Luku 8:41 - Dɔnɔn kə̂ Siki: Tar kə̂ aw arə təbbə

⁴¹ Marə dingaw kə̂ ria nan Jayirus kə̂ to nje-kɔn dɔ kəy mbɔn-naan lə Jiipije ddee, n̂-tee noso nangə̂ nɔn gɔl Jeju tə̂, n̂-dda rɔɛ̂ to ndoo karə naw mə kəy tə̂ laa,

Maketuru le Lubba ke tar kabba

⁴¹ Ngaa mare dingaw ke ria na Jayirusu, n̂-to nje-kɔn dɔ *key-mbɔn̂-naa le *Jiipije, n̂-ddee, n̂-tee noso nangê nɔ gɔl Jeju te, n̂-nduje ta kare naw me key te laa,

Luku 8:41 Iomraidhean Croise

Luku 13:14

A nje-kɔn dɔ kəy mbɔn-naan le rɔɛ̂ nəəle ang, mba Jeju aji dəw ndɔ-kuwa-rɔ tə̂. N̂-pa narə dəwje kə̂ banya le nan: «Ndɔ misan to mba dda nɛ̂n kula. Maji karə ə-ddeeje arə dajise mə ndɔje tə̂ənn bbo ə-ddeeje ndɔ-kuwa-rɔ tə̂ ang.»

Luku 17:16

Noso nangə̂, n̂-dəbbə kəmɛ̂ kə nangə̂ nɔn gɔl Jeju tə̂ ngaâ narɛ̂ wooyo. N̂-to dəw kə̂ Samari.

Luku 5:8

Simɔn Piyɛr oo baann a, ɔsu məkəjə-gɔlɛ̂ nɔn gɔl Jeju tə̂ pa nan: «Əbbəmje, maji karə aw ddəw əw səm mba m-to nje-nɛ̂n-dda kə̂ maji ang.»

Luku 8:42

mba ngonnɛ̂ kə̂ dɛnɛ̂n kə̂ to ngonn-kâra kə̂ bbalɛ̂ asə dɔku gire joo a ta koy. Jeju aw aw kə kə̂y le a, dəwje kə̂ banya ubbɛ̂je njang.

Luku 8:49

Kar tə̂ kə̂ Jeju aw pa tar bbay a, marə dəw in bbeê lə Jayirus le ddee pa arə Jayirus nan: «Ngonni le oy mban. Ə-jɔku nje-nɛ̂n-tɔju ang ngaa.»

Tar kə̂ Maji kə̂ Jan dda makəturu tə̂ 11:21

Martə pa arə Jeju nan: «Əbbə-dəwje, bbo ee nəənn kete a, ngokɔnʼm a koy ang.

Kulaje 13:15

N̂-turaje makəturu-ndu kə makəturu lə njê-kilaje mbər tar lə Lubba a, njê-kɔnje dɔ kəy mbɔn-naan lə Jiipije le arə n̂-paje darəde nan: «Ngakɔnjeje, bbo eeje kə marə tar ta pa karə dəwje nəənn karə arəde singa a, ə-paje.»

Kulaje 18:17

Dede tɔyn duwaje Sostɛnn kə̂ to nje-kɔn dɔ kəy mbɔn-naan lə Jiipije le n̂-tundɛ̂je ta-kəy gangə sariya tə̂ le. A Galiyɔn aa lo kə tə̂ ang.

Kulaje 18:8

Krispus kə̂ to nje-kɔn dɔ kəy mbɔn-naan lə Jiipije unn məɛ̂ arə Əbbə-dəwje, ne de kə njê kə̂ kə̂y laa tɔyn. Marə dəwje kə̂ Kɔrɛntə nya ooje tar kə̂ Pɔl tɔju le. Dooje məde tə̂ ngaâ dingaje batɛm.

Kulaje 9:38

Njê-njaje go Jeju tə̂ kə̂ eeje bbe tə̂ kə̂ Jope ooje nan Piyɛr ee bbe tə̂ kə̂ Lida kə̂ əw kə Jope ang. Yeenn bba, dulaje dəwje joo darə Piyɛr le nan: «N-wali nya, ə-ddee njangə rɔje tə̂ bba.»

Apokalisi 5:8

N̂-taa makəturu le a, nɛ̂nje sɔ kə̂ toje kəm baa le kə tɔkəje kə̂ dɔjoo gire sɔ le ɔsuje məkəjə-gɔlde nangə̂ nɔɛ̂n tə̂. Konde kə əngo-narɛje kə̂ yambo ddusu toje jide tə̂ kâra kâra tɔyn. Yambo le to duju lə dəwje lə Lubba.