Luku 8:14 - Dɔnɔn kə̂ Siki: Tar kə̂ aw arə təbbə

¹⁴ Kandə-ko kə̂ gayn horo kakə konnje tə̂ tɔju dəwje kə̂ ooje tar lə Lubba le ngaâ ɔtuje a, kəjə-tar kə nɛ̂n-kingaje kə rɔ-nəəlje kə̂ dɔ nangə tə̂ ɔrede kə nangə̂ karə dandə kandə kə majɛ̂ ang.

Maketuru le Lubba ke tar kabba

¹⁴ Kande ko ke gayn horo konnje te tɔju dewje ke ooje tar le Lubba le ngaa dɔtuje a, keje-tar, ke ne-kingaje, ke rɔ-nelje ke dɔ nange te ɔkujede ddew ta kare dande ke maje.

Luku 8:14 Iomraidhean Croise

Matiye 13:22

A marə dəwje toje tokə nangə kə̂ konnje ubbaje tə̂ le. Dooje tar le kə majɛ̂, a kəjə-tarje mba nɛ̂nje kə̂ nangə̂ nəənn kə bbo nɛ̂n-kingaje kə̂ aw ərəde ore dɔ tar le kə nangə̂ arə tar le andə ang.

Marke 4:19

a kəjə-tar mba nɛ̂nje kə̂ nangə̂ nəənn, kəm-nda nɛ̂n-kingaje kə bbo nɛ̂nje dang dang kə̂ aw ərə dəw andəje məde tə̂ ngaâ ore tar le kə nangə̂ arə andə ang.

Luku 16:13

«Nje-kula kâra asə dda bbərə lə əbbeejedede joo ang, mba nâ mbətə marɛ̂ kâra, a nâ ndiki marɛ̂ kâra wase nâ kunn rɔɛ̂ karə marɛ̂ kâra, a nâ dabbə marɛ̂ kâra. Asəje ta dda bbərə lə Lubba ddəm narɛ̂ ddəm ang.»

Luku 21:34

«Aaje rɔse! Arəje məse to kə dɔ kay koto tə̂ karə uta dɔse kə kusa nɛ̂n karə uta dɔse dɔrɔ ang, arəje kəjə-tar mba nɛ̂nje kə̂ nangə̂ nəənn uta dɔse ang. Bbo baann ang a, ndɔ nəənn le a ddee dɔse tə̂ busu

Luku 8:13

Kandə-ko kə̂ gayn dɔ ər tə̂ le tɔju njê kə̂ ooje tar lə Lubba le a, taaje kə rɔ-nəəl. A tar kə̂ dooje le ungu ngirɛ̂ məde tə̂ ang, dooje məde tə̂ mba gɔju kar baa, a ndɔ kə̂ nɛ̂n nan mə tee a, n̂-tusuje dinyaje.

Luku 8:15

Kandə-ko kə̂ gayn dɔ nangə tə̂ kə̂ maji le tɔju njê kə̂ ooje tar lə Lubba kə mə kə̂ maji kə mə kə̂ gatə gatə, a n̂-ngəmje tar le, duwaje darə ngəng ngaâ n̂-naynje daw dandəje kandə.»

Luku 8:7

Marə dəbbə kandə-ko le bbay gayn horo konnje tə̂. Konnje le teeje kə de kâra baa, a konnje le orede kə nangə̂.

Tar kə̂ Maji kə̂ Jan dda makəturu tə̂ 15:6

Bbo dəw nayn rɔm tə̂ ang a, dâ kilɛ̂ ddaka tokə barkəm binyə karə n̂-tutu. Ngaâ, dâ koto kungu purô karə puru ɔn.

1 Timɔte 6:17

Maji karə unn ndu arə njê-nɛ̂n-kingaje kə̂ bbokənɛn nəənn arə dɔsuje gaji rɔde baa ang. Maji karə dundaje məde kə dɔ nɛ̂n-kingaje tə̂ ang, mba to nɛ̂nje kə̂ a ndayje. A maji karə dundaje məde dɔ Lubba tə̂ kə̂ aw arəje nɛ̂n tɔyn arə uta dɔɛ̂ karə jisi nɛ̂n kə majɛ̂.

2 Timɔte 4:10

Mba Demas tusum inyam mba bbo nɛ̂nje kə̂ nangə̂ kə̂ bbokənɛn nəənn. Naw Tesalonikə. Keresan aw nangə tə̂ kə̂ Galasi ngaâ Titə aw nangə tə̂ kə̂ Dalmasi.

Ebərəje 6:1

Mba yeenn bba, maji karə n-naynje kə dɔ dɔngɔr nɛ̂n-tɔjuje tə̂ kə̂ dɔ Kristə tə̂ le ang, a jawje kə nɛ̂n-tɔjuje tə̂ kə̂ toje to lə dəwje kə̂ tɔkə. Ja təlje dɔ nɛ̂n-tɔju tə̂ kə̂ dɔngɔr le ang ngaa. Nɛ̂n-tɔjuje kə̂ dɔngɔr le to ənga turu-mə ta kinya nɛ̂n-ddaje kə̂ aw awje kə dəw karə inga yo, tar kunn-mə karə Lubba,