Luku 6:49 - Dɔnɔn kə̂ Siki: Tar kə̂ aw arə təbbə

⁴⁹ A dəw kə̂ oo tar ləm, a dda nɛ̂n kula ang to kâra baa kə dəw kə̂ ɔsu kəy laa dɔ nangə tə̂ baa bbo ungu gɔlɛ̂ dɔ ər tə̂ ang. Maann ula unda kar kəy le a, kəm naan tə̂ nəənn njaa kəy le oso ngaâ guru njuku njuku.»

Maketuru le Lubba ke tar kabba

⁴⁹ A dew ke oo tar lem ngaa dda ne kula ang to ddew kara baa ke dew ke ɔsu key laa dɔ nange te baa bbo ungu gɔle dɔ er te ang. Maann ula unda kar key le a, kem naa te neenn njaa key le uwa nange ngaa guru njuku njuku.»

Luku 6:49 Iomraidhean Croise

Matiye 23:3

Yeenn a, maji karə ooje tade ngaâ ə-ddaje nɛ̂nje tɔyn kə̂ n̂-dujuse. A nɛ̂n-ddaje ləde â ta ə-ndajije ang, mba nɛ̂n-ddaje ləde to kâra baa kə nɛ̂n-tɔju ləde ang.

Matiye 24:10

Mə-kunn lə dəwje nya a koso. Dâ kunn dɔ naan ngaâ dâ mbətəje naan.

Marke 4:17

A dinyaje darə tar le ungu ngirɛ̂ məde tə̂ ang. N̂-naynje ddəwe tə̂ ang. Bbo nɛ̂n kəm-to-ndoo wase nɛ̂n-singa ddee ingade mba tar le a, n̂-tusuje dinyaje njangə baa.

Luku 12:47

«Nje-kula kə̂ gərə nɛ̂n kə̂ mə əbbeeje ndiki, a gɔl nɛ̂n ang ddəm dda nɛ̂n kə̂ əbbeeje ndiki le ang ddəm a kinga kunda nya.

Luku 19:14

A dəwje kə̂ bbeê laa ndikeje ang. Dulaje marə dəwje goe tə̂ darə aw paje nan: ‹N-ndiki karə dəw nəənn ddee to tɔkə mbay ləje ang.›

Luku 19:27

A njê-baanje ləm kə̂ ndikije karə mɔn dɔde ang le, ə-ddeeje kə de bbo ujaje gɔsude kəmʼm tə̂ nəənn.› »

Luku 6:46

«Mba ddi bba aw bbarəmje: Əbbə-dəwje, Əbbə-dəwje! A ə-ddaje nɛ̂n kə̂ maw pa marəse ang wa?

Luku 6:48

N̂-to kâra baa kə dəw kə̂ a ta kɔsu kəy a, uru buwa arə uru bba ungu gɔl kəy le dɔ ər tə̂. Bbo maann taa lo ngaâ unda kar kəy le a, kəy le oso ang, mba nɔsu kəy le kə majɛ̂.

Luku 7:1

Jeju pa tarjeenn tɔyn arə dəwje a, naw tɔkə bbe tə̂ Kapɛrnawum.

Tar kə̂ Maji kə̂ Jan dda makəturu tə̂ 15:2

Barkəm-rɔje tɔyn kə̂ toje rɔm tə̂, a andəje ang, naw tuka kə ddang. A naw gangə dɔ barkəm-rɔje tɔyn kə̂ aw andəje karə dandəje uta ye kə̂ kete bbay.

Kulaje 20:29

M-gərə kə majɛ̂ to gom tə̂ a, dəwje kə̂ toje tokə ənjakəmnjarje kə̂ maji ang a ddeeje kandəje horose tə̂ ta ddase maji ang.

Kulaje 26:11

Maw mandə kəy mbɔn-naan tə̂ tɔyn kə ndɔ ndɔ maw mula kəmde ndoo tə̂. Maw muwade kə singa marə n̂-tajije ri Jeju. Bbo wungu ɔnʼm nya a, m-ndole gode ndərəng dɔ bbe tə̂ kə̂ dang.»

1 Tesalonisinyɛje 3:5

Mba yeenn bba, m-tɔ wurum pin le ngaâ, mula Timɔte karə aw oo tar dɔ mə-kunn tə̂ ləse. M-bbəəl mba karə Əsu in nanse arə kulaje ləje ddee to nɛ̂n kə̂ baa.

2 Piyɛr 2:20

Dəwje kə̂ gərəje Jeju-Kristə kə̂ to Əbbəjeje ddəm Nje-kajije ddəm teeje mə nɛ̂n-yərəwje tə̂ kə̂ duninya tə̂ nəənn kə ddang ngaa. A bbo n̂-təlje dulaje rɔde mə nɛ̂n-yərəw tə̂ le bbay darə taa singade a, kisi ləde kə̂ guku a maji ang kuta ye kə̂ kete bbay.

1 Jan 2:19

Dinje horoje tə̂ bba n̂-teeje, a n̂-toje to dəwje ləje ang. Bbo n̂-toje to dəwje ləje a, dâ naynje kə je. N̂-teeje horoje tə̂ kə̂ ddang karə tɔju kə ddaka to dede tɔyn n̂-toje to dəwje ləje ang.