Luku 7:34 - Dɔnɔn kə̂ Siki: Tar kə̂ aw arə təbbə

³⁴ Ngonn lə dəw ddee ngaâ ɔn muru ddəm ay nɛ̂n ddəm, a ə-paje nan: ‹Dəw nəənn to nje-nɛ̂n-kusa, nje-nɛ̂n-kay, nje-buwa-kura lə njê-taaje narɛ lambo ddəm njê-nɛ̂n-ddaje kə̂ maji ang ddəm.›

Maketuru le Lubba ke tar kabba

³⁴ Ngonn le dew ddee, ɔn muru ngaa ay ne a e-paje na: Dew neenn to nje-ne-kusa ke nje-ne-kay, nje-buwa-kura le nje-taaje nare *lambo ke le nje-ne-ddaje ke maji ang.

Luku 7:34 Iomraidhean Croise

Matiye 11:19

Ngonn lə dəw ddee ngaâ ɔn muru ddəm ay nɛ̂n ddəm a dəwje paje nan: ‹N̂-to nje-nɛ̂n-kusa kə nje-nɛ̂n-kay. N̂-to nje-buwa-kura lə njê-taaje narɛ lambo ddəm njê-nɛ̂n-ddaje kə̂ maji ang ddəm.› A kulaje kə̂ kəm-karɛ lə Lubba le aw dda, tɔju to kəm-karɛ le to gatə gatə.»

Matiye 5:46

Bbo njê kə̂ ndikise dɔrɔ bba ə-ndikijede a, kuka ddi bba â kingaje ji Lubba tə̂ wa? Njê-taaje narɛ lambo kara ddaje tokə baann tɔ.

Matiye 9:11

Parijinyɛje ooje nɛ̂ɛnn le a, n̂-paje darəje njê-njaje go Jeju tə̂ le nan: «Mba ddi bba nje-nɛ̂n-tɔju ləse aw usa nɛ̂n kə njê-taaje narɛ lambo ddəm njê-nɛ̂n-ddaje kə̂ maji ang ddəm wa?»

Luku 11:37

Jeju aw pa tar a, marə Parijinyɛ bbarɛ̂ ta karə naw nusa nɛ̂n kəy laa. Naw ngaâ nisi ta nɛ̂n-kusa tə̂ le.

Luku 14:1

Marə ndɔ-kuwa-rɔ tə̂, Jeju andə mə kəy tə̂ lə marə tɔkə mbay lə Parijinyɛje ta kusa nɛ̂n.

Luku 15:2

Parijinyɛje kə njê-gərəje-Ndu aw nyuruje nan: «Dəw nəənn aw uwa njê-nɛ̂n-ddaje kə̂ maji ang kə rɔɛ̂ tə̂ ngaâ usa nɛ̂n kə de.»

Luku 19:7

Dəwje tɔyn ooje baann a, nyuruje nan: «Naw to mə kəy tə̂ lə nje-nɛ̂n-dda kə̂ maji ang.»

Luku 5:29

Lebi dda nɛ̂n-kusa tokə bo arə Jeju mə kəy tə̂ laa ngaâ njê-taaje narɛ lambo tokə banya kə marə dəwje nya isije kə de ta nɛ̂n-kusa tə̂ le.

Luku 7:33

Mba Jan-Batisi ddee le, ɔn muru ang ddəm ay bɛn ang ddəm a ə-paje nan: ‹Ndil kə̂ maji ang to məɛ̂ tə̂.›

Luku 7:35

A ngann lə Lubba tɔyn gərəje to kəm-karɛ laa to gatə gatə.»

Luku 7:36

Marə Parijinyɛ bbar Jeju ta karə usa nɛ̂n saa. Jeju andə kə̂y lə Parijinyɛ le ngaâ aw isi ta nɛ̂n-kusa tə̂.

Tar kə̂ Maji kə̂ Jan dda makəturu tə̂ 12:2

N̂-dda nɛ̂n-kusa darə Jeju lo tə̂ənn. Martə â aw kə nɛ̂n-kusa le. Lajar ee horo dəwje tə̂ kə̂ isije ta nɛ̂n-kusa tə̂ kə Jeju le.

Tar kə̂ Maji kə̂ Jan dda makəturu tə̂ 2:2

N̂-bbar Jeju kə njê-njaje goe tə̂ kusu tə̂ le tɔ.