Luku 6:47 - Dɔnɔn kə̂ Siki: Tar kə̂ aw arə təbbə

⁴⁷ Dəw kə̂ ddee rɔm tə̂, oo tar ləm ngaâ dda nɛ̂n kula le unn da-rɔ nân wa?

Maketuru le Lubba ke tar kabba

⁴⁷ Dew ke ddee rɔm te, oo tar lem ngaa dda kula ke turu ndum unda rɔ na wa?

Luku 6:47 Iomraidhean Croise

Matiye 12:50

Bbo dəw dda nɛ̂n kə̂ mə Bɔmje kə̂ darâ ndiki a, dəw le to ngokɔnʼm, to kɔn-nannəm wase kɔnʼmje.»

Matiye 17:5

N̂-nayn naw pa tar bbay a, marə mum kə̂ ndɔnrɛn ddee kiri dɔde. Marə ndu bbar mə mum tə̂ le nan: «Dəw nəənn to ngonn ndiki ləm kə̂ rɔm nəələm nya mbɛɛ̂. Maji karə ooje tɛɛ̂.»

Luku 11:28

A Jeju ilɛ̂ tə̂ nan: «Uta tɔyn, maji arə dede kə̂ dooje tar lə Lubba a, ngəmje.»

Luku 14:26

«Bbo dəw ddee rɔm tə̂ ngaâ ndikim uta bɔɛ̂je kə kɔɛ̂nje kə dɛnɛ̂n laa kə ngannɛ̂ kə ngakɔɛ̂nje kə ngakɔn-nannɛ̂je kə da-rɔɛ̂ njaa ang a, nân to nje-nja gom tə̂ ang.

Luku 6:48

N̂-to kâra baa kə dəw kə̂ a ta kɔsu kəy a, uru buwa arə uru bba ungu gɔl kəy le dɔ ər tə̂. Bbo maann taa lo ngaâ unda kar kəy le a, kəy le oso ang, mba nɔsu kəy le kə majɛ̂.

Luku 8:13

Kandə-ko kə̂ gayn dɔ ər tə̂ le tɔju njê kə̂ ooje tar lə Lubba le a, taaje kə rɔ-nəəl. A tar kə̂ dooje le ungu ngirɛ̂ məde tə̂ ang, dooje məde tə̂ mba gɔju kar baa, a ndɔ kə̂ nɛ̂n nan mə tee a, n̂-tusuje dinyaje.

Luku 8:8

A marɛ̂je gaynje dɔ nangə tə̂ kə̂ maji. N̂-teeje ngaâ kakɛ̂ kâra a, andə dɔdɔku dɔdɔku.» Jeju pa tar nəənn ila nangə̂ a, pa kə taar nan: «Dəw kə̂ mbia to a, maji karə oo tar nəənn!»

Tar kə̂ Maji kə̂ Jan dda makəturu tə̂ 10:27

Batəje ləm ooje ndum. Əman, m-gərəde ngaâ dunnje gom.

Tar kə̂ Maji kə̂ Jan dda makəturu tə̂ 13:17

Bbasinɛn, ə-gərəje nɛ̂ɛnn le ngaa. Bbo ə-ddaje nɛ̂ɛnn le a rɔ-nəəl to ləse.

Tar kə̂ Maji kə̂ Jan dda makəturu tə̂ 14:15

«Bbo ə-ndikimje a, â ddaje nɛ̂n kə turu nduje ləm.

Tar kə̂ Maji kə̂ Jan dda makəturu tə̂ 5:40

A ə-ndikije ta ddee rɔm tə̂ ta kinga təbbə kə̂ tɔkɔrɔ ang.

Tar kə̂ Maji kə̂ Jan dda makəturu tə̂ 6:35

Jeju pa arəde nan: «Əman, m-to mapa kə̂ aw arə təbbə dəw. Dəw kə̂ ddee rɔm tə̂ a, bbo a ddɛɛ̂ ndɔ kâra ang. Dəw kə̂ unn məɛ̂ arəm a, kunda maann a kɔɛ̂n ndɔ kâra ang.

Tar kə̂ Maji kə̂ Jan dda makəturu tə̂ 6:37

Dəwje tɔyn kə̂ Bɔmje arəm a ddeeje rɔm tə̂. Ngaâ dəw kə̂ ddee rɔm tə̂ a, mâ kilɛ̂ ddaka ang.

Tar kə̂ Maji kə̂ Jan dda makəturu tə̂ 8:52

Jiipije paje arəje Jeju nan: «Bbasinɛn n-gərə ngaa, ndil kə̂ maji ang to məi tə̂. Abaraham oy, njê-kilaje mbər tar lə Lubba oyje tɔ, a əi ə-pa nan: ‹Bbo dəw ngəm tar ləm a, nâ koy ndɔ kâra ang wa?›

Ebərəje 5:9

Ddəw nɛ̂nje tə̂ənn le, Kristə ddee to dəw kə̂ asə tɔyn ta karə dəwje tɔyn kə̂ ddaje nɛ̂n kə turu ndue kaji kə̂ to kə ndɔ kə ndɔ.

Jakə 4:17

Yeenn a, dəw kə̂ gərə ddəw dda nɛ̂n kə̂ maji bba dda ang, dda majang.

1 Piyɛr 2:4

Maji karə ə-ddeeje ngɔsi kə Əbbə-dəwje Jeju. N̂-to ər kə̂ to kəm baa kə̂ dəwje mbətəje, a Lubba mbərə ngaâ oo to nɛ̂n kə̂ ngəng nya kəmɛ̂ tə̂.

2 Piyɛr 1:10

Mba yeenn bba, ngakɔnʼmje, maji karə ə-ddaje singa nya mba nayn ddəw bbar tə̂ kə̂ Lubba bbarse kə mbərə kə̂ n̂-mbərəse le kə majɛ̂. Bbo ə-ddaje tokə baann a, â kosoje mə majang tə̂ ndɔ kâra ang.

1 Jan 2:29

Bbo ə-gərəje to Kristə to gatə gatə a, maji karə ə-gərəje tɔ to, dəwje kə̂ ddaje nɛ̂n kə̂ gatə gatə toje to ngannje lə Lubba.

1 Jan 3:7

Ngannje, arəje dəw ərəse ang. Dəw kə̂ dda kula kə̂ gatə gatə to gatə gatə tokə Jeju-Kristə to gatə gatə le.

Apokalisi 22:14

Maji arəde, de dəwje kə̂ daw tokoje kubbuje ləde, ta kinga ddəw kusa kandə kakə kə̂ aw arə dəw təbbə ddəm ta kandə kə ta-ndoko mə bbe tə̂ le ddəm.