Luku 7:13 - Dɔnɔn kə̂ Siki: Tar kə̂ aw arə təbbə

¹³ Əbbə-dəwje le oo dɛnɛ̂n le a, ddɛɛ̂ ndoo ngaâ pa arɛ̂ nan: «Ə-nɔn ang!»

Maketuru le Lubba ke tar kabba

¹³ *Ebbe-dewje le oo dene le a ddae ndoo ngaa pa are dene le na: « E-nɔ ang!»

Luku 7:13 Iomraidhean Croise

Marke 8:2

«Dəwje kə̂ banya nəənn ddamje ndoo. Mba ndɔ mota njaa ngaa kə̂ n̂-naynje səm lo tə̂ nəənn, a dingaje nɛ̂n-kusa ang.

Luku 10:1

Goe tə̂ a, Əbbə-dəwje təl tɔru njê-njaje goe tə̂ dɔsiri gire joo horo marɛ̂je tə̂. Nulade joo joo nɔɛ̂n tə̂ kete karə dawje mə bbeje tə̂ kâra kâra kə loje tə̂ tɔyn kə̂ ne njaa n̂-ndiki ta kaw tə̂.

Luku 11:1

Marə ndɔ Jeju aw duju Lubba marə lo tə̂. N̂-duju Lubba tɔyn n̂-tunga a, marə nje-nja goe tə̂ pa arɛ̂ nan: «Əbbə-dəwje, ə-tɔjuje gusu duju Lubba tokə Jan tɔju njê-njaje goe tə̂.»

Luku 11:39

A Əbbə-dəwje pa arɛ̂ nan: «See Parijinyɛje, aw tokoje giri əngo kə giri ka, a kəm-nda kə mə-majang ddusu məse.

Luku 12:42

Əbbə-dəwje le ilɛ̂ tə̂ nan: «Nân to nje-ngəm nɛ̂n kə̂ to gatə gatə ddəm to nje-kəm-karɛ ddəm wa? To ne kə̂ əbbeeje a kinya njê-kulaje laa jia tə̂ karə n̂-kaynde nɛ̂n-kusa kə karɛ̂ karɛ̂.

Luku 13:15

A Əbbə-dəwje ilɛ̂ tə̂ nan: «Njê-ngəmje! Sese kâra kâra tɔyn, ndɔ-kuwa-rɔ tə̂, aw tutuje mangəje wase kororoje ləse lo tə̂ kə̂ daw dusaje nɛ̂n tə̂, awje kə de arəje dayje maann ang wa?

Luku 17:5

Njê-kaw-kulaje paje arə Əbbə-dəwje nan: «Ə-dda mə-kunn ləje arə bo.»

Luku 17:6

A Əbbə-dəwje ilade tə̂ nan: «Bbo mə-kunn ləse to ngaji tokə lə kandə mutardə kə tɛn baa le a, â kasəje ta pa karə kakə sikɔmɔr nəənn nan: ‹Ɔru rɔi kə ngirai tɔyn aw maan rɔi baâ› a, nâ koo tase.»

Luku 18:6

Əbbə-dəwje təl pa bbay nan: «Ooje tar kə̂ nje-gangə sariya kə̂ gatə gatə ang le pa nəənn kə majɛ̂.

Luku 19:8

A Jase ar nɔn Əbbə-dəwje tə̂ pa arɛ̂ nan: «Oo, Əbbə-dəwje, maw kayn nɛ̂n-kingaje ləm dannâ maw kayn njê-ndooje. A bbo m-taa narɛ lə dəw kə ddəwe ang a, mâ təl nɛ̂n karɛ̂ asə gɔl sɔ.»

Luku 22:61

Əbbə-dəwje turu rɔɛ̂ ngaâ aa Piyɛr le. Piyɛr le ole məɛ̂ dɔ tar tə̂ kə̂ Əbbə-dəwje pa arɛ̂ nan: «Kete bba karə kuran nɔn bbokənɛn, â mayn pa nan ə-gərəm ang gɔl mota le.»

Luku 24:3

Dandəje mə buwa tə̂ le a, dooje niinn Əbbə-dəwje Jeju le ang.

Luku 24:34

kə̂ aw paje arəde nan: «Tɔkɔrɔ, Əbbə-dəwje ndol, mba Simɔn ooe kə kəmɛ̂.»

Luku 7:12

Kar tə̂ kə̂ n̂-tee ngɔsi kə bbe le a, noo dəwje kə̂ awje kə niinn ta dubbu. Dəw kə̂ oy le to ngonn lə marə dɛnɛ̂n-ndubba kə̂ to ngonn-kâra laa kə̂ dingaw. Dəwje kə̂ mə bbe tə̂ le tokə banya aw dannje dɛnɛ̂n le tɔ.

Luku 7:14

N̂-ngəsə kə kete nɔru tuwa kə̂ dila niinn le tə̂. Dəwje kə̂ otoje niinn le arje lo kâra ngaâ Jeju pa nan: «Basan, m-pa mari, ə-ndol!»

Luku 7:19

ngaâ ulade rɔ Əbbə-dəwje tə̂ arə n̂-dujeje nan: «Əi â ə-to dəw kə̂ a ta ddee le wase ta n-nginan marə dəw kə̂ dang wa?»

Luku 8:52

Dəwje tɔyn aw nɔnje, aw ndingaje rɔde mba ngonn kə̂ dɛnɛ̂n le. Jeju pa nan: «Ə-nɔnje ang. Noy ang, bbi â naw tibbi.»

Tar kə̂ Maji kə̂ Jan dda makəturu tə̂ 11:2

Mari le â ungu yambo gɔl Əbbə-dəwje tə̂ ngaâ bɔru gɔlɛ̂ kə biin-dɔɛ̂ le. Lajar kə̂ ngokɔn Mari le â rɔɛ̂ toe.

Tar kə̂ Maji kə̂ Jan dda makəturu tə̂ 11:3

Ngakɔn-nannɛ̂ ulaje arəje Jeju nan: «Əbbə-dəwje, rɔ nami le toe.»

Tar kə̂ Maji kə̂ Jan dda makəturu tə̂ 20:13

Anjəje le dujeje nan: «Aw nɔn mba ddi wa?» Nilade tə̂ nan: «Dɔru Əbbəmje dɔtu nɛ̂n, a m-gərə lo kə̂ dilɛ̂ tə̂ ang.»

Tar kə̂ Maji kə̂ Jan dda makəturu tə̂ 20:15

Jeju le duje nan: «Dɛnɛ̂n, aw nɔn mba ddi wa? Nân bba aw sangɛ̂ wa?» A dɛnɛ̂n le əjə to nje-ndɔɔ nəənn le ngaâ pa arɛ̂ nan: «Bɔy, bbo əi â ɔrɛ̂ a, ə-tɔjum lo kə̂ ilɛ̂ tə̂ arə maw munnɛ̂.»

Tar kə̂ Maji kə̂ Jan dda makəturu tə̂ 4:1

Parijinyɛje ooje nan Jeju aw dda dəwje nya to njê-njaje goe tə̂ ngaâ naw dda dəwje batɛm nya nuta Jan.

Tar kə̂ Maji kə̂ Jan dda makəturu tə̂ 6:23

A marə tɔkə toje inje Tiberiyadə ddee teeje ngɔsi kə lo kə̂ Əbbə-dəwje arə wooyo Lubba tə̂ ngaâ kaynde mapa arə dusaje tə̂ le.

1 Kɔrɛntinyɛje 7:30

Maji karə dəwje kə̂ aw nɔnje isije tokə dəwje kə̂ aw nɔnje ang. Maji karə njê kə̂ aw ddaje rɔ-nəəl, isije tokə dəwje kə̂ aw ddaje rɔ-nəəl ang. Maji karə dəwje kə̂ ndokoje nɛ̂nje isije tokə dəwje kə̂ nɛ̂nje ləde goto.

1 Tesalonisinyɛje 4:13

Ngakɔnje, n-ndiki ta karə ə-gərəje tar dɔ dəwje tə̂ kə̂ oyje, bba karə uwaje ndoo tokə lə kəsə dəwje ang. Mba dede dundaje məde dɔ marə nɛ̂n tə̂ kâra ang.

Ebərəje 2:17

Mba yeenn bba, maji karə n̂-ddee tokə lə ngakɔɛ̂nje mə nɛ̂nje tə̂ tɔyn. Yeenn bba n̂-ddee to tɔkə nje-polo Lubba kə̂ aw dda mə-maji kə dəwje ngaâ aw dda nɛ̂n lə Lubba kə dɔgɔlɛ̂ mba kɔru nɛ̂n tar majang lə dəwje dɔde tə̂ kə ddang.

Ebərəje 4:15

Tɔkə nje-polo Lubba ləje le, nɛ̂nje kə̂ jubbaje singa tə̂ ang a, nasə ta koo ndoo kə je ddəwe tə̂. Mba n̂-nɛɛ̂n mə nɛ̂nje tə̂ tɔyn tokə jeje njaa tɔ, a ne n̂-dda majang kâra ang.