Luku 8:33 - Dɔnɔn kə̂ Siki: Tar kə̂ aw arə təbbə

³³ Ndilje kə̂ maji ang le teeje rɔ dingaw tə̂ le aw andəje mə bərəje tə̂ le ngaâ kusu bərəje le inje ta kongo tə̂ kə ngɔru gaynje maânn oyje.

Maketuru le Lubba ke tar kabba

³³ Ndilje ke maji ang le teeje me dingaw te le aw andeje me kusu bereje te le ngaa kusu bereje le inje dɔ kongo te ke ngɔru gaynje maânn oyje.

Luku 8:33 Iomraidhean Croise

Matiye 8:32

Jeju pa arəde nan: «Awje!» Ndilje kə̂ maji ang le teeje mə dingawje tə̂ le aw andəje mə bərəje tə̂ le. A, a ta koo a, kusu bərəje le tɔyn inje dɔ kongo tə̂ kə̂ ndəw tosoje mə dangə maann tə̂ le oyje mə maann tə̂ le tɔyn.

Luku 5:1

Marə ndɔ Jeju ar mbɔr dangə maann tə̂ kə̂ Jenejarɛtə. Dəwje kə̂ banya gukuje dɔɛ̂ ngaâ daw dubbaje naan mba koo tar lə Lubba kə̂ naw pa.

Luku 8:32

Kar tə̂ənn, kusu bərəje kə̂ banya aw usaje nɛ̂n ta kongo tə̂ lo tə̂ənn le. Ndilje kə̂ maji ang le ddaje rɔde to ndoo rɔ Jeju tə̂ karə narəde ddəw narə dandəje mə bərəje tə̂ le ngaâ narəde ddəw.

Luku 8:34

Njê kə̂ aw ngəmje bərəje le ooje nɛ̂n kə̂ to le a, aynje ngaâ aw paje tarɛ̂ tɔkə bbe tə̂ kə ngann bbeje tə̂.

Tar kə̂ Maji kə̂ Jan dda makəturu tə̂ 8:44

Bɔsese to əsu le arə ə-ndikije ta dda nɛ̂n kə̂ bɔsese ndiki. N̂-to nje-tɔl dəwje kunn-kutu nɛ̂n tə̂ nu. Nar dɔ tar tə̂ kə̂ tɔkɔrɔ ndɔ kâra ang, mba tar kə̂ tɔkɔrɔ to məɛ̂ tə̂ ang. Bbo naw nərə ngəm a, to tarje kə̂ inje məɛ̂ tə̂ njaa â naw pa. Mba n̂-to nje-ngəm ddəm n̂-to bɔ ngəm ddəm.

1 Piyɛr 5:8

Maji karə ə-gərəje dɔ jise. Arəje kəmse kətərə. Əsu kə̂ to Nje-baan ləse aw gukuse tokə lə ənam kə̂ aw nɔn. Naw sangə dəw ta kusɛ̂.

Apokalisi 9:11

Tɔkə mbay ləde to anjə kə̂ to mə tɔkə buwa tə̂ kə̂ sunrɛ̂ goto le. Ria kə ndɔn-tar lə ebərəje nan Abadɔn, a kə ndɔn-tar lə gerekəje nan Apolinyɔ. Kandə ri le nan «Nje-nɛ̂n-tuju».