Luku 6:26 - Dɔnɔn kə̂ Siki: Tar kə̂ aw arə təbbə

²⁶ To ndoo nya arəse, sese kə̂ dəwje tɔyn aw pitijese, mba kadede ddaje tokə baann kə njê-kilaje mbər tar kə̂ tɔkɔrɔ ang tɔ!»

Maketuru le Lubba ke tar kabba

²⁶ Wungu to lese, toke dewje tɔyn pitijese, mba kadede ddaje ke nje-kilaje mber-tar ke to nje-ngemje toke baann tɔ!»

Luku 6:26 Iomraidhean Croise

Matiye 7:15

«Aaje rɔse rɔ njê-kilaje mbər tar kə̂ tɔkɔrɔ ang tə̂. Dulaje ngira batə bba n̂-ddeeje nɛ̂n rɔse tə̂. A məde tə̂ nu, n̂-toje to ənjakəmnjarje kə̂ aw uwaje nɛ̂n aw usaje.

Luku 6:25

To ndoo nya arəse, see dəwje kə̂ məse ndann bbokənɛn, mba bbo a ddase! To ndoo nya arəse, sese kə̂ aw kokoje bbokənɛn, mba nɛ̂n-mə-kɔn a ddase ngaâ maann-nɔn a ndəəyse!

Tar kə̂ Maji kə̂ Jan dda makəturu tə̂ 15:19

Bbo ə-toje to dəwje kə̂ duninya tə̂ a, dəwje kə̂ duninya tə̂ a ndikijese, mba ə-toje to ləde. A ə-toje to dəwje kə̂ duninya tə̂ ang ngaâ m-mbərəse horo dəwje tə̂ kə̂ duninya tə̂ nəənn. Mba yeenn bba, dəwje kə̂ duninya tə̂ mbətəjese.

Tar kə̂ Maji kə̂ Jan dda makəturu tə̂ 7:7

Dəwje kə̂ dɔ nangə tə̂ a kasə ta mbətəse ang. A əman, dəwje mbətəmje, mba m-pa marəde m-pa nan kula-ddade maji ang.

Rɔmɛnje 16:18

mba dəwje kə̂ baann toje to bbərə-kulaje lə Əbbəjeje Kristə ang. A daw dəjəje kə dɔ məde tə̂ njaa. Daw dərəje dəwje kə̂ kəmde ɔru ang ddəw tarje tə̂ kə̂ tade tə̂ kə̂ rii to rii ddəm tarje kə̂ daw dərəje nɛ̂n kəm dəwje ddəm.

Jakə 4:4

See njê kə̂ aw ulaje pa-nja ləse naan tə̂! Ə-gərəje to dəwje kə̂ ndikije nɛ̂n kə̂ dɔ nangə tə̂ nəənn toje to njê-baanje lə Lubba ang wa? Yeenn a, dəw kə̂ ndiki kuwa buwa-kura kə nɛ̂n kə̂ dɔ nangə tə̂ nəənn to nje-baan lə Lubba.