Luku 8:24 - Dɔnɔn kə̂ Siki: Tar kə̂ aw arə təbbə

²⁴ Njê-njaje goe tə̂ le ddeeje ngɔsi saa ngaâ n̂-ndoleje n̂-paje nan: «Əbbə-dəwje, Əbbə-dəwje, ja nayn bbo!» N̂-ndol ngaâ n̂-ndangə bamburanbo le ddəm maann kə̂ aw ləngə le ddəm narə əwje rɔde ngaâ lo to nyɛnɛnɛ.

Maketuru le Lubba ke tar kabba

²⁴ Nje-njaje goe te le ddeeje ngɔsi saa ngaa n̂-ndoleje n̂-paje na: « Ebbejeje, Ebbejeje, ja koy!» N̂-ndol ngaa n̂-ndange *bamburabo ke maann ke aw lenge le nare dewje rɔde ngaa lo to nyenene.

Luku 8:24 Iomraidhean Croise

Matiye 14:30

A Piyɛr oo ləl kə̂ aw ula kə singa nya le a, n̂-bbəəl ngaâ nunn kutu dii. Nuru əkii nan: «Əbbə-dəwje, ajim!»

Matiye 8:25

Njê-njaje goe tə̂ awje ngɔsi saa aw ndoleje ngaâ paje arɛ̂je nan: «Əbbə-dəwje, ajije! Ja nayn!»

Marke 4:39

Jeju ndol, n̂-ndangə bamburanbo le ngaâ n̂-pa narə maann le nan: «Ə-to ddekeke, əw rɔi!» Yeenn ngaâ bamburanbo le əw rɔɛ̂ ngaâ lo to nyɛnɛnɛ.

Luku 4:35

Jeju ndangə ndil le pa nan: «Utu tai bbo ə-tee rɔ dingaw tə̂ nəənn kə ddang.» Ndil kə̂ maji ang le unn dingaw le ilɛ̂ nangə̂ kəm dəwje tə̂ ngaâ tee kə ddang, a nɛ̂n kə̂ maji ang kâra njaa ndil le dda kə dingaw le ang.

Luku 4:39

N̂-bbunga kə dɔ dɛnɛ̂n tə̂ le, nin kə rɔ-to le ngaâ rɔ-to le inya dɛnɛ̂n le. Kar tə̂ənn njaa, dɛnɛ̂n le in taar unn kutu karəde nɛ̂n-kusa.

Luku 5:5

Simɔn ilɛ̂ tə̂ nan: «Əbbə-dəwje, n-dda ndɔn til tə̂ ndərəng lo arɛ, a jinga nɛ̂n kâra ang. A bbo baann a, mâ kila ddəngəje le tokə tai pa.»

Luku 8:25

Jeju pa arə njê-njaje goe tə̂ le nan: «Mə-kunn ləse to dda wa?» Bbəəl uta dɔde ddəm dɔde ayn ddəm ngaâ n̂-paje darə naan nan: «Dəw nəənn to dəw ddi wa? Mba n̂-ndangə nɛ̂n a, ləl kə maann kara ooje tɛɛ̂.»