Luku 8:15 - Dɔnɔn kə̂ Siki: Tar kə̂ aw arə təbbə

¹⁵ Kandə-ko kə̂ gayn dɔ nangə tə̂ kə̂ maji le tɔju njê kə̂ ooje tar lə Lubba kə mə kə̂ maji kə mə kə̂ gatə gatə, a n̂-ngəmje tar le, duwaje darə ngəng ngaâ n̂-naynje daw dandəje kandə.»

Maketuru le Lubba ke tar kabba

¹⁵ Kande ko ke gayn dɔ nange te ke maji tɔju nje ke ooje tar le Lubba ke me ke maji, ke me ke gate gate, a n̂-ngemje tar le, duwaje dare ngeng ngaa dandeje ndɔ ke ndɔ.»

Luku 8:15 Iomraidhean Croise

Matiye 24:13

A dəw kə̂ uwa arə ngəng ndərəng tee kɔnyɛ̂ tə̂ a, a kinga kaji.

Luku 11:28

A Jeju ilɛ̂ tə̂ nan: «Uta tɔyn, maji arə dede kə̂ dooje tar lə Lubba a, ngəmje.»

Luku 6:45

Nɛ̂nje kə̂ maji inje mə dəw tə̂ kə̂ maji. A nɛ̂nje kə̂ maji ang inje mə dəw tə̂ kə̂ maji ang. Mba nɛ̂n kə̂ ddusu mə dəw â aw tee ddəw tar tə̂ kə̂ tɛɛ̂ tə̂.»

Luku 8:14

Kandə-ko kə̂ gayn horo kakə konnje tə̂ tɔju dəwje kə̂ ooje tar lə Lubba le ngaâ ɔtuje a, kəjə-tar kə nɛ̂n-kingaje kə rɔ-nəəlje kə̂ dɔ nangə tə̂ ɔrede kə nangə̂ karə dandə kandə kə majɛ̂ ang.

Luku 8:16

«Ndɔ kâra dəw ila puru lambe tə̂ a, unn marə bay-sambe dəbbə nɛ̂n ang. Wase dəw le unn lambe le unda kɔ tira tə̂ ang. Nunda lambe le dɔ marə nɛ̂n tə̂ taar mba karə dəwje kə̂ aw andəje kəy le ooje nɛ̂n lo.

Tar kə̂ Maji kə̂ Jan dda makəturu tə̂ 14:15

«Bbo ə-ndikimje a, â ddaje nɛ̂n kə turu nduje ləm.

Tar kə̂ Maji kə̂ Jan dda makəturu tə̂ 15:10

Bbo ə-ngəmje nduje ləm a, mâ nayn kaw ndikise. Ddəw kâra baa tokə m-ngəm nduje lə Bɔmje ngaâ nayn aw ndikim.

Rɔmɛnje 2:7

Marə dəwje sangəje ddəw ta dda maji kə ndɔ tɔyn mba karə Lubba pitide, karə n̂-walde ngaâ karə narəde təbbə kə̂ a tuju ang. Lubba a karəde təbbə kə̂ to kə ndɔ kə ndɔ.

Rɔmɛnje 6:22

A bbasinɛn, Lubba ɔruse bbərə tə̂ lə majang kə ddang arə ə-ddeeje to bbərəje laa. Nɛ̂n kə̂ goe tə̂ to rɔse kə̂ ə-ngəmje dang mba Lubba ngaa. Tee kɔnyɛ̂ tə̂ a, â kingaje təbbə kə̂ to kə ndɔ kə ndɔ.

Rɔmɛnje 7:18

Mba m-gərə to marə nɛ̂n kə̂ maji goto rɔm tə̂, rɔm əman tə̂ kə̂ mubba singa ang nəənn. Tɔkɔrɔ, bbo dda nɛ̂n kə̂ maji to məm tə̂ njaa. A mubba singa kə̂ ta dda nɛ̂n nɛ̂n le ang.

Rɔmɛnje 7:4

Ngakɔnʼmje, nɛ̂ɛnn le to ddəw kâra baa mba tar ləse tɔ. Ə-toje tokə dəwje kə̂ oyje arə Ndu ubba singa dɔse tə̂ ang, mba ə-ddeeje kâra baa kə Kristə. Yeenn a, ə-toje to dəwje laa, ne kə̂ noy ngaâ n̂-ndol le. Baann bba ja kasəje ta dda nɛ̂n kə̂ maji kəm Lubba tə̂.

Rɔmɛnje 8:25

A bbo jooje nɛ̂n kə kəmje ang bbay bba jaw jundaje məje dɔɛ̂ tə̂ a, jilaje məje pɔn jaw nginanje nɛ̂n nɛ̂ɛnn le.

1 Kɔrɛntinyɛje 7:19

Kuja ganja wase kuja ganja ang dda marə nɛ̂n kâra ang. Ngəm nduje lə Lubba â to nɛ̂n kə̂ ngəng.

Epɛjinyɛje 2:8

Mə-maji lə Lubba â aji nɛ̂n se ddəw koo kə̂ ooje məse tə̂ saa, bbo ə-ddaje marə nɛ̂n kâra mbɛɛ̂ ang. To nɛ̂n kə̂ Lubba arəse baa.

Pilipinyɛje 1:11

Jeju-Kristə a dda karə kulaje kə̂ gatə gatə dɔrɔ â ə-ddaje. Â kɔsuje gaji Lubba ngaâ â piteje ddəw nɛ̂nje tə̂ənn le.

Kolosinyɛje 1:10

Yeenn bba pa-nja ləse a to tokə ye kə̂ Əbbə-dəwje ndiki ngaâ â ddaje nɛ̂n kə̂ nəəle kə ndɔ tɔyn. Â ddaje kulaje kə̂ maji dang dang ngaâ â gərəje Lubba kə kete kete.

Kolosinyɛje 1:6

Tar kə̂ Maji nəənn le aw andə kandə aw nɛ̂n kə kete kete dɔ nangə tə̂ tɔyn. Kar kə̂ Tar le tee bbeê ləse le to tokə baann tɔ, unn kute ndɔ tə̂ kə̂ ooje nɛ̂n tar mə-maji kə̂ tɔkɔrɔ kə̂ Lubba dda kə se le.

Ebərəje 10:36

Maji karə uwaje arə ngəng bba â ddaje nɛ̂n kə̂ mə Lubba ndiki. Ngaâ goe tə̂ a, â kingaje nɛ̂n kə̂ nunn ndue ta karəse.

Ebərəje 2:1

Mba yeenn bba, maji karə juwaje tarje kə̂ joo le jarə ngəng. Baann ang a, ja ndəəmje ddəw.

Jakə 1:4

A maji karə kore-wur ləse dda kula kə̂ maji tɔyn, bba karə ə-ddeeje to dəwje kə̂ maji tɔyn ddəm karə marə nɛ̂n duse ang ddəm.

1 Jan 2:3

Bbo n-ngəmje ndu lə Lubba a, yeenn tɔju to n-gərəje Lubba.