Luku 8:1 - Dɔnɔn kə̂ Siki: Tar kə̂ aw arə təbbə

¹ Goe tə̂ a, Jeju nja tɔkə bbeje tə̂ kə ngann bbeje tə̂, aw pa tar lə Lubba ngaâ aw ila mbər Tar kə̂ Maji dɔ kɔn-mbay tə̂ lə Lubba. Njê-kaw-kulaje laa kə̂ dɔku gire joo awje saa ddəm

Maketuru le Lubba ke tar kabba

¹ Goe te a, Jeju unn go bbuka bbeje ke ngann bbeje, aw pa tar le Lubba ke ila mber Tar ke Maji wɔju dɔ *Kɔn̂-bbe le Lubba. Nje-kayn̂-kulaje laa ke dɔku gire joo awje saa,

Luku 8:1 Iomraidhean Croise

Matiye 11:1

Jeju ndəjə njê-njaje goe tə̂ kə̂ dɔku gire joo le tunga a, nɔtu naw mə tɔkə bbeje tə̂ kə̂ dɔ nangə tə̂ənn ta tɔju nɛ̂n ddəm ta kila mbər Tar kə̂ Maji ddəm.

Matiye 13:19

Dəwje kə̂ ooje tar kɔn-mbay lə Lubba, a gərəje kandə tar le ang, toje tokə dɔ ddəw kə̂ kandə-koje gaynje tə̂ le. Nje-mə-majang ddee ɔru nɛ̂n kə̂ n̂-dubbu məde tə̂ le kə ddang.

Matiye 4:23

Jeju nja nangə tə̂ kə̂ Galile tɔyn. Naw tɔju nɛ̂n dəwje mə kəy mbɔn-naanje tə̂ lə Jiipije kə̂ nangə tə̂ənn ngaâ nila mbər Tar kə̂ Maji kə̂ dɔ Bbe-kɔn tə̂ lə Lubba. Naji njê-rɔ-toje tɔyn ngaâ naji njê kə̂ dəbbə rɔde tuju narə rɔde le təl ddee maji.

Matiye 9:35

Jeju nja mə tɔkə bbeje tə̂ kə mə ngann bbeje tə̂ tɔyn. N̂-tɔju nɛ̂n kəy mbɔn-naanje tə̂ lə Jiipije, nila mbər Tar kə̂ Maji dɔ kɔn-mbay tə̂ lə Lubba. Naji njê-rɔ-toje tɔyn ngaâ naji dəwje kə̂ dəbbə rɔde tuju narə rɔde ddee maji.

Marke 1:39

Yeenn ngaâ n̂-nja nangə Galile tə̂ tɔyn. Naw tɔju Tar kə̂ Maji mə kəy mbɔn-naanje tə̂ lə Jiipije kə̂ nangə tə̂ənn ngaâ n̂-tubba ndilje kə̂ maji ang.

Luku 1:80

Ngonn le aw tɔkə ddəm kəjə laa aw sangə ddəm. N̂-nayn mə kɔr tə̂ ndərəng ndɔ kə̂ naw tɔju nɛ̂n rɔɛ̂ nɔn ngann Ijarayɛlje tə̂.

Luku 20:1

Marə ndɔ, Jeju aw tɔju nɛ̂n dəwje kə̂ banya mə kəy-polo Lubba tə̂ ddəm aw ila mbər Tar kə̂ Maji ddəm. Mbayje lə njê-poloje Lubba kə njê-gərəje-Ndu kə tɔkəje lə Jiipije undaje lo teeje.

Luku 4:18

«Ndil lə Əbbə-dəwje to dɔm tə̂, mba nungu ubbu dɔm tə̂ karə mila mbər Tar kə̂ Maji marə njê-ndooje. Nulam karə m-pa marə bbərəje to dâ teeje kɔ bbərə tə̂, karə m-pa marə njê-kəm-tɔje to dâ təlje kooje lo, nulam karə mɔru dəwje ndoo tə̂ kə ddang.

Luku 9:6

Njê-kaw-kulaje lə Jeju le awje ngaâ n̂-njaje kə bbe bbe, n̂-paje Tar kə̂ Maji darəje dəwje ngaâ dajije nje-rɔ-toje tɔ.

Kulaje 10:38

Ə-gərəje ddəw kə̂ Lubba ula nɛ̂n singa-mɔngu kə Ndil-mə-nda dɔ Jeju kə̂ Najarɛtə tə̂ kə majɛ̂. Narə n̂-dda maji kə dəwje tɔyn kə lo lo ddəm naji dəwje tɔyn kə̂ Əsu uwade bbərə tə̂ ddəm mba Lubba ee saa.

Kulaje 13:32

Jeje kara, jila mbər Tar kə̂ Maji nəənn jarəse tɔ. Nɛ̂n kə̂ Lubba unn ndue mbɛɛ̂ arə kajejedede le,

Rɔmɛnje 10:15

Bbo dula dəw karə ila mbər tar laa ang a, dəw le a pa tar laa tokə baânn wa? Ddəw kâra baa tokə Makəturu lə Lubba pa tɔ nan: To nɛ̂n kə̂ kura nya ta koo dəwje kə̂ ddeeje kə Tar kə̂ Maji.