, nin nisi taar.

Rɔmɛnje 4:17

tokə Lubba pa tarɛ̂ Makəturu tə̂ laa nan: «Mundai to bɔ gəl-dəwje kə̂ banya.» Kəm Lubba tə̂ kə̂ noo məɛ̂ tə̂ saa le, Abaraham to bɔjeje. Lubba kə̂ arə təbbə dəwje kə̂ oyje ngaâ aw dda arə nɛ̂nje kə̂ toje ang bbay toje.