Luku 7:41 - Dɔnɔn kə̂ Siki: Tar kə̂ aw arə təbbə

⁴¹ Jeju pa nan: «Marə dəw, bbangə laa to dɔ dəwje tə̂ joo. Marɛ̂ kâra tunan kandə narɛ kɔr min, a marɛ̂ kâra tunan kandə narɛ dɔmin.

Maketuru le Lubba ke tar kabba

⁴¹ Jeju pa na: « Mare dew ee ke bbange laa dɔ dewje te joo. Mare kara tuna *kande-nare kɔrmi a mare kara tuna *kande-nare dɔmi.

Luku 7:41 Iomraidhean Croise

Matiye 18:28

Kar tə̂ kə̂ nje-kula le tee ddaka a, oo marə nje-kula marɛ̂ kə̂ bbangə laa to dɔɛ̂ tə̂ kandə narɛ dɔdɔku. Nuwa gɔsɛ̂ n̂-tɔ naan tə̂, n̂-pa narɛ̂ nan: ‹Uka bbangə ləm!›

Matiye 6:12

Ɔru tar majang ləje dɔje tə̂, tokə jeje kara jaw jɔru tar dɔ dəwje tə̂ kə̂ ddaje majang kə je tɔ.

Marke 6:37

A Jeju ilade tə̂ nan: «Sese njaa arəjede nɛ̂n dusaje.» Njê-kaw-kulaje le dujeje nan: «Ta jaw ndoko mapa kə kandə narɛ kɔr joo jarəde dusa wa?»

Luku 11:4

Ɔru tar majang ləje dɔje tə̂, mba jeje kara jaw jɔru tar dɔ dəwje tə̂ kə̂ ddaje majang kə je tɔ. Inya arə marə nɛ̂n nanje ang.› »

Luku 12:48

A nje-kula kə̂ nɛ̂n kə mə əbbeeje ndiki gərə ang le, bbo n̂-dda nɛ̂n kə̂ asə kunda a, dâ kundɛ̂ ngaji baa. Dəw kə̂ darɛ̂ nɛ̂n bo nya, dâ duju nɛ̂n bo nya jia tə̂. Dəw kə̂ dinya nɛ̂n jia tə̂ nya, dâ duje nɛ̂n nya tɔ.»

Luku 13:4

Tɔ bbay, dəwje dɔku gire jijoo kə̂ kəy kə̂ ndəw kə̂ Silowe oso dɔde tə̂ tɔlde le, dede â n̂-ddaje maji ang dutaje kəsə dəwje kə̂ Jerujalɛm tɔyn wa?

Luku 7:40

Jeju pa arə Parijinyɛ le nan: «Simɔn, tar to ta karə m-pa mari.» Simɔn le ilɛ̂ tə̂ nan: «Nje-nɛ̂n-tɔju, ə-pa tar le.»

Luku 7:47

Mba yeenn bba m-pa mari: Tar majang laa kə̂ banya ɔru dɔɛ̂ tə̂ ngaa, mba ndiki laa bo nya. A dəw kə̂ dɔru tar dɔɛ̂ tə̂ tɛn baa, ndiki laa to tɛn baa tɔ.»

Rɔmɛnje 3:23

Dəwje tɔyn ddaje majang arə dasəje piti lə Lubba ang.

Rɔmɛnje 5:20

Ndu ddee mba karə majangje ddeeje tokə banya. A lo kə̂ majang banya tə̂, mə-maji lə Lubba bo tə̂ kə kete kete bbay tɔ.