Luku 6:27 - Dɔnɔn kə̂ Siki: Tar kə̂ aw arə təbbə

²⁷ «A m-pa marəse sese kə̂ aw ooje tar ləm: Ə-ndikije njê-baanje ləse, ə-ddaje maji kə njê kə̂ mbətəse.

Maketuru le Lubba ke tar kabba

²⁷ « A m-pa marese esese ke aw ooje tar lem: E-ndikije nje-baanji lese, e-ddaje maji ke nje ke mbetese.

Luku 6:27 Iomraidhean Croise

Marke 4:24

Jeju pa arəde bbay nan: «Ooje tar nəənn kə majɛ̂. Nɛ̂n kə̂ unnje ɔjuje nɛ̂n nɛ̂n a, Lubba a kunn kɔju nɛ̂n nɛ̂n karəse tɔ, dâ kila marɛ̂ dɔɛ̂ tə̂ karəse.

Luku 23:34

Jeju pa nan: «Bɔy, ɔru tar dɔde tə̂, mba n̂-gərəje nɛ̂n kə̂ daw ddaje ang.» N̂-ddɔje mbari n̂-kaynje nɛ̂n naan kubbuje laa.

Luku 6:22

Bbo dəwje mbətəse, dəwje tubbase, dəwje tajise ngaâ paje tar ləse maji ang mba Ngonn lə dəw a, Maji arəse!

Luku 6:35

A maji karə ə-ndikije njê-baanje ləse, ə-ddaje maji, bbo arəje nɛ̂n dəw tunan a, undaje məse dɔ marə nɛ̂n tə̂ goe tə̂ ang. Baann bba kuka ləse a bo nya ngaâ â toje to ngann lə Nje-kisi ddutu dara tə̂. Mba Ne kə̂ ddutu dara tə̂ n̂-dda maji kə dəwje kə̂ arəje wooyo ndɔ kâra ang ddəm njê-mə-majangje ddəm.

Luku 8:15

Kandə-ko kə̂ gayn dɔ nangə tə̂ kə̂ maji le tɔju njê kə̂ ooje tar lə Lubba kə mə kə̂ maji kə mə kə̂ gatə gatə, a n̂-ngəmje tar le, duwaje darə ngəng ngaâ n̂-naynje daw dandəje kandə.»

Luku 8:18

Aaje rɔse gusu tə̂ kə̂ aw ooje nɛ̂n tar, mba dəw kə̂ nɛ̂n laa to a, dâ karɛ̂ marɛ̂ dɔɛ tə̂. A dəw kə̂ nɛ̂n laa goto, nɛ̂n kə̂ nəjə to nɛ̂n laa njaa kara dâ taa jia tə̂ kə ddang.»

Luku 8:8

A marɛ̂je gaynje dɔ nangə tə̂ kə̂ maji. N̂-teeje ngaâ kakɛ̂ kâra a, andə dɔdɔku dɔdɔku.» Jeju pa tar nəənn ila nangə̂ a, pa kə taar nan: «Dəw kə̂ mbia to a, maji karə oo tar nəənn!»

Kulaje 10:38

Ə-gərəje ddəw kə̂ Lubba ula nɛ̂n singa-mɔngu kə Ndil-mə-nda dɔ Jeju kə̂ Najarɛtə tə̂ kə majɛ̂. Narə n̂-dda maji kə dəwje tɔyn kə lo lo ddəm naji dəwje tɔyn kə̂ Əsu uwade bbərə tə̂ ddəm mba Lubba ee saa.

Kulaje 16:28

A Pɔl uru əkii kə singa nan: «Ə-tɔl rɔi ang, jee nəənn tɔyn.»

Kulaje 7:60

Goe tə̂ a, Etiyɛnn le ungu məkəjə-gɔlɛ̂ nangə̂ ngaâ uru əkii kə taar nan: «Əbbəmje, unda tar majang nəənn dɔde tə̂ ang.» Go tar tə̂ənn njaa a, noy.

Galatəje 6:10

Yeenn a, kar kə̂ jee kə ddəw bbay nəənn, maji karə n-ddaje maji kə dəwje tɔyn. Uta tɔyn, n-dda maji kə ngakɔnje njê-mə-kunnje.

1 Tesalonisinyɛje 5:15

Aaje kə majɛ̂ arə dəw kâra ila barə majang kə̂ dəw dda saa ang. A, maji karə ə-sangəje ddəw ta dda maji horose tə̂ ddəm ta dda maji kə dəwje tɔyn ddəm.

3 Jan 1:11

Ngokɔnʼm kə̂ m-ndikii nya, kula-dda kə̂ maji â ə-ndaji bbo kula-dda kə̂ maji ang â ə-ndaji ang. Dəw kə̂ dda maji to dəw lə Lubba. Dəw kə̂ dda maji ang gərə Lubba ang.